Ẹbụ-ọma 140:7 - Ika

⁷ Dodo Osolobuẹ-nwọnni-ẹnyi, Ikẹn hụn a zụọpụhanị m; Okpu-agha hụn e kpumẹ m isi ọgbọ-agha.

Ẹbụ-ọma 140:7 ပူးပေါင်းရင်းမြစ်များ

Samuẹlụ Nke Ẹbụọ 8:14

Defidi nọ butọsọnmẹ ndị-agha imẹ Ẹdọm ile, ndị Ẹdọm ile nọ rị okpuru Defidi. Osolobuẹ mẹ Defidi mẹri ebe ọwụlẹ o jẹn.

Samuẹlụ Nke Ẹbụọ 8:6

Ọ nọ bu ndị-agha tọ imẹ alị-eze ndị Aram alị Damaskọsụ nị w'e leban wẹ ẹnya, ndị Aram nọ ban okpuru Defidi, a tụhan'a ụtụ-isi. Osolobuẹ mẹsọnmẹ Defidi mẹri ebe ọwụlẹ o jẹn.

Ẹbụ-ọma 144:10

Ịyụ hụn e ye ndị-nze mmẹri, hụn a zụọpụha odibo i wụ Defidi ọnụ eje ọpịa-agha.

Ẹbụ-ọma 18:35

Y'e yegụọ m akpaịn ị, gi ẹ zụọpụha m; y'e gi ẹka-nni i e dọnmẹ m, ẹka hụn i welụa e mẹgụọ m wụrụ okẹn-ịhịan.

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 31:15

Ihiẹn ile gbashịarịnị m rị ị ẹka; dodo, zụọpụha m ẹka ndị-iṅẹnrẹn m lẹ ndị rị a chụnị m.

Ẹbụ-ọma 59:17

Euu Ikẹn m, m k'e gi ẹbụ ja ị mma, makẹni Chuku kẹ m gbọnni, Chuku hụn nwọn ihiẹn-ọsụsụọ m.

Ẹbụ-ọma 62:2

Ịya sụọ wụ ọmụma e che m nche lẹ onyẹ hụn a zụọpụhanị m; ịya kẹ m gbọnni: emẹhunmẹkọ m ọda.

Ẹbụ-ọma 62:7

Chuku k'a zụọpụha m, ye m ọghọ; Chuku wụ okẹn-ọmụma hụn e che m nche, ịya wụ ebe m'a gbaban!

Ẹbụ-ọma 89:26

O k'a kpọku m, sị m, ‘Ịyụ wụ Nẹdi m lẹ Chuku m, Ọmụma hụn a zụọpụhanị m.’

Ẹbụ-ọma 95:1

Bịa nị, nị ẹnyi bụnị Osolobuẹ ẹbụ! Nị ẹnyi gi ni ịghọghọ yini Okẹn-ọmụma ahụn a zụọpụhanị ẹnyi oro!

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”