Ẹbụ-ọma 128:2 - Ika

² I k'e ri ihiẹn ị rụn; ngọzi k'e sọn i ọda-ọda; ihiẹn rị mma k'e sọn i.

Ẹbụ-ọma 128:2 ပူးပေါင်းရင်းမြစ်များ

Jẹnẹsisi 3:19

Ọbanje k'e sugụ ị i kebe hụn ihiẹn-oriri d'e ru mgbe i kin azụụn imẹ alị — makẹni alị kẹ m nọ weri i: ẹghẹẹ, ẹjan kẹ ị wụ; ẹjan kẹ y'a la.”

Ẹbụ-ọma 1:3

Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

Ẹbụ-ọma 109:11

Ndị-ụgwọ wẹ shin'ẹ ọnyan kwarị ihiẹn ile o nwọn; ndị ọ marịnlẹni wẹ kpọnrin ihiẹn ẹ ile.

Ẹkịliziastisi 8:12

Ọsụọn'a nị eje-ịhịan mẹ njọ ọgụn-isẹn, e nwọnzikwọ ụtọmị, a marịnghọ m nị ndị a tụ egun Chuku k'o k'a rịnị mma, makẹni wẹ rị e gi egun Chuku e bi.

Azaya 3:10

Gwa ndị ezi-omumẹ n'o k'a masịnị wẹ, makẹni wẹ jẹnkọ d'e ri ihiẹn wẹ rụn.

Azaya 62:8

Osolobuẹ e kunọlẹ ẹka-ihiẹn ẹ, ẹka a hụn a kpa ikẹn, sị, “Onwọnzini ogẹn m'e gi bu ihiẹn-ugbo ị rụn ye ndị iṅẹnrẹn i ri; onwọnzini mgbe ndị alị ọzọ e gi narịn ị manya-ọhụn ị ta afụnfụn a,

Azaya 65:13

Di-nwọnni-ẹnyi wụ Osolobuẹ sị nwan, “Lee n'ẹ, idibo m k'e rijun ẹfọ, kanị ụnụ k'a nọ ẹgụn! Lee n'ẹ, idibo m k'a rajun ẹfọ, kanị ẹkpịrị k'a kpọ ụnụ nkụn! Lee n'ẹ, idibo m k'a ghọghọ, kanị ifẹnrẹn k'e mẹgbu ụnụ!

Jerimaya 22:15

“I ro nị inwọn osisi sida bu ọda k'i gi wụrụ eze? Josaya nẹdi i a hụnnị ri, ra? Kanị o mẹghọ ihiẹn furuni lẹ ihiẹn rị mma, ihiẹn nọ ghan'a.

Ndị Kọrẹntị Ibuzọ 15:58

Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.

Ndị Ẹfẹsọsụ 6:3

“kẹni ọ rịn'ị mma, n'i nwọn isi-nka elu ụwa.”

Ditrọnọmi 28:11

Osolobuẹ k'e mẹ ụnụ gha ihun ọda-ọda: kẹ ebe ụmụ rị kẹ ebe ụmụ anụ rị kẹ ebe ihiẹn-ugbo rị, imẹ alị ahụn o kun enwẹn ẹ kwe ndị nẹdi ụnụ kanị nkwa n'o k'e ye ụnụ.

Ditrọnọmi 28:39

Ị k'a kụn alị vaịnị, rụn a, kanị y'a rakọ manya a, y'e rikọ ogbe ẹ, makẹni ọwụwụ k'e wiwipụ vaịnị ndị hụ.

Ditrọnọmi 28:4

O k'e gi ụmụ bu ọda lẹ ihiẹn-ugbo bu ọda gọzi ụnụ, gizikwọ ụmụ gọzi efin lẹ atụnrụn lẹ ewu ụnụ.

Ditrọnọmi 28:51

Ndị-agha wẹ k'e ripụ ụmụ anụ ụnụ lẹ ihiẹn ụnụ kụn ugbo ụnụ, d'e ru n'e tikpọchanrịn wẹ ụnụ. Alatọkọnị wẹ ụnụ ọka ọwụlẹ mọbụ manya ọhụn mọbụ ofugbọn-olivu mọbụ ụmụ-efin mọbụ ụmụ-atụnrụn lẹ ụmụ-ewu ụnụ e we lachanrịn iwi.

Ditrọnọmi 28:8

Osolobuẹ k'a gọzi ọban ụnụ lẹ ihiẹn ile ụnụ buche ẹka. Osolobuẹ wụ Chuku ụnụ k'a gọzi ụnụ imẹ alị ahụn ọ rị e ye ụnụ.