Ẹbụ-ọma 141:2 - Ika

² Narịn ekpere m nọkẹ ẹjan nsẹnsi, y'a narịn ẹka m kịshi elu nọkẹ ẹjan-ẹnyasị.

Ẹbụ-ọma 141:2 ပူးပေါင်းရင်းမြစ်များ

Ndị-nze Nke Ibuzọ 18:36

O ru nwan ogẹn wẹ gi a chụnnị Osolobuẹ ẹjan-ẹnyasị, onyẹ-amụma wụ Ẹlaịja nọ jẹnpụha ihun ịhịan ile, mẹ ekpere, sị, “Osolobuẹ, Chuku Ebraham lẹ Aziki lẹ Izrẹlụ! Ghọsị tannị nị ịyụ wụ Chuku imẹ alị Izrẹlụ lẹni m wụ odibo i, lẹzi ni ịyụ sị m mẹ ihiẹn ndịnị m mẹ.

Ẹzra 9:4

Ya kẹ ndị ile oku Chuku Izrẹlụ mẹtụ nọ nọhunmẹ m, makẹ ọlatọnị ndịnị lụaha ebe wẹ kpụnjẹn wẹ latọ iwu Osolobuẹ. M nọdịhụkwọ ebẹhụ m nọdị d'e ru ogẹn wẹ gi a chụn ẹjan ẹnyasị makẹni ụya ru m olu.

Ẹbụ-ọma 134:2

Kịshi ni ẹka elu zinmẹ Ebẹhụ rị nsọ ja Osolobuẹ mma.

Ẹbụ-ọma 28:2

Nụ ẹkwan m gi a rịọ ị n'i mẹni m omikẹn, a kpọ ị d'e yeni m ẹka, a kịshi ẹka m elu e zinmẹ Ebẹhụ kachanrịn nsọ ị rị.

Ẹbụ-ọma 5:3

Euu Osolobuẹ, y'a nụ olu m ụtụntụn; ụtụntụn, m'a gwaghọsị ị mkpa m, e cheri i.

Ẹbụ-ọma 63:4

M k'a gha a ja ị mma ọrọgbọ ndụn m ile; a kịshin'i ẹka elu, a kpọku ẹfan ị.

Ọpụpụ 29:39

I gi ohu chụn ụzụtụntụn, y'e gi ohu chụn ebe ọhị nọ gbama.

Ọpụpụ 35:15

lẹ ukpo-nsẹnsị lẹ ẹgbe wẹ k'e gi bu ẹ lẹ udẹn-nsọ lẹ nsẹnsi hụn e shin ọhụnma; lẹ Ẹkwa-ọnụmụzọ wẹ k'e gi gbọn ọnụmụzọ Ọdụ-nsọ;

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Daniẹlụ 9:21

hụn ahụn m rịkwọ e mẹ ekpere, Gebrẹlụ, okẹnnyẹ ahụn m hụn imẹ ọhụn m isi ibuzọ nọ pụha ọpụha a tụ egun; ibẹka ogẹn wẹ gi a chụn ẹjan ẹnyasị k'o gi pụha.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Ọgụngụn 16:35

Ọkụn nọ gha ebe Osolobuẹ rị bịa, dụnpụ wẹ madụ iri kwasị ọgụn-mmẹbụọ hụ rị a mụ nsẹnsi.

Ọrụn Ndị-ozi 3:1

Ụhụọhịn ohu, Pita lẹ Jọnụ jẹn Ụlọ-nsọ ogẹn ekpere ọkụrọkụ ẹtọ efinnaị.

Timoti Ibuzọ 2:8

Ya wụ, m chọ nị ikẹnnyẹ rị ebe ọwụlẹ hụn a nị wẹ e mẹ ekpere, a kịshi ẹka rị nsọ elu, ẹlẹ ẹka olulu lẹ ndọndọ.

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.