Ditrọnọmi 13:3 - Ika

³ egọnkwọlẹ ntịn oku onyẹ-amụma hụ mọbụ onyẹ hụ nrọ a a bụn. Osolobuẹ wụ Chuku ụnụ rịkwọ e lele i n'ọ marịn kẹ y'e gighọ obi i ile lẹ umẹ-ndụn ị ile nwọn ihiẹn-ọsụsụọ a.

Ditrọnọmi 13:3 ပူးပေါင်းရင်းမြစ်များ

Ndị-nze Nke Ibuzọ 13:19

Ya onyẹ-ozi Osolobuẹ hụ nọ sọnkin ẹ, nọ iwe ẹ ri, ra.

Ẹbụ-ọma 119:2

Ngọzi wụ nke ndị e dọnmẹ iwu Osolobuẹ gi shịanị enwẹn ẹ ẹri, e gi akpakalị obi wẹ e fe Osolobuẹ;

Ẹbụ-ọma 66:10

Y'e lelegụọ ẹnyi, Osolobuẹ, kẹ wẹ e lele siliva imẹ ọkụn.

Ẹbụ-ọma 81:7

Kẹ ụnụ kpọ m ogẹn nsọngbu, a zụọpụhaghọ m ụnụ, a gha m ebẹhụ zuerini akpara nọ a han za ụnụ, a nọ m mirin Mẹriba lele ụnụ. Sẹla

Ọpụpụ 20:20

Mozizi nọ sị wẹ, “Atụlẹ ni egun. Osolobuẹ bịa d'e lele ọnụ, kẹni egun Osolobuẹ tụma ụnụ, mẹ ọnụ gbanị njọ ọsọ.”

Azaya 8:20

Jẹn ni d'e kunrun Iwu Osolobuẹ lẹ ihiẹn ile ọ gwa ụnụ! Omẹni oku ịhịan gwa ụnụ lẹ Iwu Osolobuẹ a dangbamanị, ịya wụ nị ukpẹ arị imẹ wẹ.

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Ọrụn Ndị-ozi 17:11

Ndị Ju rị Bẹrịa ka obi a shịapụ karị ndị rị Tẹsalonika. Makẹni, wẹ gichanrịn obi wẹ ile nabanhan oku Di-nwọnni-ẹnyi, e leban ẹnya Ẹkụkwọ-nsọ ụhụọhịn ile nị wẹ marịn kẹ ihiẹn ndị hụ Pọlụ ku wụ ezioku.

Ndị Kọrẹntị Ibuzọ 11:19

W'a rụ ụka a, nghọta rị ichẹn-ichẹn hụn wẹ gi a marịn ndị rị e mẹ ihiẹn Osolobuẹ chọ k'a rị imẹ igunrun ụnụ.

Ndị Kọrẹntị Nke Ẹbụọ 8:8

Ẹlẹ ni m rị e ye iwu, kama, m chọkọ nị m ghọsị ụnụ adụdụ ndị ọzọ nwọn, gi ẹ chọpụha kẹ ihiẹn-ọsụsụọ ụnụ nwọn wụ ezigbo ẹ.

Ndị Ẹfẹsọsụ 4:14

makẹ ẹnyi gha a wụsọnmẹ ụmụẹka, ndị ẹbi e bushi ihun-lẹ-azụụn, ndị-nkuzi ọwụlẹ e buhunmẹ kẹ ufere, ndị ịhịan gi nkuzi ẹro lẹ aghịghọ e dufie.

Ditrọnọmi 6:5

Gi obi i ile, enwẹn i ile lẹ ikẹn i ile nwọn ihiẹn-ọsụsụọ Osolobuẹ wụ Chuku i.

Ditrọnọmi 8:16

o ye ụnụ mana ri imẹ atụ, ihiẹn-oriri ndị nẹdi ụnụ marịnlẹni, gi ẹ welụa ụnụ isi alị, lele ụnụ kẹni ọ rịnị ụnụ mma.

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Ndị Tẹsalonika Nke Ẹbụọ 2:11

Makẹni a jụgụọ wẹ ezioku, Osolobuẹ k'e gi ufiri ẹ zihẹni wẹ okẹn ndufie ahụn wẹ jẹnkọ d'e dufie wẹ, hụn k'e mẹ wẹ gi ntụ dọn.

Jọnụ Ibuzọ 2:19

Ezioku rọ nị imẹ igunrun ẹnyi kẹ ndịnị gha pụ, kanị, ẹlẹ wẹ ndị nke ẹnyi. Makẹni, omẹni wẹ wụ ndị nke ẹnyi, nkẹ e sọn wẹ ẹnyi nọdị. Kanị, ọpụpụ wẹ pụ imẹ igunrun ẹnyi k'o gi wechanrịn ẹnya nị ẹlẹ wẹ ndị nke ẹnyi.

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Jọnụ Ibuzọ 4:4

Ụmụẹka, ụnụ wụ nke Osolobuẹ; ụnụ e mẹrigụọ wẹ, makẹni onyẹ rị imẹ ụnụ ka onyẹ rị imẹ ụwa.

Rẹvẹleshọnụ 13:14

O gi ọrụn-atụmẹnya ndịnị wẹ ye ẹ ikẹn rụndọnni eje-anụ ibuzọ hụ dufie ndị bi elu-ụwa, sị wẹ kpụ eje-anụ ibuzọ ahụn wẹ gi ọpịa-agha begbu, hụn rịzị nwan ndụn.

Ndị Han Eṅẹn 2:22

m k'e gi wẹ lele Izrẹlụ, nị m hụn kẹni wẹ gha ụzọ Osolobuẹ kẹ ndị nẹdi wẹ dọn gha a ra aghakọ w'a.”

Samuẹlụ Nke Ibuzọ 26:19

Eze nwọnni m ya gọn nwan ntịn ihiẹn odibo ẹ jẹnkọ d'e ku. Omẹni Osolobuẹ kpasu i d'e gbu m, ya dodo narịn oyiye, gharị m. Kanị omẹni ịhịan mmaka mẹ ẹ, Osolobuẹ ya bụ wẹ ọnụ! A chụpụgụọ wẹ m nwan alị Osolobuẹ, wẹ rị a sị m nwan, ‘D'e femẹ mmọn.’