Ẹbụ-ọma 11:4 - Ika

⁴ Mba! Osolobuẹ hụkwọ Ụlọ-NSỌ a — Osolobuẹ hụdẹ ukpo-eze ẹ rị elu-igwee, a kị. Ọ hụ e lee ịhịan, e lele wẹ;

Ẹbụ-ọma 11:4 ပူးပေါင်းရင်းမြစ်များ

Ihiẹn Mẹni Nke Ibuzọ 17:5

Kete m ghalẹ Ijiptu wepụha ndị Izrẹlụ d'e ru tannị, m'e ke bitu imẹ ụlọ. Ọdụ-ọdụ kẹ m'e bi, e bisọnmẹ ebe rị ichẹn-ichẹn.

Ihiẹn Mẹni Nke Ẹbụọ 16:9

makẹni ẹnya Osolobuẹ rị a ghahunmẹ elu ụwa ile n'ọ hụn ụzọ gba ndị wechanrịn obi wẹ ile ye ẹ umẹ. Y'e zuzuọlẹ nzuzu. Agha sikọ d'a bịasọnmẹn'i nwan gha kikẹnni jẹnmẹ.”

Jobu 24:23

O nwọn ikẹn nị wẹ e ro nị nsọngbu arị, kanị ọ hụ e lee kẹ wẹ rị e bi.

Ẹbụ-ọma 103:19

Osolobuẹ e tumẹgụọ ukpo-eze ẹ imẹ elu-igwee; alị-eze ẹ rị a kị ihiẹn ile.

Ẹbụ-ọma 113:5

Onyẹ nọ kẹ Osolobuẹ wụ Chuku ẹnyi? Onyẹ hụn nọdị alị ukpo-eze elu-igwee,

Ẹbụ-ọma 139:23

Chuku dodo nyọnchan m, kẹn'i marịn obi m; lele m, kẹn'i marịn ihiẹn m rị e ro,

Ẹbụ-ọma 14:2

Osolobuẹ hụ a gha elu-igwee e lee ịhịan, n'ọ hụn k'o nwọnghọ onyẹ nwọn uche — onyẹ e fe Chuku.

Ẹbụ-ọma 18:6

A nọ m imẹ nsọngbu m kpọku Osolobuẹ; a hị m Chuku m n'o yeni m ẹka. Ọ nọ imẹ Ụlọ-NSỌ a nụ olu m; ẹkwan m e ru ebe ọ rị, ru ẹ ntịn.

Ẹbụ-ọma 2:4

Kanị, ẹmụ kẹ Onyẹ hụn rị ukpo-eze elu-igwee a mụ — Di-nwọnni-ẹnyi hụ a mụ wẹ ẹmụ.

Ẹbụ-ọma 33:13

Osolobuẹ gha elu-igwee e lee ẹnya alị, a hụn ịhịan ile;

Ẹbụ-ọma 44:21

Chuku amarịnkọ? O k'a marịn nụ, makẹni ọ marịnghọ obi ẹnyi, ọsụọn'a nị obi ẹnyi zueri ezueri!

Ẹbụ-ọma 66:7

Makẹ ikẹn hụn o nwọn, ọ kị jẹnrin e jẹn, ẹnya a hụ e lee alị ile: ndị nnupụ-isi wẹ ebushikwọlẹ enwẹn wẹ elu! Sẹla

Ẹbụ-ọma 9:11

Bụnị nị Osolobuẹ ẹbụ ịja mma, Osolobuẹ hụn nọ Zayọnụ rị Jerusalẹm a kị! D'a gwasọnmẹ ni alị ichẹn-ichẹn ihiẹn o mẹ!

Itẹn 15:3

Ẹnya Osolobuẹ rị ụzọ ile, e lee ndị eje-omumẹ lẹ ndị ezi-omumẹ.

Azaya 66:1

Lee ni ihiẹn Osolobuẹ ku, ọ sị, “Elu-igwee wụ ukpo-eze m; elu-ụwa wụ ebe m'a tụkwasị ụkụ. Elee ụlọ k'i k'a tụnnị m nwan? Elebe wụ ebẹhụ m k'e bi?

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 23:24

Nị ịhịan saẹka warị ebe zuerini amamgbe m'a hụn a? Ụnụ amarịn nị m rị ebe ile rị elu-igwee lẹ ụwa?

Maịka 1:2

Gọn ni ntịn, ndị alị ile; ụnụ ile, gọn ni ntịn! Elu-ụwa lẹ ihiẹn ile rịn'a, gọn ntịn! Gọn ni ntịn, nị Osolobuẹ nwọnni ẹnyi shịagbu ụnụ ẹri; n'ọ gha Ụnọ-NSỌ a rị nsọ ku ihiẹn ụnụ mẹ!

Habakọkụ 2:20

Kanị Osolobuẹ nkẹ rị Ụlọ-NSỌ a: ụwa ile wẹ gba nwan nkịtịn ihun ẹ!!”

Zẹkaraya 2:13

Ịhịan ile, gba nị nkịtịn ihun Osolobuẹ, makẹni ọ ghagụọ Ụlọ a rị nsọ lihi d'a ghọsị ẹka a.

Matiu 23:21

Onyẹ kun Ụlọ-NSỌ e kungụọ kẹ Ụlọ-NSỌ kẹ Osolobuẹ hụn bi imẹ ẹ.

Matiu 5:34

Kanị mmẹ lẹ enwẹn m sị ụnụ, ekunlẹ ihiẹn ọwụlẹ, kaka. Ekunlẹ elu-igwee, makẹni ịya wụ ukpo-eze Chuku;

Ọrụn Ndị-ozi 7:49

‘Osolobuẹ sị, “Elu-igwee wụ ukpo m; ụwa wụ ebe m'a gbakwasị ụkụ. Elee ụlọ k'i k'a tụnnị m nwan, elebe kẹ m'a nọ zu ikẹn?

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.

Hibru 4:13

Ẹnya Osolobuẹ, onwọnni ihiẹn zuerini. Ẹghẹẹ, ihiẹn ile gba ọtọ, rị oghe, ẹnya onyẹ hụ ẹnyi jẹnkọ d'e ye mgbakọ.

Rẹvẹleshọnụ 4:2

Ozigbo, m nọ rị imẹ-mmọn. M nọ hụn ukpo-eze imẹ elu-igwee ebẹhụ, hụnzị onyẹ ohu nọdị alị elu ẹ!