Daniẹlụ 9:3 - Ika

³ Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Daniẹlụ 9:3 ပူးပေါင်းရင်းမြစ်များ

Samuẹlụ Nke Ẹbụọ 12:16

Defidi a rịọ Osolobuẹ n'ọ zụọ nwata hụ; o bu ọnụ; ọ ban imẹ ụlọ a d'a nọdị; o dinẹ akpakalị eki e we fọn.

Ẹzra 10:6

Ẹzra nọ nwan gha ihun Ụlọ Chuku ebẹhụ pụ, shi mmughẹ Jehohananị nwa Ẹliashibu. Hụn ahụn ọ rị mmughẹ ebẹhụ, o rini, ọ ranị — makẹni echẹn kẹ ọ rị a kwan makẹ njọ ahụn ndị Izrẹlụ lụaha ebe wẹ kpụnjẹnsọnmẹ wẹ.

Ẹzra 8:21

Ebẹhụ ẹnyi rị ẹhụ Ote-mirin Ahava, m nọ kpọye ibu-ọnụ, kẹni ẹnyi welụa enwẹn ẹnyi alị ihun Chuku ẹnyi, rịọ a n'o ye ẹnyi lẹ ụmụ ẹnyi lẹ ihiẹn ẹnyi ijẹn-ẹwẹrẹ.

Ẹzra 9:5

O ru ogẹn wẹ gi a chụn ẹjan ẹnyasị, m nọ gha ebẹhụ m bu enwẹn m gbama alị lihi, mmẹ lẹ nkanka ẹkwa ndị hụ m dọkaye enwẹn m olu; m nọ gbu osekpu, shịapụ ẹka m ẹbụbụọ zinmẹ Osolobuẹ wụ Chuku m,

Nehemiah 9:1

Nke akpọhịn ẹnọ kwasị ọgụn imẹ ifọn hụ, ndị Izrẹlụ nọ zu. Wẹ rị e bu ọnụ, wẹ yisọnmẹ ẹkwa ahịọ ndị eje-ihiẹn mẹ, kpọn uzunzun yesọnmẹ isi.

Ẹsta 4:16

“Jẹn d'a kpọkwama ndị Ju ile rị imẹ Susa, ụnụ e buni m ọnụ — erilẹ ni, aralẹ ni — akpọhịn ẹtọ, kẹ uhinhin kẹ efinnaị; mmẹ nwẹn lẹ ịgbagba ndịnị e feni m k'e buzikwọ ọnụ kẹ ụnụ dọn rị e bu. O mẹgụ, m k'e jẹn d'e kunrun eze, ọ sụọn'a nị ịdan iwu rọ. Omẹni ọnwụn rọ, a nwụn m.”

Jobu 42:6

Ifẹnrẹn enwẹn m e mẹgbugụọ m; E rogharịgụọ m nwan, a gwọrị m imẹ uzunzun lẹ ntụn!”

Ẹbụ-ọma 35:13

Kanị, kẹ emu rị a kụ wẹ, m yiri ẹkwa-achọ onyẹ ihiẹn mẹ, gi ibu ọnụ welụa enwẹn m alị. Ogẹn Osolobuẹ gilẹni za m ekpere m mẹni wẹ,

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Izikẹlụ 36:37

“Osolobuẹ Nwọn Ihiẹn Ile sị: ‘M k'a nịzị ndị Izrẹlụ rịọ m mẹni wẹ ihiẹn; m k'e mẹ ndị nke wẹ barahị nọkẹ atụnrụn,

Daniẹlụ 6:10

Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Daniẹlụ 9:2

imẹ ahụa ibuzọ ọ kịma, mmẹ wụ Daniẹlụ nọ gi ihiẹn wẹ de imẹ Ẹkụkwọ-nsọ, ihiẹn hụn Osolobuẹ gi onyẹ-amụma wụ Jerimaya ku, ghọta nị ahụa iri kwasị ọgụn-ẹtọ kẹ Jerusalẹm k'e mẹ mkpọkọ-mkpọkọ.

Daniẹlụ 9:20

Hụn ahụn m rị e ku, e mẹ ekpere, e kupụha njọ m lẹ njọ ndị nke m wụ Izrẹlụ, a rịọ Osolobuẹ wụ Chuku m banyeni ugu nsọ a —

Daniẹlụ 9:4

M nọ mẹ ekpere jẹnni Osolobuẹ wụ Chuku m, e kupụha njọ ẹnyi, sị, “Dodo, Di-nwọnni-ẹnyi, Chuku uku, hụn w'a tụ egun ẹ, hụn e nwọnsọnmẹ ihiẹn-ọsụsụọ ndị ihiẹn ẹ a sụọ hụn rị e mẹ ihiẹn o ku,

Juwẹlụ 1:13

Ndị nchụn-ẹjan, yiri ni ẹkwa-achọ kwanma: ụnụ ile ndị ọrụn ukpo nchụn-ẹjan Osolobuẹ! D'e yiri ni ẹkwa-achọ chu ụran; ụnụ ndị a rụnnị Chuku m ọrụn! N'o nwọnzini ọka lẹ manya rịnị wẹ e gi chụn ẹjan imẹ Ụlọ-nsọ Chuku ụnụ.

Juwẹlụ 2:12

Kanị Osolobuẹ sị, “Echẹn kẹ oghere rịkwọ nwan! Gichanrịn nị nwan obi ụnụ ile kinhẹn ya lẹ ibu-ọnụ lẹ ẹkwan lẹ ihulụa-isi;

Jona 3:5

Ya ndị Ninivẹ nọ kweri ozi Osolobuẹ. Wẹ nọ kpọye ibu-ọnụ. Kẹ ndị-uku kẹ ndị-nta, ịhịan ile nọ yiri ẹkwa achọ wẹ gi a kwan ụya.

Matiu 17:21

Kanị ụdịnị ara pụ wezụka nị wẹ bu ọnụ, mẹ ekpere.”

Luku 2:37

Ọnọdị ahụn k'ọ rịkwọ nwan d'e ru hụnnị ọ rị nwa ahụa ẹnọ kwasị ọgụn-ẹnọ. Ara gha Ụlọ-nsọ pụ; ọ hụ e fe Osolobuẹ ukinkin lẹ efinnaị, e bu ọnụ, e mẹ ekpere.

Ọrụn Ndị-ozi 10:30

Kọnẹlusu nọ za a, sị, “Nwẹnẹ mgbeni taịnnọ, m rị iwe m e mẹ ekpere, ihiẹn nọ kẹ ọkụrọkụ ẹtọ efinnaị. Idẹnmizi, okẹnnyẹ ohu yi ẹwuru rị e gbukeni nọ wuzo m ihun.