Ẹbụ-ọma 146:9 - Ika

⁹ Osolobuẹ e che abịamabịa nche, o yeni ndị nwọnlẹni nẹdi lẹ ikpoho di wẹ nwụn ẹka; kanị, o mẹ ndị-ejẹ uke.

Ẹbụ-ọma 146:9 ပူးပေါင်းရင်းမြစ်များ

Samuẹlụ Nke Ẹbụọ 15:31

A gwagụọ wẹ Defidi, sị, “Ahitofẹlụ rị ndị wẹ lẹ Absalọm gba zun'i umẹ.” Defidi nọ mẹ ekpere, sị, “Osolobuẹ dodo, mẹ ndụnmọdụn ọwụlẹ Ahitofẹlụ jẹnkọ d'e ye wụrụ nzuzu.”

Samuẹlụ Nke Ẹbụọ 17:23

Mgbe Ahitofẹlụ gi hụn a nị egini wẹ ndụnmọdụn a rụn ọrụn, ọ nọ nyinrin jaki ẹ, shi iwe ẹ rị obodo wẹ wụ Gilọnụ. O dọnmẹgụ ikpụlọ a ọhụnma, ọ nọ hogbu enwẹn ẹ. Ẹrịra k'o dọn nwụnhụn, wẹ nọ li ẹ ebe wẹ li nẹdi ẹ.

Ẹsta 5:14

Ya nwunyẹ ẹ wụ Zẹrẹshi lẹ ndị ọwụ a hụ ile nọ sị a, “Rụn ebe wẹ nọ e hogbu ịhịan: ojijẹn-elu ẹ k'a wụ ọb'ụkụ mmisẹn kwasị ọgụn-ẹtọ (75). Ụtụntụn ekile y'a gwa eze n'ọ sị wẹ gi ẹ hogbu Mọdikaya, kẹni ẹfọ sụọma ị ụsụọ nị ị sọnjẹn eze oriri hụ.” Iroroni wẹ tụ sụọ Hamanị ụsụọ, ọ nọ kpọ ndị a rụnn'a, wẹ nọ rụnn'a ebe wẹ nọ e hogbu ịhịan.

Ẹsta 7:10

Ya kẹ wẹ nọ gi ihiẹn Hamanị rụntọ n'o gi hogbu Mọdikaya, hogbu Hamanị lẹ enwẹn ẹ. Olulu eze nọ rọ.

Ẹsta 9:25

Kanị, mgbe Ẹsta gi jẹnburu eze, eze nọ ti iwu, detu ẹ, sị wẹ hụn a nị eje-ihiẹn ahụn Hamanị romẹni ndị Ju nọ isi ẹ bi, sịzịkwọ wẹ hogbu Hamanị, kọn ẹhụ ụmụ a ikẹnnyẹ ye ihiẹn wẹ gi e hogbu ịhịan.

Ẹbụ-ọma 10:14

Kanị yụ wụ Osolobuẹ hụ a hụnkwọ kẹ nsọngbu kẹ ẹkwan — n'i mẹgwarị. Onyẹ wẹ rị a bịangbu sikọ d'e bu enwẹn ẹ che i ẹka; ịyụ e yeni ndị nwọnlẹni nẹdi ẹka.

Ẹbụ-ọma 145:20

Osolobuẹ e che ndị ile ihiẹn ẹ a sụọ nche, kanị, o k'e tikpọ ndị-njọ ile.

Ẹbụ-ọma 147:6

Osolobuẹ e weli ndị welụa enwẹn wẹ alị; kanị o nutu ndị njọ.

Ẹbụ-ọma 18:26

onyẹ shịapụchanrịnn'ị ẹfọ, y'a shịapụchanrịnn'a ẹfọ; kanị, onyẹ gi ẹro sọn i, y'e gi uche sọn ẹ.

Ẹbụ-ọma 68:5

Nẹdi ndị nwọnlẹni nẹdi k'ọ wụ, onyẹ hụn e kinni ikpoho di wẹ nwụn ọnụ wẹ: ịya kẹ Chuku hụn bi ebẹhụ rị nsọ wụ!

Itẹn 15:25

Osolobuẹ e tikpọ ikpụlọ onyẹ mpache, kanị o dọnmẹdẹni okpoho di ẹ nwụnhụn ihiẹn ẹ.

Itẹn 4:19

Ụzọ ndị njọ nọ kẹ ẹkpa-ishi; w'a ra marịn ihiẹn ụkụ wẹ kpọgburu.

Jerimaya 49:11

Latọ nị oku ụmụ ụnụ ụnụ k'a nwụnnahịn, m k'e dọnmẹ wẹ; inyẹnmẹ ụnụ ụnụ jẹnkọ d'a nwụnnahịn, wẹ gimẹ m nwan dọn ẹnya.”

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Ndị Kọrẹntị Ibuzọ 3:19

makẹni amamihiẹn ụwanị wụ nzuzu ẹnya Osolobuẹ. Ya haịn Ẹkụkwọ-nsọ gi sị, “Ọ nwụndọn ndị marịn ihiẹn lẹ ẹro wẹ.”

Ditrọnọmi 16:11

ụnụ a nọ ihun Osolobuẹ wụ Chuku ụnụ ghọghọ, ebahụn o k'a họrị Ẹfan a k'a rị, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho, ndị Livaị, ndị abịamabịa, ndị nwọnlẹni nẹdi lẹ ikpoho di wẹ nwụn.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.