Ẹbụ-ọma 100:5 - Ika

⁵ Makẹni Osolobuẹ arịka mma; o nwọnsọnmẹ ihiẹn-ọsụsụọ o kwe nkwa a jẹnrin ejẹn, ọ wụsọnmẹ onyẹ wẹ e gi dọn ẹnya, gha agbọ d'e ru agbọ.

Ẹbụ-ọma 100:5 ပူးပေါင်းရင်းမြစ်များ

Ihiẹn Mẹni Nke Ibuzọ 16:34

Ye ni Osolobuẹ ekele makẹni ọ rịka mma; ihiẹn-ọsụsụọ a rị jẹnrin ejẹn.

Ihiẹn Mẹni Nke Ẹbụọ 5:13

Ndị rị e gbu opi lẹ ndị ọkụ-ẹbụ nọgbama, e gi olu ohu a ja Osolobuẹ mma, a kpanmịn a, e gi opi lẹ kpajaị lẹ ihiẹn-egu ndị ọzọ a kpọ egu, e weshi olu elu a ja Osolobuẹ mma, a bụ ẹbụnị: “Ọ rịka mma; ihiẹn-ọsụsụọ a rị jẹnrin ejẹn.” Ogẹn hụ kẹ orukpu gi jun Ụlọ-nsọ Osolobuẹ,

Ẹzra 3:11

Wẹ hụ a bụ ẹbụ wẹ gi a ja Osolobuẹ mma lẹ hụn wẹ gi a kpanmịn a, a sị: Ọ rịka mma: O nwọn ihiẹn-ọsụsụọ Izrẹlụ jẹnrin ejẹn. Ịhịan ile nọ yini Osolobuẹ okẹn oro ịja-mma, makẹni e gbegụọ wẹ iyetọ ụlọ Osolobuẹ.

Ẹbụ-ọma 103:17

Kanị ihiẹn-ọsụsụọ Osolobuẹ e sọn ndị a gbayen'ẹ gha alị lala, o sọn wẹ jẹnrin ejẹn; o mẹsọnmẹni wẹ ihiẹn furuni d'e rudẹ ẹka ụmụ lẹ ụmụ-ụmụ wẹ,

Ẹbụ-ọma 106:1

Ja nị Osolobuẹ mma! Kpanmịn nị Osolobuẹ, makẹni ọ rịka mma; ihiẹn-ọsụsụọ a rị jẹnrin ejẹn!

Ẹbụ-ọma 107:1

Kpanmịn nị Osolobuẹ, n'ọ rịka mma, o nwọnsọnmẹ ihiẹn-ọsụsụọ jẹnrin ejẹn!

Ẹbụ-ọma 107:15

Wẹ kpanmịn nwan Osolobuẹ makẹ ihiẹn-ọsụsụọ a, makẹ ọrụn-atụmẹnya ọ rụnsọnmẹni ịhịan.

Ẹbụ-ọma 107:22

Wẹ chụnyesọnmẹn'ẹ ẹjan w'e gi a kpanmịn a; wẹ yimẹ oro ịghọghọ e ku ihiẹn ndị ọ rụn!

Ẹbụ-ọma 107:8

Wẹ kpanmịn nwan Osolobuẹ makẹ ihiẹn-ọsụsụọ a, lẹ ọrụn-atụmẹnya ọ rụnsọnmẹni ịhịan.

Ẹbụ-ọma 119:68

Onyẹ rị mma hụn e mẹ mma k'ị wụ! Dodo, kuzi m iwu i.

Ẹbụ-ọma 138:8

Osolobuẹ k'a rụnzuchanrịnnị m ihiẹn o bu obi. Euu Osolobuẹ, ihiẹn-ọsụsụọ ị rị jẹnrin-ejẹn. Dodo, alatọkwọlẹ ndị i ke.

Ẹbụ-ọma 146:6

Onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ, Osolobuẹ hụn e mẹsọnmẹ hụn run'ẹ jẹnrin ejẹn.

Ẹbụ-ọma 25:8

Onyẹ rị mma lẹ onyẹ zinrinni kẹ Osolobuẹ wụ; ya haịn o gi a kuzi ndị-njọ ụzọ a.

Ẹbụ-ọma 36:5

Euu Osolobuẹ, ihiẹn-ọsụsụọ ị e jẹnhanghọ elu kẹ igwere; kẹ orukpu dọn jẹn elu ọda-ọda, ẹrịra kị dọn wụ Onyẹ wẹ gi e dọn ẹnya ọda-ọda.

Ẹbụ-ọma 52:1

K'ị rị e gini eje-ihiẹn a nyan isi, odogun-agha? Onwọnni ogẹn Osolobuẹ e gi latọ ndị nke ẹ.

Ẹbụ-ọma 85:10

Ihiẹn-ọsụsụọ lẹ ezioku e kunrun; Ezi-omumẹ lẹ Ọrịrịmma e dide.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Nahum 1:7

Osolobuẹ a rịka mma, ebe zeni w'a gbaban ogẹn nsọngbu k'ọ wụ. O marịnghọ ndị gbọnnin'ẹ, o lepụ wẹ ẹnya.

Luku 1:50

O mẹsọnmẹni ndị hụn e humẹn'ẹ isi omikẹn gha agbọ d'e ru agbọ.

Ditrọnọmi 7:9

Marịn nị nwan nị Osolobuẹ wụ Chuku ụnụ wụ Chuku nke-esi; Chuku wẹ gi e dọn ẹnya k'ọ wụ: o gisọnmẹ ihiẹn-ọsụsụọ o kwe nkwa a e sọn ụmụ ndị ihiẹn ẹ a sụọ, ndị e mẹ ihiẹn o ku, o gi ẹ e sọn wẹ agbọ nnụ ole-lẹ-ole.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,