Ẹbụ-ọma 101:1 - Ika

¹ M jẹnkọ nwan d'a bụ ẹbụ banyeni ihiẹn-ọsụsụọ lẹ imẹ ihiẹn furuni; ịyụ Osolobuẹ, kẹ m jẹnkọ d'a bụn'a.

Ẹbụ-ọma 101:1 ပူးပေါင်းရင်းမြစ်များ

Ẹbụ-ọma 145:7

Wẹ k'a e ku oku ọhụnma ile bu ọda hụn i mẹ, e gi ezi-omumẹ i a bụshi ẹbụ elu.

Ẹbụ-ọma 51:14

Chuku, dodo anịlẹ isi m tọ ọchụ m gbu, dodo, Chuku hụn a zụọpụhanị m! Ọnụ m sikọ d'e yi oro ịghọghọ, ku ẹ nị y'a rịka mma.

Ẹbụ-ọma 89:1

M k'e gi ihiẹn-ọsụsụọ Osolobuẹ bụ ẹbụ jẹnrin ejẹn! M k'e gi ọnụ m gwa agbọ ile n'ị wụ onyẹ wẹ gi e dọn ẹnya!

Ẹbụ-ọma 92:2

e ku ẹ ụtụntụn nị y'e nwọnkẹ ihiẹn-ọsụsụọ ndị nke i, e ku ẹ uhinhin n'ị wụ onyẹ wẹ gi e dọn ẹnya;

Ẹbụ-ọma 97:8

Ndị Zayọnụ hụ a nụ a, a ghọghọ, ẹfọ hụ a sụọ ụmụ-alị Juda ụsụọ makẹ ezigbo eṅẹn i ile, Osolobuẹ.

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Ndị Rom 11:22

Ebeni kẹ ẹnyi nọ hụn ẹfọma Osolobuẹ lẹ ẹka a zeni: ẹka zeni o gi e sọn ndị hụn danpụnị lẹ ẹfọma o gi e sọn ụnụ ndị kwerini — kasị a mẹ ni ụnụ nọdịhụkwọ ebe ẹfọma a nọ e ru ụnụ ẹka. Kanị, omẹni ụnụ anọdịsọnmẹni, ọ kwapụzịkwọ ụnụ nwẹn.