Ẹbụ-ọma 146:4 - Ika

⁴ Makẹni, mmọn ịhịan pụhụ, ịhịan e họnrinzi ẹjan, ihiẹn ile o romẹ a la iwi.

Ẹbụ-ọma 146:4 ပူးပေါင်းရင်းမြစ်များ

Jẹnẹsisi 2:7

Ya kẹ Osolobuẹ wụ Chuku nọ gi ẹjan rị alị kpụ ịhịan, ọ nị kwọn uzun wẹ gi a rị ndụn ye ẹ imi, ịhịan nọ wụrụ onyẹ rị ndụn.

Jẹnẹsisi 3:19

Ọbanje k'e sugụ ị i kebe hụn ihiẹn-oriri d'e ru mgbe i kin azụụn imẹ alị — makẹni alị kẹ m nọ weri i: ẹghẹẹ, ẹjan kẹ ị wụ; ẹjan kẹ y'a la.”

Jẹnẹsisi 6:17

“Lee ẹ, m shikọ d'e zihẹ okẹn mirin imẹ ụwa, gi ẹ tikpọ ihiẹn ile e kwọnni rị okpuru igwere; ihiẹn ile rị imẹ ụwa sikọ d'a nwụnhụn.

Jobu 14:10

Nke ịhịan, ọ nwụnhụn, o fiẹnrin mọmọmọ; o kwọnbepụhụ, nke ẹ a gụ.

Jobu 14:21

Wẹ bushi ụmụ a elu, ọ marịnkọ; wẹ dan, ara hụn a.

Jobu 17:1

“Ndụn a gụgụọ m, m'e d'a nwụnchu, ili rị nwan e che m.

Jobu 17:11

Ogẹn m a gharịgụọ, ihiẹn ile m te bu obi a kpayịyagụọ, ihiẹn ile m chọ.

Jobu 27:3

ebe m rị ndụn, ebe m rị e kun uzun Chuku ye m,

Ẹbụ-ọma 104:29

I bupụ wẹ ẹnya, obi e feri wẹ! Ị napụ wẹ uzun wẹ rị e kun, a nwụnhụn wẹ; a lashi wẹ ẹjan wẹ gha bịa.

Ẹbụ-ọma 33:10

Osolobuẹ a kpayịya iroro ndị alị ichẹn-ichẹn; o wiwi ihiẹn ndị alị ichẹn-ichẹn bu obi.

Ẹbụ-ọma 90:3

Y'e mẹ ịhịan a lakin ẹjan; y'e sị, “Ịhịan mmaka, kin ni azụụn ebe ụnụ gha bịa!”

Ẹkịliziastisi 12:7

ẹjan a lakin anị ọ gha pụha, umẹ-ndụn a lakin ebe Chuku yen'ẹ rị.

Ẹkịliziastisi 9:6

Kẹ ihiẹn-ọsụsụọ wẹ kẹ izize kẹ ẹnya-ụfụ, lachanrịngụọ iwi kete-kete! Onwọnzini ogẹn ẹka wẹ e gi rị ihiẹn ọwụlẹ hụn e mẹ elu-ụwanị rị okpuru ẹnyanwụn.

Azaya 2:22

Gibehi ni ịhịan e dọn ẹnya, ịhịan hụn wụhụ akpụ uzun ohu rị imi. Kịnị kẹ ịhịan wụdẹ?

Ẹkwan 4:20

Onyẹ hụn Osolobuẹ tumẹ — eze ẹnyi, hụn wụdẹ uzun ẹnyi e kun nọ dan ọnyan we — bụ ẹnyi te ro ni ẹnyi k'a nọ ẹka a, hụn isi imẹ alị ndị ọzọ!

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Ndị Kọrẹntị Ibuzọ 2:6

Kanị, o nwọnghọ amamihiẹn ẹnyi e ku oku ẹ ebe ndị ka-ẹhụ imẹ okukwe rị hụn wụlẹni amamihiẹn eluni — mọbụ nke ndị-ọkịkị ogẹnni lakọnị.