Ditrọnọmi 26:3 - Ika

³ sị onyẹ nchụn-ẹjan hụn rị ọrụn ogẹn ahụn, “M rị e gi ihiẹnni m wẹhẹ tannị a gwa Osolobuẹ wụ Chuku, hụn ị rị a nọkin ẹnya a, n'e rugụọ m alị ahụn Osolobuẹ kun enwẹn ẹ kwe ndị nẹdi ẹnyi nkwa n'o k'e ye ẹnyi.”

Ditrọnọmi 26:3 ပူးပေါင်းရင်းမြစ်များ

Jẹnẹsisi 17:8

M sikọ d'e ye yụ lẹ mmụ ị alịnị ị wụ nwan abịamabịa; ebe ile alị Kenaanị gha k'a wụrụ nke ụnụ jẹnrin ejẹn. Mmẹ k'a wụrụ Chuku ụmụ ị.”

Jẹnẹsisi 26:3

Biri imẹ alịnị rịkẹ abịamabịa. I mẹ ẹ, m k'a nọyen'i, gọzi i — makẹni m jẹnkọ d'e we alịnị ile ye yụ lẹ ụmụ ị — m k'e mẹzu nkwa m kwe Ebraham nẹdi i.

Ditrọnọmi 1:8

Lee ẹ, e wegụọ m alị ahụn ile ye ụnụ. Banye ni d'e weri alị ahụn biri — alị ahụn Osolobuẹ kun enwẹn ẹ n'o k'e ye ndị nẹdi ụnụ wụ Ebraham, Aziki lẹ Jekọpụ lẹ agbọ wẹ ile lalanị.”

Ditrọnọmi 19:17

mmadụ ẹbụọ ahụn ikpe seni sikọ d'a pụharịrị ihun Osolobuẹ, ihun ndị nchụn-ẹjan lẹ ndị ọka-ikpe rị ọrụn ogẹn ahụn.

Ditrọnọmi 26:2

y'a gha imẹ ihiẹn-ugbo ibuzọ ile alị ahụn Osolobuẹ wụ Chuku ụnụ rị e ye ụnụ mịpụha weberi, buche imẹ ụkpalị, bujẹn ebahụn Osolobuẹ k'a họrị nị Ẹfan a rị,

Ditrọnọmi 26:4

Onyẹ nchụn-ẹjan ahụn k'a narịn ị ụkpalị hụ rị ị ẹka, bu ẹ che ihun ukpo nchụn-ẹjan Osolobuẹ wụ Chuku ụnụ;

Hibru 10:21

Ọzọzị, ẹnyi nwọn okẹn onyẹ nchụn-ẹjan hụn ụlọ Osolobuẹ rị ẹka a.

Hibru 13:15

Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.