Ẹbụ-ọma 10:16 - Ika

¹⁶ Osolobuẹ wụ Eze jẹnrin-ejẹn; ndị alị ọzọ rị alị a k'a lachanrịn iwi!

Ẹbụ-ọma 10:16 ပူးပေါင်းရင်းမြစ်များ

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Ẹbụ-ọma 145:13

Alị-eze i agụkọ; ọkịkị ị k'a tọ gha agbọ pụ agbọ. Osolobuẹ e mẹzuchanrịn nkwa a ile; o nwọn ihiẹn-ọsụsụọ ihiẹn ile o ke.

Ẹbụ-ọma 146:10

Osolobuẹ k'a kị jẹnrin-ejẹn! Zayọnụ, Chuku i k'a kịsọnmẹ gha agbọ pụ agbọ! Ja nị Osolobuẹ mma!

Ẹbụ-ọma 29:10

Osolobuẹ rị a kị ẹbi-mirin; Osolobuẹ wụ eze a kị jẹnrin ejẹn.

Ẹbụ-ọma 78:55

ọ chụpụsọnmẹni wẹ alị ndị ọzọ rịn'a; ọ nọ keni wẹ alị ahụn, ke ẹ ru alị, ye ebọn-ebọn rị Izrẹlụ alị wẹ biri.

Ẹbụ-ọma 9:15

Alị ndị hụn ghalẹni e fe i a danbangụọ imẹ mgbugbu wẹ gutọnị ịhịan! Ọnyan wẹ shimẹtọ nzuzue a nwụngụọ wẹ ụkụ!

Ẹbụ-ọma 9:5

Y'a jụgbọgụọ alị ndị ọzọ rị ichẹn-ichẹn, tikpọ ndị-njọ; y'e finchanpụgụọ ẹfan wẹ jẹnrin-ejẹn!

Ẹbụ-ọma 9:8

O k'a hannị ụwa ile ezigbo eṅẹn; o k'e gi ezioku kị alị ile.

Ẹbụ-ọma 93:1

Osolobuẹ wụ eze. Ọghọ jun ẹ ẹhụ! Osolobuẹ yi ọghọ rịkẹ ẹwuru-nze; ọ kpọ ikẹn ọkịkị nọ kẹ akpụkpọ-ukun zeni. Ụwa rị ebe o tumẹ ẹ, o mẹhunmẹkọ.

Ọpụpụ 15:18

“Osolobuẹ jẹnkọ d'a kị jẹnrin ejẹn!”

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Ẹkwan 5:19

Kanị, ịyụ wụ Osolobuẹ a kị jẹnrin ejẹn; ukpo ọkịkị ị k'a rị gha agbọ pụ agbọ.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Ditrọnọmi 8:20

Kẹ Osolobuẹ dọn tikpọ alị ndị ahụn bu ụnụ ụzọ bi ebahụn k'ọ k'a dọn tikpọ ụnụ makẹni ụnụ emẹni ihiẹn Osolobuẹ wụ Chuku ụnụ sị ụnụ mẹ.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!