4 Ndị ile a tụ egun ẹ wẹ sị, “Ihiẹn-ọsụsụọ a enwọn ọgụgụ!”
Makẹni Osolobuẹ arịka mma; o nwọnsọnmẹ ihiẹn-ọsụsụọ o kwe nkwa a jẹnrin ejẹn, ọ wụsọnmẹ onyẹ wẹ e gi dọn ẹnya, gha agbọ d'e ru agbọ.
Ndị Izrẹlụ, gi ni Osolobuẹ dọn ẹnya! Ịya e yeni Izrẹlụ ẹka; ịya wụ akpaịn e che Izrẹlụ nche.
Kpanmịn nị Osolobuẹ, makẹni ọ rịka mma, ihiẹn-ọsụsụọ a enwọn ọgụgụ.
Ụnụ ndị a tụ egun Osolobuẹ, ja nị Osolobuẹ mma! Ụnụ ile Jekọpụ mụ, gbaye n'ẹ! Tụ nị egun ẹ, ụmụ Izrẹlụ ile,
Olu nọ gha ukpo hụ sị, “Ja nị Chuku ẹnyi mma, ụnụ idibo ẹ ile lẹ ndị ile a tụ egun ẹ, kẹ onyẹ-uku kẹ onyẹ-nta!”
