Daniẹlụ 7:2 - Ika

² Daniẹlụ sị: “Imẹ nrọ hụ m rọ imẹ uhinhin, e lee m ẹnya, e lee kẹ ufere rị a ghasọnmẹ ẹbamịn ẹnọ ọ gha e fe imẹ igwere e fe, e gberụrụ okẹn ohimin.

Daniẹlụ 7:2 ပူးပေါင်းရင်းမြစ်များ

Azaya 17:12

Euu, lee ọnụma ndịnị ile rị a kpọ-o! Ọ nọkẹ ohimin rị a zụn ụzụn! Euu, lee ụzụn alị ichẹn-ichẹn rị a zụn-o! Ọ nọkẹ ụzụn okẹn-mirin!

Jerimaya 49:36

M k'a gha ẹbamịn ẹnọ rị okpuru igwere zihẹni Ẹlam nsọngbu; e mẹ m wẹ bupụ wẹ shi ẹbamịn ẹnịnọ ahụn. Onwọnni alị wẹ jẹnkọlẹni d'a kpụnshi wẹ.

Jerimaya 51:42

Ohimin k'e rukpumẹ Babilọnụ; okẹn ẹbiri mirin ohimin k'e rukpumẹ ẹ.

Daniẹlụ 11:4

Ọ kịgụ, alị-eze ẹ hụ hi ogbe e kebe, e keyịya w'a azụụn ẹnọ ufere igwere gha e fe, kanị ẹlẹ ụmụ a k'e nwẹrin ẹ, alị-eze hụ enwọnkọ ikẹn ahụn ya nwọn te kpa, makẹni ohuepụ kẹ wẹ k'e huepụ alị-eze uku hụ, we ẹ ye ndị ọzọ.

Daniẹlụ 2:19

O ru imẹ abalị, Osolobuẹ nọ ghọsị Daniẹlụ ihiẹn-omimi ahụn imẹ ọhụn. Daniẹlụ nọ ja Chuku rị elu-igwee mma,

Daniẹlụ 7:13

“Imẹ nrọ m uhinhin hụ, e lee m ẹnya, m nọ hụn onyẹ nọ kẹ ịhịan, ‘nwa nke ịhịan’, k'ọ rị orukpu igwere lala. Ọ nọ buru Onyẹ hụ Nwọnlẹni Mbidọn, wẹ nọ du ẹ shi ihun ẹ.

Daniẹlụ 7:7

“Ọhụn e mẹgụ, imẹ nrọ ahụn m rọ imẹ uhinhin, e lee m ẹnya ihun m ebahụn, e lee eje-anụ hụn mẹ wẹ ẹnọ; hụnnị wụ ihiẹn-egun; ndụn a rịka a! Eze igwe hi ogbe k'o nwọn; ọ dọkịka ihiẹn danban a ẹka, e ripụ, a zọkpụkpọ hụn ọwụlẹ họdụnị. Ọ rị ichẹn ebe eje-anụ ndị hụ bu ẹ ụzọ pụha rị; mpịn iri k'o nwọn.

Daniẹlụ 8:2

Imẹ ọhụn ahụn, m hụn enwẹn m imẹ isi-obodo wụ Susa, hụn rị imẹ Ẹgbẹrẹ Ẹlam. Imẹ ọhụn ahụn, m rị mkpẹnrẹn mirin, mkpẹnrẹn Ote-mirin Ulaị.

Daniẹlụ 8:8

Mkpịn hụ nọ bushimẹ enwẹn ẹ elu, kanị k'o dọn rị e kẹnrẹn, mpịn a hụn kanị nọ kpagipụ, okẹn mpịn ẹnọ nọ gha ọnọdị hụn ahụn kpagini pụha, sueshisọnmẹ azụụn ẹnọ ufere igwere gha e fe.

Zẹkaraya 6:5

Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!

Matiu 24:31

O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.

Rẹvẹleshọnụ 17:15

Mmọn-ozi hụ nọzị sị m, “Mirin ndị ahụn ị hụn ịgbaraja ahụn nọdị alị elu wẹ wụ ndị rị ichẹn-ichẹn, igunrun ichẹn-ichẹn, alị ichẹn-ichẹn lẹ asụsụ ichẹn-ichẹn.

Rẹvẹleshọnụ 7:1

Ọhụn e mẹgụ, m nọ hụn mmọn-ozi ẹnọ turusọnmẹ ẹbamịn ẹnọ ụwa, e gbọndọn ufere ẹnọ hụn e fe imẹ ụwa, amamgbe ufere e ruzi elu-ụwa mọbụ ohimin mọbụ osisi ọwụlẹ.