4 Osolobuẹ kachanrịn alị ile; ọghọ a ka nke elu-igwere.
“Kanị, nị Osolobuẹ biridẹ nwan elu ụwa ra? Elu-igwere ile, kẹ elu-igwee hụn kachanrịndẹ elu e jẹn, asakọ ẹka ru i, ọrịwụzị Ụlọ-nsọ hụnnị m tụn!
Wẹ ile jama ẹfan Osolobuẹ mma, makẹni ẹfan a kachanrịn nke ndị ọzọ; ikpẹn ẹ ka nke elu-ụwa lẹ elu-igwee.
Euu Osolobuẹ, Onyẹ-nwọnni-ẹnyi, Ẹfan ị e nwọnkẹkwọ ikpẹn elu-ụwa ile! Y'a ghọsịzịkwọ ọghọ ị elu-igwere!
Makẹni ịyụ wụ Osolobuẹ Kachanrịn ụwa ile; ịyụ ka mmọn ile ọhụnma-ọhụnma.
Osolobuẹ wụ okẹn-ịhịan imẹ Zayọnụ; ịya kazịkwọ ndị alị ọzọ ile.
Alị ile nọhụ kẹ ntan-ntan mirin ohu rị imẹ igbeju; wẹ nyịnhanhụ kẹ uzunzun elu ihiẹn o gi a ma ihiẹn; O gihụ mkpịnsịn ẹka e deri alị ile rịdẹ mkpẹnrẹn ohimin lekẹ uzunzun riẹnni.
Alị ile rị elu-ụwa enwọn ihiẹn wẹ wụ ẹnya a; onwọnni ihiẹn ọ kpọ wẹ, eruni wẹ ihiẹn anaị!
Osolobuẹ nọdị alị ebe mẹ ohi-ohi ghahunmẹ ụwa, ndị ile bi elu ụwa rị kẹ kpamkpam ẹnya a. Ọ shịapụ igwere kẹ ịhara, ọ shịapụ a kẹ okpukpu ụlọ w'e bi.
Lee ni ihiẹn Osolobuẹ ku, ọ sị, “Elu-igwee wụ ukpo-eze m; elu-ụwa wụ ebe m'a tụkwasị ụkụ. Elee ụlọ k'i k'a tụnnị m nwan? Elebe wụ ebẹhụ m k'e bi?
