Ditrọnọmi 5:9 - Ika

⁹ “Akpọkwọlẹ ni ni wẹ isi alị mọbụ fe wẹ, makẹni mmẹ, Osolobuẹ hụn wụ Chuku ụnụ, wụ Chuku ẹnya a fụ; m'e gi njọ ndị hụn ize m e ze e sọn ụmụ wẹ d'e ru ụmụ-ụmụ lẹ ụmụ ụmụ-ụmụ wẹ,

Ditrọnọmi 5:9 ပူးပေါင်းရင်းမြစ်များ

Ndị-nze Nke Ẹbụọ 17:35

Kẹ Osolobuẹ tumẹ nkwerigbama ẹgbata ya lẹ ndị Izrẹlụ, ọ sị wẹ, “Efelẹ ni mmọn-lẹ-iyi ọwụlẹ mọbụ kụnị wẹ isi alị; arụalẹ ni wẹ mọbụ chụnyeni wẹ ẹjan.

Ọpụpụ 34:14

Efekwọlẹ ni mmọn ọwụlẹ cheni m, makẹni mmẹ, Osolobuẹ hụn ẹfan a wụ ‘Hụn Ẹnya A Fụ’, wụ Chuku hụn ẹnya a fụ.

Ọpụpụ 34:7

e mẹni onyẹ nkẹ ẹ d'e rudẹ agbọ nnụ-nnụ, a gbagharị eje-ihiẹn, nnupụ-isi lẹ njọ — bụ ara nị onyẹ mẹ eje-ihiẹn la ọfẹ; o gi njọ nẹdi mẹ e sọn ụmụ lẹ ụmụ-ụmụ d'e ru agbọ nke ẹtọ lẹ nke ẹnọ.”

Jerimaya 32:18

Y'e gi ihiẹn-ọsụsụọ e sọn ndị e sọnn'i d'e rudẹ agbọ nnụ-uku ole-lẹ-ole, e gizikwọ njọ ịhịan e sọn ụmụ a. Ịyụ wụ Chuku hi-ogbe, Chuku hụn nwọn ikẹn ọda-ọda, hụn ẹfan a wụ ‘Osolobuẹ ihiẹn ile rị okpuru ẹ’.

Ọgụngụn 14:18

‘Osolobuẹ ara bukẹnrin olulu; o nwọnkẹnmẹkẹ ihiẹn-ọsụsụọ; ọ gbagharị njọ lẹ nnupụ-isi. Kanị ara hatu onyẹ ikpe ma — o gidẹ ufiri njọ nẹdi e ye ụmụ afụnfụn d'e ru agbọ nke ẹtọ lẹ nke ẹnọ.’

Ditrọnọmi 4:16

amamgbe ụnụ a rụ, kpụrụma mmọn ọwụlẹ w'a kpụ — kẹ hụn yi okẹnnyẹ, kẹ hụn yi okpoho;

Ditrọnọmi 4:24

Makẹni, Osolobuẹ wụ Chuku ụnụ wụkwọ ọkụn e bu ihiẹn e ri, Chuku ghalẹni e gi ẹnya a hụn kẹ ihiẹn ọzọ weri ọnọdị a k'ọ wụ.

Ditrọnọmi 6:15

Osolobuẹ wụ Chuku ụnụ hụn rị imẹ igunrun ụnụ wụ Chuku ẹnya a fụ; o k'e gi olulu mẹ ụnụ ihiẹn, kpọnchanpụ ụnụ alị hụ.

Ditrọnọmi 7:10

Nke ndị hụn ize ẹ e ze, o mẹgwarị wẹ idẹnya wẹ hụn o gi tikpọ wẹ; ẹghẹẹ, o mẹgwarị ndị ahụn ize ẹ e ze idẹnya wẹ, a ra lee ẹnya azụụn.