Ẹbụ-ọma 132:9 - Ika

⁹ Ndị nchụn-ẹjan i wẹ yiri ezi-omumẹ rịkẹ ẹwuru; ndị nsọ ị wẹ yi oro ịghọghọ.

Ẹbụ-ọma 132:9 ပူးပေါင်းရင်းမြစ်များ

Ihiẹn Mẹni Nke Ẹbụọ 6:41

Dodo Osolobuẹ wụ Chuku, d'a nọdị nwan ebe ezumikẹn i — yụ lẹ Ẹkpẹti hụn a ghọsị ikẹn i. Osolobuẹ wụ Chuku m, ndị nchụn-ẹjan ị wẹ yiri nzụọpụha nọkẹ ẹwuru; ndị nsọ ị wẹ ghọghọ nị y'a rịka mma.

Jobu 29:14

M'e yi ezi-omumẹ kẹ ẹkwa, ezioku wụ ẹwuru m tueru alị lẹ okpu-isi m.

Ẹbụ-ọma 104:1

Obi m, ja Osolobuẹ mma! Osolobuẹ, Chuku m, y'e hikẹ ogbe; ọghọ lẹ ikpẹn wụ ẹwuru i!

Ẹbụ-ọma 132:16

M k'e ye ndị nchụn-ẹjan a nzụọpụha yimẹ wẹ ya nọkẹ ẹwuru; ndị nsọ a k'e yi oro ịghọghọ.

Ẹbụ-ọma 149:5

Ndị e mẹ uche ẹ wẹ gi ọghọ o ye wẹ yimẹ oro; wẹ bụsọnmẹ ẹbụ ịghọghọ elu bẹdi wẹ.

Ẹbụ-ọma 47:1

Ụnụ ndị alị ichẹn-ichẹn, kpọ nị ẹka! Gi ni ẹbụ ịghọghọ ja Osolobuẹ mma!

Ẹbụ-ọma 68:3

Kanị, ndị ezi-omumẹ k'a ghọghọ, wẹ k'a ghọghọ ihun Chuku; wẹ k'a ghọghọ, ẹfọ a sụọ wẹ ụsụọ.

Ẹbụ-ọma 70:4

Kanị, ndị ile rị a chọ nke i, wẹ nwọnmẹ anwịnrịn, ghọghọma! Ndị nzụọpụha ị a sụọ ụsụọ wẹ tọ a sị, “Ọjịja-mma ya rịnị Chuku!”

Ẹbụ-ọma 93:1

Osolobuẹ wụ eze. Ọghọ jun ẹ ẹhụ! Osolobuẹ yi ọghọ rịkẹ ẹwuru-nze; ọ kpọ ikẹn ọkịkị nọ kẹ akpụkpọ-ukun zeni. Ụwa rị ebe o tumẹ ẹ, o mẹhunmẹkọ.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 65:14

Lee n'ẹ, idibo m k'a bụ ẹbụ-ịghọghọ makẹni obi rị a sụọ wẹ ụsụọ, Kanị ụnụ k'a gha e yi oro makẹni elu rị a fụ ụnụ; ụnụ k'a rị e goo yeni obi rị a gbawanị ụnụ.

Zẹfanaya 3:14

Obodo Zayọnụ, bụma nwan ẹbụ ịghọghọ! Izrẹlụ, yimẹ nwan oro ịghọghọ! obodo Jerusalẹm, shịapụchanrịn ẹfọ ṅanma!

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Rẹvẹleshọnụ 19:8

“E yegụọ wẹ nwagbọọ hụ ezigbo ẹkwa linẹ yiri, ẹkwa linẹ nwunni rị e gbukeni,” makẹni ẹkwa linẹ hụ rị a ghọsị ọrụn ọma ndị nke Osolobuẹ rụn.

Ndị Han Eṅẹn 5:31

“Euu Osolobuẹ, ndị iṅẹnrẹn i ile wẹ la iwi ẹrịra! Kanị, ndị ihiẹn i a sụọ wẹ nọ kẹ ẹnyanwụn, ebe ọ nọ wachanrịn!” Agha hụ e bigụ, udọn nọ rị alị ahụa ọgụnnaị.