Ẹbụ-ọma 115:4 - Ika

⁴ Kanị mmọn wẹ wụsọnmẹ siliva lẹ goru mmakalaka, ọrụn-ẹka ịhịan mmaka.

Ẹbụ-ọma 115:4 ပူးပေါင်းရင်းမြစ်များ

Ndị-nze Nke Ibuzọ 18:26

Ya wẹ nọ weri okẹn-efin ohu k'o dọn ku, gbu ẹ, dọnye. A hịma wẹ Baalụ, hị a gha ụtụntụn d'e ru ni ẹnyanwụn e ru isi, e yi, “Baalụ-e, dodo, za ẹnyi oku!” Kanị, onwọndẹni ihiẹn wẹ nụ, azịza abịanị kaka; wẹ hụ a tụshi elu a ghahunmẹ ukpo nchụn-ẹjan hụ wẹ mẹmẹ.

Ndị-nze Nke Ibuzọ 18:29

Ẹrịra kẹ wẹ mẹ ẹ, anwụn e we rọma, e busọnmẹ wẹ ẹka wẹ bukọ, o rumẹ ogẹn hụ Izrẹlụ gi a chụnnị Osolobuẹ ẹjan-ẹnyasị, onwọnkwọnị ihiẹn mẹni, onwọnni onyẹ shịarịnị, onwọnni onyẹ gọn ntịn.

Ndị-nze Nke Ẹbụọ 19:18

A tụgụọ wẹ mmọn-lẹ-iyi alị ndị hụ ye ọkụn, wiwi wẹ, makẹni mmọn ndị hụ ẹlẹ Chuku, wẹ wụhụ osisi lẹ ọmụma, ọrụn-ẹka ịhịan.

Ihiẹn Mẹni Nke Ẹbụọ 32:19

Wẹ hụ e ku oku Chuku Jerusalẹm kẹ wẹ dọn e ku oku mmọn ichẹn-ichẹn alị ndị ọzọ e fe, mmọn ndị-ọzọ.

Ẹbụ-ọma 97:7

Ifẹnrẹn e mẹgbugụọ ndị ile e fe ihiẹn wẹ kpụ, ndị rị e gi mmọn nwọnlẹni ihiẹn ọ wụ a nyan isi; mmọn ile, kụnị nị Osolobuẹ isi alị!

Azaya 37:19

tụ mmọn wẹ ile ye imẹ ọkụn — makẹni ẹlẹ wẹ ezigbo ẹ, mkp'osisi lẹ ọmụma hụn ịhịan gi ẹka mẹmẹ kẹ wẹ wụhụ.

Azaya 42:17

Kanị ndị gi mmọn dọn ẹnya — ndị hụn sị ihiẹn wẹ kpụ nị uwẹ wụ chuku wẹ k'e gi ifẹnrẹn kin azụụn.

Azaya 44:10

Nanị kẹ ịhịan a dọn kpụ nwa-mmọn hụn nwọnlẹni erere o k'a bann'a?

Azaya 44:20

Hụnyẹ rịhụ e ri ntụn! Uche ẹ hụn gbayịyagụnị e dufiegụọ a. Ọ sakọ ẹka zụọpụha enwẹn ẹ mọbụ sị enwẹn ẹ, “Ẹlẹ ihiẹn nwọnlẹni isi kẹ m kwọndọn ẹka-nni m ihiẹnni?”

Azaya 44:9

Ndị ile e mẹmẹrin mmọn enwọn ihiẹn wẹ wụ; mmọn ndị hụ wẹ bu obi enwọnzikwọ isi. Ndị ile e kuni mmọn ọnụ wẹ wụ ẹnya-mpịn — onwọnni ihiẹn wẹ marịn — ifẹnrẹn ya mẹgbu wẹ.

Daniẹlụ 3:5

hụn ụnụ gihụ nụ ukwere opi, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile kikẹnni, ụnụ k'a danrịrị nị ihiẹn goruni eze wụ Nebukadineza kpụ, gbaye ẹ.

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Hosia 8:6

Mmọn wẹ kpụ imẹ Izrẹlụ kẹ nwa-efin Sameria wụhụ ẹlẹ Chuku, kaka! Ọkpụ-ụzụn kpụ a! Wẹ k'a kụkpọchanrịn nwa-efin Sameria!

Ọrụn Ndị-ozi 19:26

Kanị ụnụ hụ e gi nwan ntịn a nụ, e gi ẹnya a hụn nị Pọlụnị e gigụọ ihiẹn ọ rị e ku nị mmọn wẹ gi ẹka mẹmẹ ẹlẹ mmọn, dọrị ndị bu ọda; ẹlẹ imẹ Ẹfẹsọsụ sụọ k'ọ rị e mẹ ihiẹnni, o d'a ghagbarịdẹ Ẹgbẹrẹ Eshịa ile!

Ọrụn Ndị-ozi 19:35

Akanwe obodo hụ nọ mẹ igunrun hụ ile gba nkịtịn, ya ọ nọ sị, “Ndị Ẹfẹsọsụ, onyẹ wụ onyẹ ahụn marịnlẹni nị ẹka ndị obodo Ẹfẹsọsụ kẹ ụlọ-uku okẹn-mmọn wụ Atẹmisi rị, nị Atẹmisi wẹ kpụ hụn gha igwere dan rịzị wẹ ẹka?

Ditrọnọmi 4:28

Ụnụ k'a nọ ebẹhụ fe mmọn wẹ gi osisi pịn lẹ ndị wẹ gi ọmụma tụ, mmọn ndị ghalẹni a s'ẹka e legha ụzọ mọbụ a nụ ihiẹn mọbụ e ri ihiẹn-oriri mọbụ a nụ ishin.