Ditrọnọmi 7:9 - Ika

⁹ Marịn nị nwan nị Osolobuẹ wụ Chuku ụnụ wụ Chuku nke-esi; Chuku wẹ gi e dọn ẹnya k'ọ wụ: o gisọnmẹ ihiẹn-ọsụsụọ o kwe nkwa a e sọn ụmụ ndị ihiẹn ẹ a sụọ, ndị e mẹ ihiẹn o ku, o gi ẹ e sọn wẹ agbọ nnụ ole-lẹ-ole.

Ditrọnọmi 7:9 ပူးပေါင်းရင်းမြစ်များ

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 28:15

Lee ẹnya, mmẹ lẹ yụ wị! M k'e chemẹ i ebe ọwụlẹ i k'e jẹn; m k'e wekinhẹnzi i alịnị. Onwọnni ogẹn m'e gi la ị tọ d'e ru n'e mẹzuchanrịn m ihiẹn m kwe i nkwa a.”

Jẹnẹsisi 9:15

a nyanhan m nkwa m kwe yụ lẹ ihiẹn ile rị ndụn. Onwọnkọzị ogẹn mirin e gi họnrin okẹn-mirin, tikpọ ihiẹn ile rị ndụn.

Ndị-nze Nke Ibuzọ 8:23

sị: “Euu Osolobuẹ, Chuku Izrẹlụ, onwọnni Chuku nọ kẹ yụ, kẹ imẹ elu elu-igwere kẹ alị imẹ ụwa — ịyụ hụn e gisọnmẹ ihiẹn-ọsụsụọ i kwe nkwa a e sọn idibo i ndị gi obi wẹ ile e sọn ụzọ ị:

Ihiẹn Mẹni Nke Ibuzọ 16:15

Ọ nyanhansọnmẹ nkwa o kwe, ihiẹn hụn ọ sị o k'e mẹ; ọ nyanhansọnmẹ ẹ agbọ nnụ ole-lẹ-ole;

Ihiẹn Mẹni Nke Ẹbụọ 6:14

Ọ nọ sị: “Euu Osolobuẹ, Chuku Izrẹlụ, onwọnni Chuku nọ kẹ yụ, kẹ imẹ elu-igwee kẹ elu-ụwa — ịyụ hụn e gi ihiẹn-ọsụsụọ i kwe nkwa a e sọn idibo i hụn gichanrịn obi wẹ e sọn ụzọ ị.

Nehemiah 1:5

sị, “Euu Osolobuẹ, Chuku rị elu-igwee, Chuku hụn hi ogbe, hụn w'a tụ egun ẹ, hụn e gi ihiẹn-ọsụsụọ e sọn ndị ya lẹ wẹ kwerigbama, ndị ihiẹn ẹ a sụọ hụn rị e dọnmẹ iwu ẹ.

Nehemiah 9:32

“Kikẹnni hụra, Chuku ẹnyi, Chuku hụn hi-ogbe, hụn nwọn ikẹn, hụn rị egun, hụn e nwọnsọnmẹ ihiẹn-ọsụsụọ o kwe nkwa a; dodo, elelịalẹ afụnfụnnị ile — afụnfụnnị ile bịanịnị ẹnyi lẹ ndị-nze ẹnyi lẹ ndị-isi ẹnyi lẹ ndị nchụn-ẹjan ẹnyi lẹ ndị-amụma ẹnyi lẹ ndị nẹdi ẹnyi wẹ lẹ ndị nke i ile, ghakwọrị ogẹn ndị-nze alị Asiria gi kpa ikẹn d'e ru tannị.

Ẹbụ-ọma 103:18

ya k'o mẹni ndị e dọnmẹ nkwerigbama a lẹ ndị hụn a nyanhan e mẹ ihiẹn o ku.

Ẹbụ-ọma 105:8

Ọ nyanhansọnmẹ nkwa o kwe jẹnrin ejẹn; ọ nyanhan oku ahụn gha a ọnụ pụha d'e rudẹ agbọ nnụ-uku:

Ẹbụ-ọma 119:75

A marịnghọ m nị ezigbo eṅẹn kẹ y'a han, Osolobuẹ, nị y'e mẹgụọ kẹ onyẹ wẹ gi e dọn ẹnya ebe ị nọ ye m afụnfụn.

Ẹbụ-ọma 146:6

Onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ, Osolobuẹ hụn e mẹsọnmẹ hụn run'ẹ jẹnrin ejẹn.

Ẹbụ-ọma 36:6

Ezi-omumẹ i turu ọhụnma-ọhụnma kẹ okẹn-ugu ile, eṅẹn i e mikẹ — ọ nọkẹ okẹn-ohimin. Euu Osolobuẹ, ịyụ e dọnmẹ kẹ ịhịan kẹ anụ ndụn.

Ọpụpụ 20:6

Kanị, ndị ihiẹn m a sụọ rị e dọnmẹ iwu m, m'e mẹni wẹ lẹ ụmụ wẹ kẹ ndị nke m d'e rudẹ agbọ nnụ-uku ole-lẹ-ole.

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Jerimaya 32:18

Y'e gi ihiẹn-ọsụsụọ e sọn ndị e sọnn'i d'e rudẹ agbọ nnụ-uku ole-lẹ-ole, e gizikwọ njọ ịhịan e sọn ụmụ a. Ịyụ wụ Chuku hi-ogbe, Chuku hụn nwọn ikẹn ọda-ọda, hụn ẹfan a wụ ‘Osolobuẹ ihiẹn ile rị okpuru ẹ’.

