Daniẹlụ 11:31 - Ika

³¹ “Ndị-agha a k'a pụha d'e mẹrụ Ụlọ-nsọ, ebẹhụ Izrẹlụ gi e dọn ẹnya, kagbu ẹjan w'a chụnyeni Osolobuẹ ụhụọhịn-ụhụọhịn, a bịa wẹ d'e tumẹ arụ ahụn hụn e buhẹ ntikpọ.

Daniẹlụ 11:31 ပူးပေါင်းရင်းမြစ်များ

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 7:30

“Osolobuẹ: Ndị Juda e mẹgụọ ihiẹn rịlẹni mma ẹnya m. A kọmagụọ wẹ mmọn ndị ahụn rụnị ye imẹ ụlọ hụn a za ẹfan m, mẹrụ a.

Ẹkwan 1:10

Eṅẹnrẹn e bu ẹka che ihiẹn ile rị mkpa o dọnmẹ; ọ hụnghọdẹ kẹ ndị a rụa mmọn banye ụlọ-nsọ a — ndị hụn ị sị nị abanyekọ wẹ igunrun ndị nke i.

Ẹkwan 2:7

Di-nwọnni-ẹnyi a jụgụọ ukpo nchụn-ẹjan a, latọ Ụlọ-nsọ a. Ọ nịgụọ eṅẹnrẹn kụtu mgbọn obi-eze ichẹn-ichẹn rịn'a — a bangụọdẹ wẹ Ụlọ Di-nwọnni-ẹnyi wụ Osolobuẹ, nọ a yi oro mmẹri nọkẹ oro w'e yi Ụhụọhịn mmẹmmẹ nsọ.

Izikẹlụ 9:7

Ọ sị wẹ, “Mẹrụ nị Ụlọ nsọ; gbu ni ozun jun ezi-ọgwa a! Jẹnmẹ ni!” Ya wẹ nọ jẹnmẹ d'e gbumẹ ịhịan imẹ Jerusalẹm.

Daniẹlụ 12:11

“Gha ogẹn w'e gi kagbu ẹjan w'a chụnnị Osolobuẹ ụhụọhịn-ụhụọhịn d'e ru ogẹn w'e gi tumẹ ihiẹn ahụn e mẹrụnị e buhẹ ntikpọ k'a wụ akpọhịn iri kwasị ọgụn-ẹnọ kwasị nnụ-ẹtọ (1,290).

Daniẹlụ 8:24

O k'e kẹnrẹn ọda-ọda, kanị ẹlẹ ikẹn ya lẹ enwẹn ẹ k'o k'e gi kẹnrẹn. O k'e se okẹn ntikpọ a tụ ẹnya, ihiẹn ile o mẹ a ghachanrịnn'a. O k'e tikpọdẹ ndị dikẹn lẹ ndị-nsọ.

Daniẹlụ 8:26

“Ọhụn gbashịarịnị ẹjan w'a chụn ẹnyasị lẹ ụtụntụn wụ ezioku, ka zuemẹgụ ọhụn ahụn, makẹni ihiẹn jẹnkọ d'e mẹ ihun-ihun rọ.”

Daniẹlụ 9:27

Onyẹ-ọkịkịnị lẹ ndị bu ọda k'e kwerigbama ọrọgbọ ‘ẹsa.’ ‘Ẹsa’ hụ ruọlẹ ahanmahan o k'a kụsị ẹjan w'a chụnị Osolobuẹ lẹ oyiye ndị w'e ye Osolobuẹ. O k'e bu ihiẹn e mẹrụnị tumẹ azụụn ohu imẹ Ụlọ-nsọ, gi ẹ sehẹ ntikpọ — d'e runi Osolobuẹ e mẹ ẹ ihiẹn ọ sị o k'e mẹ, nke ẹ a gụ.”

Hosia 3:4

Ẹrịra kẹ ndị Izrẹlụ k'a nọbie — eze arịkọ, onyẹ-ndu arịkọ; ịchụn-ẹjan arịkọ, ihiẹn wẹ e zumẹni mmọn arịkọ; ẹfọdụ wẹ gi jụ Osolobuẹ ihiẹn arịkọ, nwa-mmọn arịkọ.

Matiu 24:15

“Ya wụ, ụnụ hụn arụ ahụn k'e buhẹ ntikpọ k'o turu imẹ Ebe rị nsọ nọkẹ kẹ Daniẹlụ onyẹ-amụma dọn ku (onyẹ rị a gụnnị ya ghọta a ọhụnma),

Makị 13:14

“Kanị, hụn ụnụ gihụ hụn ‘Eje-ụrụ ahụn’ k'o wuzo ebe furulẹni n'ọ rị (onyẹ hụn rị a gụn ihiẹnni ya ghọha a), ndị rị Judia ogẹn hụ wẹ gbashi elu-ugu.

Luku 21:20

“Kanị, ụnụ hụn kẹ ndị-agha fihunmẹ Jerusalẹm, ụnụ a marịn nị ogẹn w'e gi tikpọ a a rịgụọ nsue.

Rẹvẹleshọnụ 17:12

“Mpịn iri hụ ị hụn wụ ndị-nze iri wẹ kelẹni kin eze. Kanị wẹ k'e kin wẹ eze, a kị wẹ mgbahunmẹ ọkụrọkụ ohu sụọ, uwẹ lẹ eje-anụ ufie ahụn.