Daniẹlụ 10:16 - Ika

¹⁶ Ya onyẹ nọ kẹ ịhịan nọ mẹtụ m ẹka ụgb'ọnụ. M nọ shịapụ ọnụ, oku nọ nị m ku. M nọ sị hụn wuzo m ihun, “Diọkpa, uhue ihiẹnni m hụn e d'e gbu m, akpụ ndụn ohu arịzị m.

Daniẹlụ 10:16 ပူးပေါင်းရင်းမြစ်များ

Ọpụpụ 4:10

Kanị Mozizi a sị “Euu, Osolobuẹ, amatuni m ku oku — kẹ mbụ kẹ hụnnị ị gwama mmẹ odibo i oku. M'a ta oku ata; m'a sụ nsụ.”

Ọpụpụ 4:13

Kanị Mozizi nọ sị, “Euu Osolobuẹ, dodo zijẹn onyẹ ọzọ!”

Ẹkịliziastisi 1:18

Makẹni okẹn amamihiẹn e buhẹ okẹn ẹkwan; amamihiẹn gha a waye, ụfụ hụ a waye.

Azaya 6:7

Ọ nọ gi ikeke-ọkụn hụ mẹtụ m ọnụ, sị, “Ọnwan e mẹtụgụọ ị nwan ụgb'ọnụ: e wepụgụọ wẹ njọ ị; a gbagharịgụọ wẹ njọ ị.”

Jerimaya 1:9

Ya kẹ Osolobuẹ nọ tịnpụ ẹka, mẹtụ m ọnụ, sị m, “Lee ẹ, e bugụọ m oku m che i ọnụ.

Izikẹlụ 1:26

Ihiẹn nọ kẹ ukpo-eze hụ elu okpukpu hụ nọkẹ igwere; o nwun bru-bru nọkẹ ọmụma safaya. Ihiẹn nọ kẹ ịhịan nọdị alị elu ukpo-eze hụ.

Izikẹlụ 3:27

Kanị, m gwa ị oku, a shịapụ m'ị ọnụ, y'a gwa wẹ ya, sị wẹ, ‘Lee ni ihiẹn Osolobuẹ ihiẹn ile rị okpuru ẹ ku.’ Onyẹ chọ n'o gọn ntịn y'a gọn; onyẹ sị o gọnkọ, y'e gọnlẹ; ebọn nnupụ-isi kẹ wẹ wụ.”

Izikẹlụ 33:22

W'a kpọ a ẹnyasị ụnyanhụn nị okẹnnyẹ hụ d'a bịa, Osolobuẹ mẹtụ m ẹka, shịapụ m ọnụ, o ru ogẹn okẹnnyẹ ahụn gi bịa ụtụntụn, ọnụ m nọ kpupụ, agbazịnị m nkịtịn.

Daniẹlụ 12:8

A nụghọ m ihiẹn o ku, bụ aghọtanị m. Ya m nọ sị, “Diọkpa, kị ihiẹn ndịnị ile k'e buhẹ?”

Daniẹlụ 4:19

Ya ndụn nọ gụchanrịn Daniẹlụ hụn w'a kpọzị Bẹlụtẹshaza ẹkẹrẹ ogẹn, nkọwa hụn ban a obi tụ a egun. Ya kẹ eze nọ sị, “Bẹlụtẹshaza, anịlẹ nrọ hụ mọbụ ihiẹn ọ wụ tụ ị egun.” Bẹlụtẹshaza nọ sị, “Di-nwọnni-m, k'ọ rị m nrọnị a nọ isi ndị iṅẹnrẹn i bụn — ẹlẹ ịyụ, nkọwa a a nọ isi ndị rị e we iwe i bụn — ẹlẹ isi i!

Daniẹlụ 7:15

“Obi eruzini mmẹ wụ Daniẹlụ alị, makẹni ihiẹn m rọhụn rị e sọngbu m.

Daniẹlụ 7:28

“Ọnwan wụ ebe ihiẹnni jẹndemẹ. Mmẹ nwẹn wụ Daniẹlụ, obi eruni m alị kaka; ihun m e fọnni kaka — kanị m nọ bu ihiẹnni tọ obi m.”

