Ditrọnọmi 7:2 - Ika

² o wegụ wẹ che ụnụ ẹka mẹri, gbuchanrịnkwọ nị wẹ ru alị. Y'e nwọnkwọlẹ ihiẹn k'e kwọngbama ụnụ lẹ wẹ! Emẹkwọlẹ ni omikẹn wẹ!

Ditrọnọmi 7:2 ပူးပေါင်းရင်းမြစ်များ

Jẹnẹsisi 14:20

Ịja-mma y'a rịnị Chuku hụn kachanrịnnị, hụn ye i mmẹri ebe ndị iṅẹnrẹn i rị.” Ebram nọ kebe ihiẹn o bukinhẹn ụzọ iri, we ụzọ ohu ye Mẹkizẹdẹkị.

Samuẹlụ Nke Ẹbụọ 21:2

Eze nọ kpọ ndị Gibiọnụ, gwa wẹ oku. Ndị Gibiọnụ ẹlẹ ndị Izrẹlụ kẹti-kẹti; wẹ rị ndị Amọ họdụ alị Izrẹlụ, wẹ rị okpuru ndị Izrẹlụ; ndị Izrẹlụ kun ẹfan Osolobuẹ n'e gbukọ wẹ wẹ, kanị Sọlụ e te gbumẹgụọ wẹ n'o gbupụchanrịn wẹ makẹni ọ rị e mẹ n'ọ ghanị Izrẹlụ lẹ Juda.

Ndị-nze Nke Ibuzọ 20:34

Bẹn-Hadadị nọ sị a, “M k'e yekin i obodo ndị ahụn nẹdi m narịn nẹdi i; i nwọn ikẹn rụnrụn afịa imẹ obodo ẹnyi wụ Damaskọsụ kẹ nẹdi m dọn rụn imẹ obodo ụnụ wụ Sameria.” Ehabụ nọ sị a, “I jẹnkọ d'e kunrịrị iyi kwe m nkwa rịn'a m kebe hapụ ị.” Ya wẹ nọ kun iyi, kwetarị nkwa, Ehabụ nọ hatu ẹ.

Ẹzra 10:3

Nị ẹnyi kwerigbama nwan kwe nkwa ihun Chuku ẹnyi, nị ẹnyi k'a chụpụchanrịn ikpoho ndịnị lẹ ụmụ wẹ kẹ yụ wụ di-nwọnni m lẹ ndị a gbaye oku Chuku ẹnyi dọn ku; nị ẹnyi m'ẹ kẹ Iwu dọn ku.

Ẹbụ-ọma 106:34

Egbuchanrịnnị wẹ ndị alị ichẹn-ichẹn kẹ Osolobuẹ dọn gwa wẹ.

Ọpụpụ 22:20

“Onyẹ ọwụlẹ chụnyeni mmọn ọwụlẹ ẹjan karị Osolobuẹ, wẹ k'e gburịrị a.

Ọgụngụn 21:2

Ya ndị Izrẹlụ nọ gi ihiẹnni wẹ mẹ wẹ kwe Osolobuẹ nkwa, sị, “Omẹni y'a nị ẹnyi mẹri ndịnị, ẹnyi jẹnkọ d'e tikpọn'ị obodo wẹ rị ichẹn-ichẹn rụ alị, a wụrụ wẹ ihiẹn wẹ gichanrịn kwanị Osolobuẹ!”

Ọgụngụn 31:17

Gbuchanrịn nị nwan ụmụna ikẹnnyẹ ile, ụnụ e gbu okpoho ọwụlẹ sọngụ okẹnnyẹ ranhịn.

Ọgụngụn 33:52

chụpụchanrịn nị ndị bin'ẹ; tikpọ nị mmọn lẹ iyi ile wẹ kọma — kẹ ndị wẹ pịn kẹ ndị wẹ kpụ; kụtu ni ukpo-mmọn wẹ ile.

Ditrọnọmi 13:8

ekwerilẹ; egọndẹlẹ ẹ ntịn. Emẹkwọlẹ omikẹn ẹ. Edọnmẹkwọl'a ndụn mọbụ kpumẹ ẹ.

Ditrọnọmi 13:9

I sikọ d'e gburịrị a. Wẹ jẹnkọnị d'e gbu ẹ, ẹka ị k'e burịrị ụzọ ban a, ẹka ịhịan ile kebe ban a.

Ditrọnọmi 19:13

Emẹkwọlẹ ni omikẹn ẹ: finchanpụ nị ikpe-ọmụma igbu ịhịan mmakalaka e wẹhẹ imẹ Izrẹlụ, kẹni ọ rịnị ụnụ mma.

