Ẹbụ-ọma 110:3 - Ika

³ Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ẹbụ-ọma 110:3 ပူးပေါင်းရင်းမြစ်များ

Ihiẹn Mẹni Nke Ibuzọ 16:29

ye ni Osolobuẹ ọghọ hụn furu ẹfan a. Weri ni oyiye bịa ihun ẹ; fe ni Osolobuẹ ofufe rị nsọ.

Nehemiah 11:2

Ndị Izrẹlụ nọ ja ndị gi ihiẹn ẹka wẹ kweri nị wẹ biri Jerusalẹm mma.

Ẹbụ-ọma 29:2

Ye ni Osolobuẹ ọghọ furu Ẹfan a; fe ni Osolobuẹ hụn rị nsọ pụ-ichẹn.

Ẹbụ-ọma 96:9

Fe ni Osolobuẹ ofufe nwọn ọghọ rị nsọ; ụwa ile, tụ nị egun ẹ!

Izikẹlụ 43:12

“Ọnwan wụ iwu Ụlọ-nsọnị: ebe ile fihunmẹn'ẹ elu ugu ahụn ọ rị k'a rịchanrịn nsọ. Ịya wụ iwu Ụlọ-nsọnị.

Maịka 5:6

Wẹ k'e gi ọpịa-agha du alị Asiria, alị Nimrọdụ, d'e rudẹ ọnụ-mgbọn ẹ. Eze ẹnyi hụ lalanị jẹnkọ d'a gbapụha ẹnyi ẹka ndị Asiria, omẹni ndị Asiria a banhan alị ẹnyi mọbụ zọdẹ ụkụ ye ẹ.

Ọrụn Ndị-ozi 1:8

Kama, ụnụ jẹnkọ d'e nwọnhẹn ikẹn ogẹn Mmọn-nsọ e gi hidankwasịgụ ụnụ, ụnụ a wụrụ ndị ọshẹri m imẹ Jerusalẹm lẹ imẹ Judia ile lẹ imẹ Sameria d'e ru ebe ụwa ru.”

Ọrụn Ndị-ozi 19:20

Ya kẹ oku Di-nwọnni-ẹnyi nọ ghakẹnmẹ ihun, weri ọnọdị ọhụnma-ọhụnma.

Ọrụn Ndị-ozi 2:33

Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.

Ọrụn Ndị-ozi 2:41

Wẹ nọ mẹ ndị ile nabanhan ozi ẹ mirin-Chuku. Ihiẹn nọ kẹ madụ nnụ-uku ẹtọ (3,000) banyeni wẹ ụhụọhịn hụ.

Ọrụn Ndị-ozi 21:20

A nụgụ w'a, wẹ nọ ja Osolobuẹ mma. Ya wẹ nọ sị a, “Pọlụ nwẹnẹ ẹnyi, y'a hụnọlẹ nwan ndị Ju madụ nnụ ole-lẹ-ole kwerini Jesu. Wẹ ile rị e mẹ oku Iwu Mozizi.

Ọrụn Ndị-ozi 4:4

Kanị ndị bu ọda nụ ozi Pita wẹ kweri, ya ndị kwerini nọ ru ikẹnnyẹ nnụ-uku isẹn (5,000).

Ndị Kọrẹntị Nke Ẹbụọ 13:4

Ọsụọn'a nị wẹ kpọgbu ẹ elu-obe nọkẹ onyẹ nwọnlẹni ikẹn, ọ hụzị nwan ndụn ghahanị ikẹn Osolobuẹ. Imẹ ẹ, ẹnyi nwẹn rịzịkwọ kẹ ndị nwọnlẹni ikẹn; kanị, o mẹ nke ẹka ẹnyi k'e gi sọn ụnụ, ẹnyi k'e sọn ẹ gi ikẹn Osolobuẹ bi, gi ikẹn Osolobuẹ hụ sọn ụnụ.

Ndị Kọrẹntị Nke Ẹbụọ 8:12

Makẹni, omẹni ịhịan wepụha obi ẹ ile n'o ye, hụn o nwọn kẹ wẹ e lee ẹnya a narịn a ya, ẹlẹ hụn o nwọnlẹni.

Ndị Kọrẹntị Nke Ẹbụọ 8:16

Ekele ya rịnị Osolobuẹ hụn bu ọrịrịmma ụnụ che Taịtọsụ obi k'ọ dọn rị mmẹ nwẹn obi.

Ndị Ẹfẹsọsụ 1:4

Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Filipi 2:13

Makẹni Osolobuẹ ya rị ọrụn imẹ ụnụ ogẹn ile, e mẹ ụnụ a sa ẹka a họrị uche ẹ, e mẹzikwọ uche ẹ.

Ndị Tẹsalonika Ibuzọ 4:7

Makẹni, ẹlẹ obibi ru unyin kẹ Osolobuẹ kpọ ẹnyi d'e bi, kanị obibi rị ọchan.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Rẹvẹleshọnụ 7:9

Ọhụn e mẹgụ, m nọ lee ẹnya, hụn igunrun hi-ogbe, hụn o mẹ ni onwọnni onyẹ saẹka gụn wẹ. Wẹ ghasọnmẹ alị ile, ebọn ile, ndị ile, lẹ asụsụ ile pụha. Igunrunni turu ihun ukpo-eze hụ lẹ ihun Nwa-ebulu hụ. Wẹ ile yi ẹwuru ọchan tueru alị. Onyẹ-onyẹ gi iguru ẹka.

Ndị Han Eṅẹn 5:2

“Ebe ndị-ndu Izrẹlụ nọ buru ụzọ; ebe ndị họdụnị nọ wepụha obi za oku-agha — ọjịja-mma ya rịnị Osolobuẹ!

Ndị Han Eṅẹn 5:9

Obi rị a sụọ m ụsụọ makẹ ndị-ndu Izrẹlụ, ndị wepụha obi za oku-agha. Ọjịja-mma ya rịnị Osolobuẹ!