Ẹbụ-ọma 13:3 - Ika

³ Euu Osolobuẹ wụ Chuku m, lee m ẹnya ihun — n'ị za m! Dodo, mẹ m leghamazị ụzọ, amamgbe m'a ranhịn ụran ọnwụn —

Ẹbụ-ọma 13:3 ပူးပေါင်းရင်းမြစ်များ

Ẹzra 9:8

“Kanị, Osolobuẹ wụ Chuku ẹnyi e mẹgụọnị ẹnyi nwan ọhụnma ẹkẹrẹ: ebe ọ nọ nị ẹnyi họdụ, mẹ ẹnyi gba mkpọgụn alị ọhụnma-ọhụnma imẹ Ụlọ-nsọ a. Wẹ ile kẹ Chuku ẹnyi gi ye ẹnya ẹnyi ukpẹ legha, mẹ ẹnyi zu ikẹn ẹkẹrẹ imẹ igbọn ẹnyi rị.

Ẹbụ-ọma 119:153

Dodo, lee afụnfụn m rị imẹ ẹ, n'ị zụọpụha m, makẹni azọnị m iwu i.

Ẹbụ-ọma 18:28

Osolobuẹ e mẹ ukpẹ m e nwunsọnmẹ — Chuku m gi ukpẹ a nọkinni m ẹnya ishi.

Ẹbụ-ọma 25:19

Lee ihiẹn ndị-iṅẹnrẹn m barahị lẹzi kẹ iwe m rị e wehan wẹ.

Ẹbụ-ọma 31:7

M k'a ghọghọ makẹ ihiẹn-ọsụsụọ ị, ẹfọ a sụọ m ụsụọ, makẹni y'a hụnghọ afụnfụn m rị a ta, y'a marịngụọ ihiẹn rị e sọngbuni m;

Ẹbụ-ọma 5:1

Dodo Osolobuẹ, gọn ntịn ihiẹn m rị e ku; ledẹ udẹn m rị a sụn.

Ẹbụ-ọma 9:13

Euu Osolobuẹ, lee ihiẹn ndị-iṅẹnrẹn m rị e kpokpo m! Mẹ omikẹn m, ịyụ hụn a gbapụha m ẹka ọnwụn —

Jerimaya 51:39

Ẹkpịrị ghọrị wẹ ụkọ, e mẹmẹni m wẹ oriri, mẹ wẹ ra, tụ, ẹhụ a tụma wẹ ọda-ọda, a ranhịn wẹ ranhịnchanrịn, etẹnhinkọzị wẹ.” Mmẹ wụ Osolobuẹ ku ẹ.

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Ẹkwan 5:1

Euu Osolobuẹ, nyanhankwọ ihiẹn hụn mẹni ẹnyi, lee ẹnya n'ị hụn ụya ẹnyi rị e ri.

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Samuẹlụ Nke Ibuzọ 14:27

Kanị Jonatanị anụnị nị nẹdi ẹ ye wẹ ẹfan Osolobuẹ kun, ọ nọ rụ ọkpọ rị a ẹka ye imẹ ụlọ-ẹnwụn, ra mirin-ẹnwụn. Ọ ragụ a, ndụn nọ ban a.

Samuẹlụ Nke Ibuzọ 14:29

Jonatanị nọ sị, “Nẹdi m e mẹọlẹ alịnị ile uke. Lee nwan kẹ ndụn banhan m hụnnị m danmịn ẹkẹrẹ mirin-ẹnwụnnị.