17 Wẹ nwọn ntịn bụ w'a ra nụ ihiẹn; w'a ra kwọn.
Olu ẹ han, mirin ile rị igwere e dẹn; o mẹ mirin e rugbarị elu-ụwa ile. O mẹ amụma e be mirin gha e zue, ọ gha ebe o butọ ihiẹn e wepụha ufere.
Kanị ịhịan ile wụ nzuzu, onwọnni ihiẹn wẹ marịn; mmọn wụ ihiẹn-ifẹnrẹn onyẹ kpụn'a. Ihiẹn ndị ahụn ọ kpụ ẹlẹ ezigbo ẹ — w'a ara kwọn.
Njọ-njọ kẹ wẹ rị nwan e mẹ e mẹwaye: e gi siliva a kpụrụ mmọn rịgbu enwẹn ẹ mma, ẹka-ọrụn ndị a kpụ ụzụn. Wẹ hụ a sị wẹ, “Chụnye ni ni mmọn ndịnị ẹjan! Susu ni ụmụ-efin ndịnị wẹ kpụ a kpụ ọnụ!”
O k'a jọ ị njọ, ịyụ hụn a kpọku nkp'osisi, a kpọku ogbe ọmụma! N'ọ sa ẹka gwa ị ihiẹn i k'e mẹ? Y'a hụnnị nị ihiẹn wẹ gihụ goru lẹ siliva nyankwama rọ, nị ara kwọn?!
