Ditrọnọmi 8:2 - Ika

² Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Ditrọnọmi 8:2 ပူးပေါင်းရင်းမြစ်များ

Jemisi 1:3

makẹni ụnụ a marịnghọ nị wẹ gha e lele okukwe ụnụ, ụnụ hụ e nwọnwaye ndidin.

Pita Ibuzọ 1:7

wẹ rị e gi wẹ a ghọsị nị okukwe ụnụ wụ ezigbo ẹ, makẹni okukwe ụnụ ka goru mkpa bụ wẹ e gidẹ ọkụn e lele goru — ọsụọn'a nị goru e wiwi ewiwi! Wẹ rị e lele okukwe ụnụ, kẹni wẹ ja ụnụ mma ogẹn Jizọsị e gi bịa, ye ụnụ ọghọ lẹ mgbaye.

Ditrọnọmi 8:16

o ye ụnụ mana ri imẹ atụ, ihiẹn-oriri ndị nẹdi ụnụ marịnlẹni, gi ẹ welụa ụnụ isi alị, lele ụnụ kẹni ọ rịnị ụnụ mma.

Ọpụpụ 16:4

Ya kẹ Osolobuẹ nọ sị Mozizi, “M jẹnkọ d'a gha elu-igwee hutuni ụnụ ihiẹn-oriri nọkẹ ebe mirin rị e zue. Wẹ k'a gha a pụha ụhụọhịn-ụhụọhịn d'e kpọnrin hụn k'e zu wẹ ri ụhụọhịn hụ. Ụzọnị kẹ m'e gi lele wẹ, nị m lee kẹni wẹ mẹ ihiẹn m sị wẹ mẹ.

Ditrọnọmi 2:7

Osolobuẹ wụ Chuku ụnụ a gọzigụọ ọrụn-ẹka ụnụ ile. O lepụgụọ ụnụ ẹnya hụnnị ile ụnụ rị e jẹnhunmẹ imẹ atụnị shịagbu enwẹn ẹ. Osolobuẹ wụ Chuku ụnụ a nọyegụọnị ụnụ ọrọgbọ ahụa ọgụnnaịnị, onwọnni ihiẹn kọnị ụnụ.

Ihiẹn Mẹni Nke Ẹbụọ 32:31

Kanị, ogẹn ndị hụn ndị-isi Babilọnụ zihẹ gi bịa d'a jụ a oku ihiẹn atụmẹnya mẹ imẹ alị Juda, Osolobuẹ nọ hapụ a kẹn'o lele ẹ, marịn ihiẹn ile rị a obi.

Ọpụpụ 15:25

Ya kẹ Mozizi nọ kpọku Osolobuẹ, Osolobuẹ nọ ghọsị a nkp'osisi. Ọ nọ tụ a ye imẹ mirin hụ, mirin nwẹn nọ sụọma ọhụnma. Osolobuẹ nọ nọ ebẹhụ tini wẹ iwuni, yini wẹ uhi — makẹni nlele k'o lele wẹ ebẹhụ:

Jemisi 4:10

Welụa nị enwẹn ụnụ alị ihun Di-nwọnni-ẹnyi kẹni o bushi ụnụ elu.

Jọnụ 2:25

Ẹlẹ hụn w'e gi gwama a kẹ ịhịan nọ, makẹni ya lẹ enwẹn ẹ a marịngụọ ihiẹn rị imẹ ịhịan.

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Ditrọnọmi 29:5

Ọrọgbọ ahụa ọgụnnaị m gi du ụnụ imẹ atụ, ẹkwa ụnụ avẹni, akpụkụ rị ụnụ ụkụ avẹni.

Luku 18:14

“Jesu nọ sị: M rị a gwa ụnụ nị onyẹ ụgwọ-isi hụ kẹ Osolobuẹ kuni ọhụnma n'o d'a lama iwe ẹ, ẹlẹ onyẹ Itu-Farisi hụ. Makẹni, onyẹ bushi enwẹn ẹ elu, e welụa w'ẹ alị; onyẹ welụa enwẹn ẹ alị, e bushi wẹ ẹ elu.”

Emọsụ 2:10

Mmẹ wepụhazịkwọ ụnụ imẹ alị Ijiptu, du ụnụ imẹ atụ ahụa ọgụnnaị, we alị ndị Amọ ye ụnụ weri.

Azaya 2:17

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn,

Itẹn 17:3

Ọkụn kẹ wẹ gi e lele siliva; okẹn ọkụn kẹ wẹ gi e lele goru; kanị Osolobuẹ ya nwọn e lele obi.

Ẹbụ-ọma 136:16

Kpanmịn nị Onyẹ hụn du ndị nke ẹ imẹ atụ, makẹni ihiẹn-ọsụsụọ a rị jẹnrin ejẹn.

Ẹbụ-ọma 106:7

Ndị nẹdi ẹnyi wẹ aghọtanị ọrụn-atụmẹnya ị kẹ wẹ rị Ijiptu; anyanhannị wẹ okẹn ihiẹn-ọsụsụọ i gi sọn wẹ, wẹ nọ nupụ isi okpuru i mkpẹnrẹn Ohimin hụ, mkpẹnrẹn Ohimin Ufie, nupụ isi okpuru Onyẹ hụn Kachanrịnnị.

Ẹbụ-ọma 81:7

Kẹ ụnụ kpọ m ogẹn nsọngbu, a zụọpụhaghọ m ụnụ, a gha m ebẹhụ zuerini akpara nọ a han za ụnụ, a nọ m mirin Mẹriba lele ụnụ. Sẹla

Ẹbụ-ọma 77:11

M jẹnkọ d'a nyanhan ihiẹn Osolobuẹ rụnsọnmẹ; m k'a nyanhan ọrụn-atụmẹnya ndị ị rụn mbụ.

