Ẹbụ-ọma 101:3 - Ika

³ Anịkọ m wẹ mẹ ihiẹn ọwụlẹ rịlẹni mma ihun m; obibi ndị rị a gbakitọ Osolobuẹ azụụn e ze m ize; onwọnni ihiẹn m gi wẹ e mẹ.

Ẹbụ-ọma 101:3 ပူးပေါင်းရင်းမြစ်များ

Jobu 31:1

“Mmẹ lẹ ẹnya m e kwerigbamagụọ nị anịkọ m nwagbọọ la m ẹnya.

Ẹbụ-ọma 119:113

Ndị gi obi-ẹbụọ e sọn i e ze m ize, kanị iwu i a sụọ m asụọ.

Ẹbụ-ọma 119:37

Wepụ ẹnya m ihiẹn nwọnlẹni isi; ka dọnmẹ m ndụn ebe m rị e sọn ụzọ ị.

Ẹbụ-ọma 125:5

Nke ndị hụ kpapụ bimẹ ghẹrẹ-ghẹrẹ-ghẹrẹ, Osolobuẹ jẹnkọ d'e dupụ wẹ, uwẹ lẹ ndị e mẹ eje-ihiẹn. Y'a rịnị Izrẹlụ mma.

Ẹbụ-ọma 139:22

Ẹghẹẹ, ize wẹ e zeru m alị! M'e weri wẹ kẹ ndị-iṅẹnrẹn m.

Ẹbụ-ọma 14:3

Wẹ ile a kpahugụọ; wẹ ile a rụchanrịngụọ; onwọnni kaka onyẹ ohu e mẹ ihiẹn rị mma — onwọndẹni akpụ onyẹ ohu.

Ẹbụ-ọma 36:3

Eje-oku lẹ ntụ jun ẹ ọnụ; ọ marịnzị ihiẹn rị mma; a ra mẹzi ihiẹn rị mma.

Ẹbụ-ọma 39:1

M te sị, “M k'a kpachanpụkwọ ẹnya, kwọndọn ire m amamgbe m'e gi ẹ mẹ njọ; m k'a kwakin ọnụ m, ogẹn ọwụlẹ onyẹ-njọ rị m nsue.”

Ẹbụ-ọma 40:4

Onyẹ hụn gi Osolobuẹ dọn ẹnya enwọnkẹ ngọzi, onyẹ ghalẹni e gi ndị mpache e dọn ẹnya ghalẹni e gi ndị ihunnaị.

Ẹbụ-ọma 41:9

Kẹ ezigbo ọwụ m hụn m gi dọn ẹnya, ọwụ m mmẹ lẹ ịya gba e ri ihiẹn-oriri, e bugụọ nụmanị m.

Ẹbụ-ọma 78:41

a tọ wẹ a chọ ihiẹn rị Chuku ọnụ, e mẹ ihiẹn a fụ Onyẹ-nsọ Izrẹlụ.

Ẹbụ-ọma 78:57

Kama, a gha wẹ ụzọ a pụ, gi aghịghọ sọn ẹ kẹ ndị nẹdi wẹ dọn mẹ, mẹ kẹ ụta zinrinlẹni.

Ẹbụ-ọma 97:10

Ụnụ ile ihiẹn Osolobuẹ a sụọ, eje-ihiẹn ya zemẹ ụnụ ize; Osolobuẹ e dọnmẹ ndị e mẹ uche ẹ ndụn; ọ gbapụha wẹ ẹka ndị-njọ.

Ọpụpụ 20:17

“Anịlẹ ụlọ ibe i la ị ẹnya, mọbụ nwunyẹ ibe i mọbụ nwata-okẹnnyẹ rị iwe ẹ mọbụ nwata-okpoho rị iwe ẹ mọbụ efin ẹ mọbụ jaki ẹ — mọbụ ihiẹn ọwụlẹ wụ nke ibe i.”

Ọpụpụ 32:8

A latọgụọ wẹ rị ihiẹn m gwa wẹ, kpụrụ okẹn-mmọn yi nwa-efin. E kegụọnị w'a isi alị, kwayen'ẹ ese, a sị, ‘Ndị Izrẹlụ, e lee ni okẹn mmọn ụnụ, hụn wepụha ụnụ imẹ alị Ijiptu.’

Itẹn 6:12

Onyẹ-ẹti, eje-ịhịan — ịya a ghahunmẹ, e kusọnmẹ eje-ihiẹn;

Itẹn 6:13

o gbusọnmẹ ikpu-ẹnya, e gi ụkụ e ku oku, e gi mkpịnsịn-ẹka e ku oku;

Itẹn 6:25

Anịkwọlẹ mma-ẹhụ a la ị ẹnya imẹ obi i, anịkwọl'a gi ẹnya a hụ rẹrẹrị ị,

Itẹn 8:13

Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.

