Ẹbụ-ọma 135:5 - Ika

⁵ A marịnghọ m nị Osolobuẹ e hikẹ ogbe, nị Di-nwọnni-ẹnyi ka mmọn ile.

Ẹbụ-ọma 135:5 ပူးပေါင်းရင်းမြစ်များ

Ẹbụ-ọma 147:5

Di-nwọnni-ẹnyi e hikẹ ogbe, ikẹn ẹ e hizikwọ ogbe; nghọta a enwọn okẹn.

Ẹbụ-ọma 48:1

Osolobuẹ e hikẹ ogbe, o furu hụn w'a ja mma ọda-ọda imẹ obodo Chuku ẹnyi, elu Ugu ẹ rị nsọ wụ Zayọnụ.

Ẹbụ-ọma 89:6

Onyẹ nọ kẹ Osolobuẹ imẹ igwere? E lee mmọn nọ kẹ Osolobuẹ?!

Ẹbụ-ọma 95:3

Makẹni, Chuku hi-ogbe kẹ Osolobuẹ wụ, Eze uku hụn kachanrịn mmọn ile!

Ẹbụ-ọma 97:9

Makẹni ịyụ wụ Osolobuẹ Kachanrịn ụwa ile; ịyụ ka mmọn ile ọhụnma-ọhụnma.

Azaya 40:22

Osolobuẹ nọdị alị ebe mẹ ohi-ohi ghahunmẹ ụwa, ndị ile bi elu ụwa rị kẹ kpamkpam ẹnya a. Ọ shịapụ igwere kẹ ịhara, ọ shịapụ a kẹ okpukpu ụlọ w'e bi.

Azaya 40:25

“Onyẹ kẹ ụnụ e gi nwan jeni m? Onyẹ kẹ mmẹ lẹ ịya han?” Ịya kẹ Onyẹ ahụn rị nsọ ku.

Daniẹlụ 3:29

M rị nwan e ti iwu nị onyẹ alị ọwụlẹ mọbụ asụsụ ọwụlẹ hụn k'e kuja oku Chuku Shẹdrakị, Mishakị lẹ Abẹdnego wẹ sikọ d'a jakịka a, kụtuchanrịn ụlọ a, o họnrin mkpọkọ-ụlọ — makẹni onwọnni mmọn ọzọ k'a s'ẹka gbapụha ịhịan ẹnịna.”

Ditrọnọmi 10:17

Makẹni, Osolobuẹ wụ Chuku ụnụ wụ Chuku ka mmọn-lẹ-iyi ile, Nna ndị nna; Chuku ahụn hi ogbe, hụn e mẹ ihiẹn a tụ egun; ara gbeyeni ịhịan, ara na egho azụụn.