Ẹbụ-ọma 141:4 - Ika

⁴ Anịlẹ eje-ihiẹn la m ẹnya hụn m'e gi sọn ndị-ejẹ mẹmẹ ihiẹn wẹ e mẹ. Anịlẹ m sọn wẹ ri ezigbo ihiẹn-oriri ndị hụ w'e ri.

Ẹbụ-ọma 141:4 ပူးပေါင်းရင်းမြစ်များ

Jẹnẹsisi 27:14

Ya ọ nọ jẹn d'a nwụnhannị nnẹ ẹ wụ Rebika ewu ndị ahụn; Rebika nọ shi ihiẹn-oriri sụọnị, ụdị hụn a sụọ Aziki nẹdi wẹ.

Ndị-nze Nke Ibuzọ 13:8

Kanị onyẹ-ozi Osolobuẹ hụ nọ sị eze, “Ọ sụọkwọ n'a n'i kebe ihiẹn i ile i nwọn ẹbụọ, ye m azụụn ohu, esọnkọ m'ị! Erikọ m ihiẹn-oriri mọbụ ra mirin ebeni.

Ndị-nze Nke Ibuzọ 22:22

Ya mmọn nwẹn nọ sị, ‘M k'e jẹn d'e họnrin mmọn-ntụ ọnụ ndị-amụma a ile.’ “Osolobuẹ nọ sị a, ‘Ijẹn i k'a gha; jẹn d'e m'ẹ.’

Ndị-nze Nke Ibuzọ 8:58

Ya dodo mẹ obi ẹnyi shi ebe ọ rị, nị ẹnyi hụn ụzọ a gha ụzọ a ile, e mẹ ihiẹn ọ sị ẹnyi mẹ, e sọn uhi ẹ lẹ ụmụ-iwu o yesọnmẹ ndị nẹdi ẹnyi.

Ẹbụ-ọma 119:36

Mẹ m bu obi che hụn i ku, ẹlẹ eje-erere!

Ẹbụ-ọma 28:3

Adọkpụnpụkwọlẹ m kẹ y'e mẹ ndị-njọ, ndị e mẹ eje-ihiẹn — a mụyeni ibe wẹ ẹmụ kanị wẹ bu iwe wẹ obi.

Azaya 63:17

Euu Osolobuẹ, kị haịn i gi e mẹ ẹnyi a gha ụzọ ị a kpapụ, a kpọkin ẹnyi obi hụn ẹnyi gizilẹni a tụ egun i? Dodo, gi ufiri ẹnyi ndị idibo i kinhẹn, ufiri ebọn ẹnyi ndịnị wụ nke i!

Ọgụngụn 25:2

Ikpoho ndị hụ nọ wejẹnmẹ wẹ ebe wẹ nọ a rụa mmọn wẹ. Ndị Izrẹlụ ahụn hụ e sọn wẹ e ri, a kụnị mmọn ndị ahụn isi alị.

Matiu 6:13

Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ndị Kọrẹntị Ibuzọ 15:33

Mba!! Anịzịlẹ ni wẹ e dufie ụnụ: “Eje-ọgbọ e wiwi ezi-omumẹ!”

Ndị Kọrẹntị Nke Ẹbụọ 6:17

Di-nwọnni-ẹnyi sị, “Gha nị nwan imẹ igunrun wẹ pụha, ụnụ a rị ichẹn; emẹtụkwọlẹ ni ihiẹn rụnị ẹka: ogẹn ahụn kẹ m'e gi nabanhan ụnụ;

Ditrọnọmi 2:30

Kanị Sihọnụ wụ eze Hẹsh'bọnụ ekweni nị ẹnyi gha alị a, makẹni Osolobuẹ wụ Chuku ụnụ a kpọkingụọ a obi, mẹ ẹ gba isi-akwanran, n'ọ hụn ụzọ bu ẹ che ụnụ ẹka mẹri, k'o dọn nwan rị tannị.

Ditrọnọmi 29:4

Kanị Osolobuẹ eke yekwọ nwan ụnụ obi a ghọtanị mọbụ ẹnya e leghanị mọbụ ntịn a nụnị.

Jemisi 1:13

Ọnwụnwan bịanị ịhịan, y'a sịkwọlẹ, “Osolobuẹ rị a nwan m.” Makẹni, eje-ihiẹn ara gụn Osolobuẹ ẹgụn omumẹ; onwọnzikwọnị onyẹ ọ nwan.

Rẹvẹleshọnụ 18:4

Ya m nọ nụ kẹ olu ọzọ gha elu-igwee sị, “Ndị nke m, gha nị imẹ ẹ pụha, amamgbe ụnụ e bu ẹka che njọ a, amamgbe ihiẹn mẹn'ẹ e ru ụnụ ẹhụ;