Ẹkịliziastisi 6:9

Hụn ẹnya ị rị e legha ka mma karị hụn rịhụ a gụngbun'i. Ọnwan wụzịkwọ ihiẹn ọlaliwi lẹ ịchụ ufere.

Azaya 30:11

Pụ nị ụzọ, ye ni efe, egizilẹ ni oku Onyẹ-nsọ Izrẹlụ ye ẹnyi nsọngbu.”

Azaya 33:15

Ndị e bi ezigbo obibi, e ku ezioku; ndị a jụ egho mmẹgbu; ndị a jụ egho-azụụn; ndị ghalẹni a chọ nị wẹ nụ oku igbu-ọchụn, ndị ghalẹni a chọ nị wẹ gidẹ ẹnya wẹ hụn eje-ihiẹn.

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Maịka 2:2

Wẹ chọ alị mọbụ ugbo ịhịan, a narịn w'a ya; omẹni ụlọ rọ, e weri w'ẹ; wẹ hụ a bịangbu ịhịan, e weri ụlọ a; a bịangbu ịhịan, e weri ukuu ẹ.

Zẹkaraya 8:17

amamalẹ ni ni ibe ụnụ eje-ihiẹn; egilẹ ni ẹri-ntụ mẹ ẹhụ; makẹni ihiẹn ndịnị ile e ze m ize.” Ya kẹ Osolobuẹ ihiẹn ile rị okpuru ẹ ku.

Matiu 5:28

Kanị mmẹ lẹ enwẹn m rị a gwa ụnụ nị onyẹ lee okpoho ẹnya, ọ la a ẹnya, e mẹgụọlẹ mgba a imẹ obi ẹ.

Ndị Rom 12:9

E nwọnni ihiẹn-ọsụsụọ gha akpakalị obi pụha. A jụ nị eje-ihiẹn; e kwọnkẹnmẹ ni ihiẹn rị mma.

Ndị Galeshịa 4:9

Kanị hụnnị ụnụ marịngụ Osolobuẹ, mba, hụnnị Osolobuẹ marịngụ ụnụ, kị ụnụ burukọzịnị mmọn lẹ iwu lẹ ihiẹn ndị ahụn nwọnlẹni isi ndụn rịlẹni hụn ịhịan mmaka gi e dọn ẹnya nị ụnụ d'e họnrinzi igbọn wẹ?

Ditrọnọmi 13:17

Ewerikwọlẹ ihiẹn ọwụlẹ Osolobuẹ sị o k'e tikpọ, kẹni Osolobuẹ bubehi olulu ahụn ọ rị e bu. Ogẹn hụ, o mẹni ụnụ ebere, o gi omikẹn sọn ụnụ, mẹ ụnụ ba ụba, gi e mẹzu nkwa o kun enwẹn ẹ kwe ndị nẹdi ụnụ,

Ditrọnọmi 15:9

Kpachanpụkwọ ẹnya amamgbe y'e bu eje-iroroni che obi, a sị, “Ahụa nke ẹsa, ahụa wẹ gi a kagbu ụgwọ, e rugụọ; asakọkwọ m ẹka” — y'e gi eje-iroroni jọ nwẹnẹ i ihiẹn rị a fụ ọrụn ẹfọ, y'e yen'ẹ ihiẹn, ọ kwanghọsị Osolobuẹ, ikpe a ma ị.

Hibru 10:39

Kanị, ẹnyi arị ndị e seri isi wẹ, gi ẹrịra tuhu, kanị ndị e kwerisọnmẹni d'e ru ni e nwọnhẹn wẹ nzụọpụha.

Joshụa 23:6

“Kakẹnmẹkwọ nị nwan; dọnrinkwọ nị ẹnya mẹchanrịn ihiẹn ile wẹ de imẹ Ẹkụkwọ iwu Mozizi, alatọkwọlẹ n'a kụye ẹka-nni mọbụ ẹka-ekpẹn.

Pita Nke Ẹbụọ 2:21

O te ka wẹ mma nị amarịntudẹni wẹ Ụzọ hụ rị ọchan karị nị a marịngụ w'a, a gbakịtọ wẹ oku lẹ iwu hụ rị nsọ wẹ ye wẹ azụụn.

Jọnụ Ibuzọ 2:19

Ezioku rọ nị imẹ igunrun ẹnyi kẹ ndịnị gha pụ, kanị, ẹlẹ wẹ ndị nke ẹnyi. Makẹni, omẹni wẹ wụ ndị nke ẹnyi, nkẹ e sọn wẹ ẹnyi nọdị. Kanị, ọpụpụ wẹ pụ imẹ igunrun ẹnyi k'o gi wechanrịn ẹnya nị ẹlẹ wẹ ndị nke ẹnyi.

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.