Daniẹlụ 8:15

Kẹ mmẹ wụ Daniẹlụ rị e lee ihiẹn ahụn m hụn, a nwan nị m ghọta a, e lee onyẹ ohu nọ kẹ ịhịan wuzo m ihun.

Daniẹlụ 8:17

Mgbe Gebrẹlụ gi nọzụnhan ebe m wuzo, egun nọ tụma m, m nọ dan alị, fiẹnrin mọmọmọ. Ọ nọ sị m, “Nwa ịhịan, ghọta nị ọhụnnị wụ ihiẹn jẹnkọ d'e mẹ ogẹn ikpanzụụn.”

Daniẹlụ 8:18

Ogẹn o gi gwa m okuni, m nọ sọhị fiẹnrin mọmọmọ. Ya ọ nọ mẹtụ m ẹka, weli m elu.

Daniẹlụ 8:27

Ndụn nọ gụchanrịn mmẹ wụ Daniẹlụ, emu nọ kụ m, mẹ m dinẹ ụhụọhịn ole-lẹ-ole. E lihi m, rụnmazị ọrụn eze. Ọhụn ahụn mẹhunmẹ m ọda-ọda; ọ nịnị ghọta.

Daniẹlụ 9:21

hụn ahụn m rịkwọ e mẹ ekpere, Gebrẹlụ, okẹnnyẹ ahụn m hụn imẹ ọhụn m isi ibuzọ nọ pụha ọpụha a tụ egun; ibẹka ogẹn wẹ gi a chụn ẹjan ẹnyasị k'o gi pụha.

Luku 1:64

Ya kẹ ọnụ Zẹkaraya nọ shịapụ idẹnmuzi, ire ẹ a tọpụ, ọ nọ kumẹ oku, jama Osolobuẹ mma.

Luku 21:15

Makẹni m sikọ d'e ye ụnụ amamihiẹn lẹ oku-ọnụ hụn ndị ikpe ụnụ jẹnkọlẹni d'a saẹka shịarị mọbụ papụ.

Jọnụ 20:28

Tamọsị nọ za a, sị, “Di-nwọnni m lẹ Chuku m!”

Joshụa 5:14

Ọ nọ sị, “Onwọnni azụụn m rị. Mmẹ wụ ọkị-agha ndị-agha Osolobuẹ; a bịagụọ m nwan!” Joshụa nọ gbu osekpu, bu ihun kpumẹ alị, ye ẹ ọghọ, sị a, “Diọkpa, k'ị sị odibo i mẹ?”

Rẹvẹleshọnụ 1:13

hụnzị onyẹ nọ kẹ Nwa nke Ịhịan etintinnaị obu-ukpẹ ẹsanị. O yi ẹwuru tueru alị, gi nfifie-goru kẹnhunmẹ obi.

Ndị Han Eṅẹn 13:8

Manụa nọ mẹ ekpere rịọ Osolobuẹ, sị, “Osolobuẹ, dodo, mẹ okẹnnyẹ hụ i zihẹ nọ bịazị d'e kunrun ẹnyi, kẹni ọ zin ẹnyi kẹ ẹnyi e dọn zụn nwata hụ wẹ sikọ d'a mụ.”

Ndị Han Eṅẹn 6:13

Gidiọnụ nọ sị a, “Diọkpa, omẹni Osolobuẹ nọyeni ẹnyi anọyeni, kị haịn nwan ihiẹnni ile gi rị e mẹ ẹnyi? Elebe kẹ ọrụn-atụmẹnya a ile rị — hụn ndị nẹdi ẹnyi wẹ kọnị ẹnyi ogẹn wẹ gi sị, ‘Osolobuẹ gha alị Ijiptu wepụha ẹnyi?’ Bụ Osolobuẹ a lagụọ nwan ẹnyi tọ, we ẹnyi che ẹka ndị Midianị.”

Ndị Han Eṅẹn 6:15

Gidiọnụ nọ sị a, “Di-nwọnni ẹnyi, nanị m'a dọn saẹka gbapụha ndị Izrẹlụ?! E lee ikpụlọ ẹnyi, ẹnyi kachanrịn alụlụa imẹ ebọn Manasẹ! E lee mmẹ nwẹn, mmẹ kachanrịn ntịn iwe nẹdi m.”