1 Osolobuẹ, dodo nyanhankwọ Defidi lẹ afụnfụn ile ọ ta;
Kanị Osolobuẹ hụ a nyanhan Nụa lẹ anụ-ọfịa lẹ anụ-ụlọ ile ya lẹ wẹ gba rị imẹ ụgbọ ahụn. Ya kẹ Osolobuẹ nọ zi ufere ye elu-ụwa, gi ẹ mẹ okẹn mirin ahụn tama —
Kẹ m rị imẹ nsọngbu, a kpọku m Osolobuẹ, ọ nọ za m.
E lehunmẹ m ugu ndịnị: elebe kẹ m'a nọ hụn eyemẹka?
Ẹfọ sụọ m ụsụọ kẹ wẹ sị m, “Nị ẹnyi jẹn Ụlọ Osolobuẹ!”
Ịyụ kẹ m bu ẹnya zinmẹ, Eze ahụn ukpo-eze ẹ rị elu-igwee!
Omẹni ẹlẹ hụn Osolobuẹ rị ẹnyi azụụn, ndị Izrẹlụ kudẹle ni.
Ndị gi Osolobuẹ dọn ẹnya nọ kẹ ugu-Zayọnụ, hụn wẹ ghalẹni asẹka e mẹhunmẹ, hụn k'a rị jẹnrin ejẹn.
Ogẹn Osolobuẹ gi mẹ n'ọ rịzị nị obodo Zayọnụ mma, ọ rị ẹnyi kẹ nrọ!
Omẹni Osolobuẹ atụnnị ụlọ, ndị rị a tụnn'a rị a tụn mmaka. Omẹni Osolobuẹ echeni obodo nche, onyẹ rị e che nche rị e chu ụran mmaka.
Ngọzi a rịkakwọnị onyẹ hụn a tụ egun Osolobuẹ, onyẹ hụn e sọn ụzọ a ile.
E mẹọlẹ wẹ m ihiẹn bu ọda gha ẹhụ nwa-ndu m lala! Ndị Izrẹlụ wẹ ku ẹ.
Euu Osolobuẹ, m rị imẹ ụya a kpọku i!
Euu Osolobuẹ, arị m a pache; m'a ra bọnmẹ. M'a ra bu enwẹn m che ihiẹn kanị m mọbụ ihiẹn m marịnlẹni ẹnya wẹ.
Lee kẹ wẹ rị a bịangbu m lẹ afụnfụn m rị a ta, n'i wepụ njọ m ile.
Osolobuẹ nọ nụ udẹn wẹ rị a sụn, nyanhan nkwa ahụn o kwe Ebraham lẹ Aziki lẹ Jekọpụ hụn kwọngbama ya lẹ wẹ.
Nyanhan afụnfụn m lẹ ọwahunmẹ m rị a wahunmẹ — k'ọ jọhan njọ lẹ k'o dọn rị a fụ m.
Euu Osolobuẹ, nyanhankwọ ihiẹn hụn mẹni ẹnyi, lee ẹnya n'ị hụn ụya ẹnyi rị e ri.