Ditrọnọmi 2:33

Osolobuẹ wụ Chuku ẹnyi nọ w'ẹ ye ẹnyi mẹri; ẹnyi nọ gbu ẹ, ya lẹ ụmụ a lẹ ndị-agha a ile.

Ditrọnọmi 2:34

Ogẹn ahụn kẹ ẹnyi gi weri obodo ẹ ile, gbuchanrịn ndị alị a: kẹ ikẹnnyẹ kẹ ikpoho kẹ ụmụ-ẹka. Onwọnni onyẹ ẹnyi latọ.

Ditrọnọmi 23:14

Makẹni Osolobuẹ wụ Chuku ụnụ a ghahunmẹ imẹ agọ ụnụ, e che ụnụ nche, e we ndị-iṅẹnrẹn ụnụ e che ụnụ ẹka nị ụnụ mẹri wẹ. Agọ ụnụ sikọ d'a rịrịrị nsọ, amamgbe o legha ihiẹn ọwụlẹ rịlẹni mma ẹnya, gbakitọ ụnụ azụụn.

Ditrọnọmi 25:12

bepụ n'a ẹka. Emẹlẹ ni omikẹn ẹ.

Ditrọnọmi 3:3

Osolobuẹ wụ Chuku ẹnyi nọzị bu Ọgụ wụ eze Bashanị lẹ ndị-agha a ile che ẹnyi ẹka. Ẹnyi nọ gbu wẹ; ẹnyi egbuhọdụnị kaka akpụ onyẹ ohu.

Ditrọnọmi 31:5

Osolobuẹ k'e we wẹ ye ụnụ mẹri. Mẹkwọ nị wẹ ihiẹn ile m gwa ụnụ.

Ditrọnọmi 33:27

Chuku rị ẹdẹi wụ igungun, ẹka itẹbitẹ ẹ hụ okpuru. O k'a chụpụnị ụnụ ndị iṅẹnrẹn ụnụ, a sị, ‘Tikpọ a!’

Ditrọnọmi 7:16

Gbuchanrịn nị ndị ile Osolobuẹ wụ Chuku ụnụ k'e buche ụnụ ẹka mẹri. Emẹlẹ ni omikẹn wẹ mọbụ femẹ mmọn-lẹ-iyi wẹ, makẹni ọhụn k'a wụrụnị ụnụ ọnyan.

Ditrọnọmi 9:3

Ka marịn nị nwan nị Osolobuẹ wụ Chuku ụnụ wụ onyẹ k'e buruni ụnụ ụzọ nọkẹ ọkụn rị a dụnnị. O k'e tikpọ wẹ; o k'e mẹrini ụnụ wẹ, ụnụ a chụpụ wẹ, gbupụ wẹ ozigbo, nọkẹ kẹ Osolobuẹ dọn kwe ụnụ nkwa.

Joshụa 10:28

Ụhụọhịn ohu hụ, Joshụa nọ werizikwọ Makẹda hụ wẹ rị. O gi ọpịa-agha sọn ndị obodo hụ lẹ eze ẹ, gbuchanrịn ndị ile rị imẹ ẹ, onwọnni onyẹ o dọnmẹ ndụn, o mẹ eze Makẹda ihiẹn o mẹ eze Jẹriko.

Joshụa 10:30

Osolobuẹ nọ buzi obodo hụ lẹ eze ẹ che ẹka ndị Izrẹlụ. Joshụa nọ gi ọpịa-agha sọn obodo hụ lẹ onyẹ ọwụlẹ rị imẹ ẹ; onwọnni onyẹ o dọnmẹ ndụn ebẹhụ. Ọ nọzị mẹ eze ẹ ihiẹn o mẹ eze Jẹriko.

Joshụa 10:32

Osolobuẹ nọ bu Lakishi che Izrẹlụ ẹka. Hụn mẹ akp'ọhịn ẹbụọ, Joshụa nọ mẹri ẹ weri ẹ, gi ọpịa-agha sọn obodo hụ, gbuchanrịn ndị ile rị imẹ ẹ, k'o dọn mẹ Libna.

Joshụa 10:40

Ẹrịra kẹ Joshụa dọn mẹri ndị ile rị ẹgbẹrẹ hụ, kẹ ndị rị elu ugu kẹ ndị rị ẹgbẹrẹ Nẹgẹvụ kẹ ndị rị alị-aradan kẹ ndị rị ukun ugu azụụn shi ọdịdan-ẹnyanwụn — uwẹ lẹ ndị nze wẹ ile. Onwọnni onyẹ o gbuhọdụ. O gbuchanrịn ihiẹn ile e kwọnni, nọkẹ kẹ Osolobuẹ wụ Chuku Izrẹlụ dọn gwa wẹ.

