2 W'a mama eje-ihiẹn imẹ obi wẹ, e se oku lẹ agha ụhụọhịn ile.
Udọn kẹ mmẹ nwẹn chọ, kanị, m ku oku, o họnrin agha.
Ọsụọn'a nị wẹ romẹn'i eje-ihiẹn, mama eje-ihiẹn, ọ ghakọ.
O dinẹ elu-ukpo, ọ mama eje-ihiẹn o k'e mẹ; o kweri n'o k'e mẹ ẹ — ọ jụkọ eje-ihiẹn hụ.
Ndị chọkọ isi m hụ e shitọsọnmẹni m ọnyan, ndị rị a chọ m njọ hụ e ku oku itikpọnị m; eje-umẹ eje-umẹ kẹ w'e zuni m eki e we gi.
Wẹ rị a maye m; wẹ hụ a warị, e ke m nke, a chọ nị wẹ gbu m!
Lee kẹ wẹ rị nwan e che nị wẹ gbu m; ndị ẹka-ikẹn rị e zuni m eje-umẹ, Euu Osolobuẹ, emẹni m wẹ njọ, emẹni m eje-ihiẹn;
Elee mgbe kẹ ụnụ k'a mayebehi ịhịan ọgụn? A chọ nị ụnụ gbu ẹ — nị ụnụ nutu ụsụọ-ẹjan ṅanrịnnị, mgbọn rị a chọ n'ọ dan.
Ẹro, ịya rị obi ndị e romẹ eje-ihiẹn, kanị ịghọghọ wụ nke ndị a chọ ọrịrịmma ịhịan.
Wẹ lẹ obi rị e kpọn wẹ ọkụn kẹ ẹnya-mgba, e gi wẹ ẹro nọkunmẹ eze; iwe rị wẹ obi hụ e rẹn kẹ ikeke-ọkụn uhinhin ahụn ile, ụtụntụn e ru, ọ nọ dụn.
O nwọngụọ onyẹ gha imẹ yụ wụ Ninivẹ bịa, hụn rị e zuni Osolobuẹ eje umẹ, a maman'a eje-ihiẹn.
