Ditrọnọmi 17:3 - Ika

³ e fe mmọn-lẹ-iyi, a kpọnị wẹ isi alị, a kụnị ẹnyanwụn mọbụ ifọn mọbụ kokisẹ rị elu-igwere isi alị, ihiẹn m sị ụnụ emẹlẹ.

Ditrọnọmi 17:3 ပူးပေါင်းရင်းမြစ်များ

Jẹnẹsisi 2:1

Ẹrịra kẹ Osolobuẹ dọn kechanrịn elu-igwere lẹ elu-ụwa lẹ ihiẹn ile rị imẹ wẹ.

Ndị-nze Nke Ẹbụọ 21:3

Ọ tụnkinsọnmẹ ụlọ-mmọn ndị ahụn nẹdi ẹ wụ Hezikaya tikpọgụ; o tumẹzighọ ukpo mmọn Baalụ, zumẹ osisi wẹ gi a rụa Ashẹra kẹ Ehabụ wụ eze Izrẹlụ Ẹbamịn ugu dọn mẹ. Ọ kụsọnmẹni kẹ kokisẹ kẹ wẹ ile rị igwere isi-alị, e fe wẹ.

Ọpụpụ 22:20

“Onyẹ ọwụlẹ chụnyeni mmọn ọwụlẹ ẹjan karị Osolobuẹ, wẹ k'e gburịrị a.

Jerimaya 19:5

A tụnsọnmẹgụọ wẹ ukpo wẹ nọ a rụa Baalụ, a nọ imẹ wẹ a kpọ ụmụ wẹ ọkụn, gi chụnyeni Baalụ ẹjan. Onwọnni ogẹn m gi sị wẹ mẹ ihiẹn nọ ẹnịna mọbụ kud'ẹ oku ẹ; uche m a gbatudẹn'ẹ.

Jerimaya 32:35

A tụnsọnmẹ wẹ ukpo wẹ nọ a rụa Baalụ ye imẹ Ọdanmgbugbu Bẹn-Hinọm, a nọ ebẹhụ e gi ụmụ wẹ ikẹnnyẹ lẹ ikpoho a chụnyeni mmọn wụ Molẹkị ẹjan — bụ ezini m wẹ, obi m eshitudẹni izi wẹ d'e mẹ arụ nọ ẹnịna; wẹ nọ gi ẹ dọ Juda ye imẹ njọ.

Jerimaya 7:31

A tụngụọ wẹ ụlọ-mmọn ndị ahụn w'a tụn elu-ugu yesọnmẹ Tofẹtị hụn rị Ọdanmgbugbu Bẹn-Hinọm, a nọ ebahụn a kpọ ụmụ wẹ ikẹnnyẹ lẹ ikpoho ọkụn — ihiẹn m gwatulẹni wẹ mẹ, ihiẹn rịtulẹni m obi!

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Izikẹlụ 8:16

Ọ nọ nwan wẹhẹ m ihun-ezi rịchanrịn imẹ hụn rị Ụlọ-nsọ Osolobuẹ: e lee ihiẹn nọkẹ madụ isẹn kwasị ọgụn rị ihun Ụlọ-NSỌ Osolobuẹ ebẹhụ e fe ẹnyanwụn!! Wẹ rị ẹgbata ẹtu-ụlọ rị ebẹhụ lẹ ukpo nchụn-ẹjan Osolobuẹ! Wẹ ile bu azụụn zinmẹ Ụlọ-NSỌ Osolobuẹ, bu ihun zinmẹ ẹbamịn ọwụwa ẹnyanwụn, a kụnị ẹnyanwụn isi alị!

Ditrọnọmi 11:16

Kpachanpụkwọ nị ẹnya, amamgbe w'a dọrị ụnụ d'e femẹ mmọn-lẹ-iyi, kụmanị wẹ isi alị.

Ditrọnọmi 17:4

Wẹ bịa d'a gwaghọsị ụnụ ya, ụnụ sikọ d'a chọkpọgụrịrị alị a ọhụnma-ọhụnma. Omẹni ezioku rọ nị ihiẹn-ifẹnrẹn nọ ẹrịra rị e mẹ imẹ Izrẹlụ,

Ditrọnọmi 4:19

Ụnụ lekwọ ẹnya elu-igwere, hụn ẹnyanwụn lẹ ifọn lẹ kokisẹ, ihiẹn ile rị igwere, anịkwọlẹni wẹ chanban ụnụ ẹnya, ụnụ a kpọma nị wẹ isi alị, femẹ ihiẹn-okike mmaka ndị ahụn Osolobuẹ wụ Chuku ụnụ ketọnị ụwa ile.

Joshụa 23:16

Ụnụ latọ Iwu Osolobuẹ wụ Chuku ụnụ gi kwọngbama ụnụ lẹ ya, Iwu ọ sị ụnụ dọnmẹ, jẹn d'e femẹ mmọn-lẹ-iyi, kpọmanị wẹ isi alị, Osolobuẹ sikọ d'e gi olulu ẹ rị a dụn kẹ ọkụn sọn ụnụ, ụnụ a la iwi ozigbo-ozigbo imẹ alị-ọma hụ o ye ụnụ.”