Ẹkwan 3:23

O mẹsọnmẹ ẹ ụtụntụn ile; y'e mẹkẹ onyẹ wẹ e gi dọn ẹnya.

Daniẹlụ 9:4

M nọ mẹ ekpere jẹnni Osolobuẹ wụ Chuku m, e kupụha njọ ẹnyi, sị, “Dodo, Di-nwọnni-ẹnyi, Chuku uku, hụn w'a tụ egun ẹ, hụn e nwọnsọnmẹ ihiẹn-ọsụsụọ ndị ihiẹn ẹ a sụọ hụn rị e mẹ ihiẹn o ku,

Ọgụngụn 14:18

‘Osolobuẹ ara bukẹnrin olulu; o nwọnkẹnmẹkẹ ihiẹn-ọsụsụọ; ọ gbagharị njọ lẹ nnupụ-isi. Kanị ara hatu onyẹ ikpe ma — o gidẹ ufiri njọ nẹdi e ye ụmụ afụnfụn d'e ru agbọ nke ẹtọ lẹ nke ẹnọ.’

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Kọrẹntị Ibuzọ 1:9

Osolobuẹ hụn kpọ ụnụ d'e sọn Nwa a wụ Jizọs Kraịstị Onyẹ-nwọnni-ẹnyi mẹkọ furu wẹ gi e dọn ẹnya.

Ndị Kọrẹntị Ibuzọ 10:3

Wẹ ile e rizighọ ihiẹn-oriri ahụn gha elu-igwee bịa;

Ndị Kọrẹntị Ibuzọ 8:3

kanị onyẹ hụn ihiẹn Osolobuẹ a sụọ kẹ Osolobuẹ marịn.

Ndị Kọrẹntị Nke Ẹbụọ 1:18

Kaka! K'o dọn mẹni Osolobuẹ wụ onyẹ-ezioku, ẹrịra k'o dọn wụrụ ezioku nị oku ẹnyi a gwa ụnụ emẹtuni “ẹghẹẹ lẹ mba” nke onyẹ e ku ẹbụọ.

Ditrọnọmi 32:39

Lee n'ẹ nwan, nị mmẹ lẹ enwẹn m rọ! Wezụka m onwọnni Chuku rịnị. Mmẹ e gbu, mmẹ e ye ndụn; Mmẹ a rụ ịhịan ẹhụ, mmẹ a zụọ ịhịan; onwọnni onyẹ a s'ẹka a napụ m ihiẹn m kwọndọn.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Ditrọnọmi 4:35

Ọ ghọsị ụnụ ihiẹn ndịnị kẹni ụnụ marịn nị Osolobuẹ wụ Chuku, wezụka a, ọzọ arịzị a.

Ditrọnọmi 4:39

Marịn nị nwan, ụnụ e gi ẹ dọn, nị Osolobuẹ wụ Chuku, kẹ imẹ elu-igwee kẹ elu-ụwa. Osolobuẹ ọzọ arịzị a!

Ditrọnọmi 5:10

kanị m'e gi ihiẹn-ọsụsụọ e sọn ụmụ ndị ihiẹn m a sụọ, ndị e mẹ ihiẹn m ku, d'e rukwọrị agbọ ‘nnụ-nnụ’.

Ndị Tẹsalonika Ibuzọ 5:24

Onyẹ hụn kpọ ụnụ furu wẹ gi e dọn ẹnya, o jẹnkọ d'e mẹ ẹ!

Ndị Tẹsalonika Nke Ẹbụọ 3:3

Kanị, Di-nwọnni-ẹnyi furu onyẹ wẹ gi e dọn ẹnya; o k'e mẹ ụnụ zekẹnmẹ, dọnmẹ ụnụ makẹ Eje-onyẹ hụ gha e mẹ ụnụ ihiẹn ọwụlẹ.

Timoti Nke Ẹbụọ 2:13

ẹnyi wụbehi ndị wẹ gi e dọn ẹnya, ya nwẹn k'a wụsọnmẹ onyẹ wẹ gi e dọn ẹnya, makẹni ọ saẹka jụ enwẹn ẹ.”

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Hibru 10:23

Nị ẹnyi kwọnkẹnmẹ ni nwan olilẹnya ẹnyi, e ku ẹ, e kushi ẹ ikẹn, makẹni Onyẹ hụn kwe ẹnyi nkwa furu wẹ gi e dọn ẹnya.

Hibru 11:11

Okukwe kẹ Sẹra nkẹ gi saẹka mụ nwa, ọsụọn'a n'ọ karịgụọ hụn a mụ nwa, makẹni o gi ẹ dọn nị Chuku hụn kwe nkwa furu wẹ gi e dọn ẹnya.

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Jọnụ Ibuzọ 1:9

Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.

Ndị Han Eṅẹn 2:1

O ru, mmọn-ozi Osolobuẹ nọ gha Gil'galụ bịa Bokim, sị ndị Izrẹlụ, “Mmẹ gha alị Ijiptu wepụha ụnụ, du ụnụ ye alị hụ m kun enwẹn m kwe nkwa nị m k'e ye ndị nẹdi ụnụ kanị. M sị, ‘Onwọnni ogẹn m'e gi tikpọ nkwerigbama rị ẹgbata mmẹ lẹ ụnụ,

Ndị Han Eṅẹn 5:31

“Euu Osolobuẹ, ndị iṅẹnrẹn i ile wẹ la iwi ẹrịra! Kanị, ndị ihiẹn i a sụọ wẹ nọ kẹ ẹnyanwụn, ebe ọ nọ wachanrịn!” Agha hụ e bigụ, udọn nọ rị alị ahụa ọgụnnaị.