Ẹbụ-ọma 12:4 - Ika

⁴ hụn a sị, “Ẹnyi k'e gi ire ẹnyi mẹri! Ụgb'ọnụ ẹnyi wụ nke ẹnyi, onyẹ nwọn ẹnyi?”

Ẹbụ-ọma 12:4 ပူးပေါင်းရင်းမြစ်များ

Jẹnẹsisi 3:5

Osolobuẹ ku ẹ makẹni ọ marịngụọ nị hụn ụnụ gihụ ri ẹ, ẹnya ụnụ k'a shịapụ, ụnụ a rị kẹ Osolobuẹ: ụnụ a marịn ihiẹn rị mma lẹ ihiẹn rịlẹni mma.”

Ẹbụ-ọma 140:12

A marịnghọ m nị Osolobuẹ k'a hannị ndị wẹ rị e mẹgbu eṅẹn; ọ hụn a nị ndị mkpa gi e nwọnhẹn ihiẹn runi wẹ.

Ọpụpụ 5:2

Eze nọ sị, “Onyẹ wụ Osolobuẹ hụ, hụn m'e gi gọn ẹ ntịn hatu Izrẹlụ? Amarịn m Osolobuẹ; ahatukọ m Izrẹlụ.”

Itẹn 10:31

Amamihiẹn kẹ ọnụ onyẹ ezi-omumẹ e wepụha, kanị obepụ kẹ wẹ k'e bepụ ire hụn e ku eje-ihiẹn.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Daniẹlụ 3:15

Ụnụ nụ nwan ukwere ọdụ, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, nị ụnụ e kweri dannị ihiẹn ahụn m kpụ alị, gbaye ẹ, nsọngbu arịkọ. Kanị, omẹni ụnụ agbayen'ẹ, wẹ k'a tụ ụnụ ye imẹ okẹn ọkụn rị e nwunni ozigbo. Nị m hụn mmọn hụ k'a sa nwan ẹka zụọpụha ụnụ ẹka m.”

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.