Jobu 33:17

o gi ẹ e mẹ ịhịan a latọ eje-ihiẹn, mẹ ẹ apachelẹ,

Ihiẹn Mẹni Nke Ẹbụọ 33:12

Ọ nọ nwan nọ imẹ ụya ahụn ọ rị rịọma Osolobuẹ wụ Chuku ẹ, wetu enwẹn ẹ alị ọhụnma-ọhụnma ihun Chuku ndị nẹdi ẹ.

Ditrọnọmi 13:3

egọnkwọlẹ ntịn oku onyẹ-amụma hụ mọbụ onyẹ hụ nrọ a a bụn. Osolobuẹ wụ Chuku ụnụ rịkwọ e lele i n'ọ marịn kẹ y'e gighọ obi i ile lẹ umẹ-ndụn ị ile nwọn ihiẹn-ọsụsụọ a.

Ditrọnọmi 7:18

Ka atụlẹ ni egun wẹ; nyanhankwọ nị ihiẹn Osolobuẹ wụ Chuku ụnụ mẹ Fẹro eze Ijiptu lẹ ndị Ijiptu ile.

Ditrọnọmi 1:33

bụ ịya buruni ụnụ ụzọ ijẹn ụnụ: uhinhin ọ pụha kẹ ọkụn jẹn elu duru ụnụ; efinnaị, ọ pụha kẹ orukpu jẹn elu duru ụnụ; a chọtọnị ụnụ ebe ụnụ e ziẹntọ, a ghọsị ụnụ ụzọ.

Ditrọnọmi 1:3

Kanị o ruọlẹ ahụa ọgụnnaị wẹ rị ụzọ. Ụhụọhịn ibuzọ imẹ ifọn nke mmanaị ahụa hụ kẹ Mozizi gi gwa ndị Izrẹlụ oku ndịnị, gwachanrịn wẹ ihiẹn ile Osolobuẹ sị a gwa wẹ.

Jẹnẹsisi 22:1

Ihiẹn ndịnị e mẹgụ, Chuku nọ lele Ebraham: ọ hị a, “Ebraham!” Ebraham nọ sị a, “Lee m ebeni.”

Rẹvẹleshọnụ 2:23

M k'e gbu ụmụ a. Ụka ile k'e gi ẹ marịn nị mmẹ wụ onyẹ hụ e nyọnchan uche lẹ obi lẹ ni m k'a kụ onyẹ-onyẹ imẹ ụnụ ụgwọ ihiẹn o mẹ.

Ihiẹn Mẹni Nke Ẹbụọ 33:19

Ekpere ẹ lẹzi kẹ arịrịọ a dọn mẹtụ Chuku, lẹzi njọ a lẹ ihiẹn ile o gi latọ Osolobuẹ; ebe ile ọ rụntọ ụlọ-mmọn, zumẹsọnmẹ osisi onyẹnnyẹ-mmọn wụ Ashẹra lẹ mmọn-lẹ-iyi ndị hụ ọ kpụ n'o d'e welụa enwẹn ẹ alị, wẹ ile rị ebe ndị-amụma detọ ihiẹn mẹni.

Ọpụpụ 16:35

Ndị Izrẹlụ ri mana ahụa ọgụnnaị: wẹ ri ẹ d'e ru ni e ru wẹ alị wẹ biri; mana kẹ wẹ ri e we wẹ ru mkpẹnrẹn alị Kenaanị.

Ọpụpụ 20:20

Mozizi nọ sị wẹ, “Atụlẹ ni egun. Osolobuẹ bịa d'e lele ọnụ, kẹni egun Osolobuẹ tụma ụnụ, mẹ ọnụ gbanị njọ ọsọ.”

Ọgụngụn 14:33

Ụmụ ụnụ jẹnkọ d'a tọ ebeni ọrọgbọ ahụa ọgụnnaị, e duhunmẹ anụ — a ta afụnfụn makẹni ụnụ edọnmẹni enwẹn ụnụ kẹ mmẹ lẹ ụnụ dọn kwerigbama.

Ndị Han Eṅẹn 2:22

m k'e gi wẹ lele Izrẹlụ, nị m hụn kẹni wẹ gha ụzọ Osolobuẹ kẹ ndị nẹdi wẹ dọn gha a ra aghakọ w'a.”

Ndị Han Eṅẹn 3:4

Osolobuẹ latọ wẹ n'o gi lele ndị Izrẹlụ, n'ọ marịn omẹni wẹ k'e mẹ ihiẹn Osolobuẹ gi Mozizi gwa ndị nẹdi wẹ kanị.

Nehemiah 9:19

“Makẹni y'e mẹkẹ omikẹn, y'a latọnị wẹ imẹ atụ alị-ọkpọnkụn ahụn. Orukpu hụ mawuru kẹ adansụn edubehini wẹ efinnaị ebe ọwụlẹ wẹ ghakọ, ọkụn hụ mawuru kẹ adansụn eyebehini wẹ ukpẹ imẹ uhinhin ebe ọwụlẹ wẹ ghakọ.

Izikẹlụ 20:19

Mmẹ wụ Osolobuẹ hụn wụ Chuku ụnụ, sọn ni uhi m, e mẹ ni ihiẹn m sị ụnụ e mẹ.

Ditrọnọmi 32:7

Nyanhan ogẹn mbụ; leban ẹnya ogẹn ndị mbụ; jụ nẹdi i — n'ọ gwaghọ ị, jụ ndị-ichẹn nị wẹ kọwaghọnị ị:

Ẹbụ-ọma 103:2

Obi m, jama Osolobuẹ mma! Azọkwọlẹ ihiẹn ile o mẹn'i:

Jerimaya 2:6

Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’