Joshụa 10:42

Mgbe ohu ahụn Joshụa pụha d'a lụsọn wẹ agha k'o gi mẹrisọnmẹ ndị nze ndịnị ile lẹ alị wẹ, mẹrichanrịn wẹ, makẹni Osolobuẹ wụ Chuku Izrẹlụ lụnị Izrẹlụ ọgụn.

Joshụa 11:8

Osolobuẹ nọ bu wẹ che ndị Izrẹlụ ẹka, mẹri. Ndị Izrẹlụ nọ mẹri wẹ, chụ wẹ d'e ru Sidọnụ-Kanị, d'e ru Misrẹfọtụ-Maim lẹ Ọdanmgbumgbu-Mizpa rị nkọ ọwụwa-ẹnyanwụn, e gbu wẹ, d'e runi onwọnni onyẹ họdụnị.

Joshụa 2:14

Ikẹnnyẹ ahụn nọ sị a, “Ẹnyi rị e gi ndụn ẹnyi e kwe i nkwa n'o nwọnni ihiẹn k'e mẹni ụnụ! Ka sị a mẹni y'e reni ẹnyi, ẹnyi sikọ d'e mẹ i kẹ onyẹ nke ẹnyi ogẹn Osolobuẹ k'e gi ye ẹnyi alịnị.”

Joshụa 21:44

Osolobuẹ nọ ye wẹ ezumikẹn, obi e ru wẹ alị azụụn ile, k'o dọn kun enwẹn ẹ kwe ndị nẹdi wẹ kanị nkwa; onwọnni akpụ eṅẹnrẹn wẹ ohu sa ẹka che wẹ ọgụn; Osolobuẹ mẹ wẹ mẹrichanrịn ndị iṅẹnrẹn wẹ ile.

Joshụa 8:24

Ogẹn ndị agha Izrẹlụ gi gbuchanrịngụ ndị Aị imẹ atụ wẹ chụjẹn wẹ, ogẹn wẹ gi gigụ ọpịa-agha gbukwama wẹ, ndị agha hụ ile nọ kin azụụn shi imẹ Aị, gbukwamazị ndị rị imẹ ẹ.

Joshụa 9:24

Wẹ nọ sị Joshụa, “Wẹ gwachanrịn ẹnyi ndị idibo i kẹ Osolobuẹ wụ Chuku ụnụ dọn gwa odibo ẹ wụ Mozizi we alị ile ye ụnụ; ya gbupụchanrịnnị ụnụ ndị ile bi imẹ ẹ. Ya okẹn egun nọ tụma ẹnyi nị ụnụ k'e gbu tan ẹnyi. Ya haịn ẹnyi gi mẹ ihiẹnni ẹnyi mẹ.

Joshụa 9:7

Kanị ndị Izrẹlụ nọ sị ndị ebọn Hivu hụ wụ ndị Gibiọnụ, “Ikẹnkwọ ebe ụnụ bi rị ẹnyi nsue; nanị ẹnyi e dọn nwan kwemẹ ụnụ nkwa ẹnyi e gi e mẹgbama?”

Ndị Han Eṅẹn 1:24

ndị hụ wẹ zi nọ hụn okẹnnyẹ ohu gha imẹ obodo ahụn pụkọ, wẹ nọ sị a, “Ghọsị ẹnyi kẹ ẹnyi a dọn banye imẹ obodoni, nị ẹnyi nwẹn mẹzikwọ ị ọhụnma.”

Ndị Han Eṅẹn 1:4

Mgbe ndị Juda gi nwan maye ndị Kenaanị, Osolobuẹ nọ we ndị Kenaanị lẹ ndị Pẹrẹzi ye wẹ mẹri, wẹ nọ gbu madụ nnụ-uku iri (10,000) imẹ alị Bẹzẹki.

Ndị Han Eṅẹn 2:2

ụnụ nwẹn, nị ụnụ lẹ ndị alịnị ekwerigbamakọ, kama, nị ụnụ sikọ d'e tikpọchanrịn ukpo wẹ nọsọnmẹ a chụn ẹjan.’ Kanị, ụnụ emẹni nwan ihiẹn m gwa ụnụ mẹ. Kị ụnụ mẹni ihiẹn nọ ẹrịra?