Daniẹlụ 10:1 - Ika

¹ Nke ahụa ẹtọ Saịrọsị wụ eze Pẹshịa kịma, o nwọn ihiẹn Osolobuẹ ghọsị Daniẹlụ. W'a kpọzị Daniẹlụ Bẹlụtẹshaza. Ihiẹn ọ ghọsị Daniẹlụ wụ ezioku, oku okẹn agha rọ. Imẹ ọhụn kẹ Daniẹlụ nọ ghọta ihiẹn hụn ọ ghọsị a.

Daniẹlụ 10:1 ပူးပေါင်းရင်းမြစ်များ

Jẹnẹsisi 41:32

Ihiẹn Fẹro gi rọhụn ihiẹnni mgbe ẹbụọ wụ nị Chuku a kwademẹgụọ n'o jẹnkọ d'e mẹrịrị ihiẹnni, lẹzi ni Chuku k'e mẹ ẹ ẹgwa.

Ihiẹn Mẹni Nke Ẹbụọ 36:22

O ru ahụa Saịrọsị wụ eze Pẹshịa kịma, Osolobuẹ nọ mẹtụ Saịrọsị eze Pẹshịa ẹka obi kẹni ihiẹn Osolobuẹ gi Jerimaya ku hụn ụzọ bụn. Saịrọsị nọ zi ozi ghagbarị ebe ile ọ rị a kị, dezikwọ a, sị,

Ẹzra 3:7

Ya wẹ nọ gi egho we ndị e dọn ụlọ lẹ ndị kapịnta, gi ọka lẹ manya lẹ ofigbọn-olivu kụ ndị alị Sidọnụ lẹ alị Taya ụgwọ, wẹ nọ gha Lẹbanọnụ bu ogwe osisi sida che elu Ohimin-Mẹditeranịa buhẹni wẹ ya Jọpa hụn rị mkpẹnrẹn Ohimin hụ — makẹni Saịrọsị eze Pẹshịa a sịgụọ wẹ mẹ ẹ.

Ẹzra 4:3

Kanị, Zerubabẹlụ, Jeshụa lẹ ndị isi ọzọ hụn kịsọnmẹ ikpụlọ ndị rị Izrẹlụ nọ sị wẹ, “Onwọnni hụn biri ẹnyi lẹ ụnụ ebe ịtụnnị Chuku ẹnyi Ụlọ-nsọ rị. Ẹnyi sụọ k'a tụnnị Osolobuẹ wụ Chuku Izrẹlụ ya: ịya kẹ Saịrọsị eze Pẹshịa gwa ẹnyi.”

Ẹzra 4:5

Wẹ hụ e gi egho e ṅọnrin ịhịan d'e mẹ wẹ uke ọrọgbọ hụ ile Saịrọsị wụ eze Pẹshịa gi kị d'e ru ogẹn Dariọsụ eze Pẹshịa.

Ẹzra 6:14

Ya ndị-isi ndị Ju nọ tụnsọnmẹ Ụlọ-nsọ hụ, a gha ihun ọhụnma-ọhụnma, makẹni ndị amụma wụ Hagaị lẹ Zẹkaraya nwa Ido hụkwọ e gi oku Chuku a gba wẹ umẹ. Wẹ nọ tụnchanrịn Ụlọ-nsọ hụ kẹ Chuku Izrẹlụ dọn gwa wẹ lẹzi kẹ ndị-nze Pẹshịa wụ Saịrọsị, Dariọsụ lẹ Atazẹzẹsi dọnsọnmẹ yi uhi ẹ.

Ẹzra 6:3

Ahụa ibuzọ eze wụ Saịrọsị kịma, ọ nọ yi uhi banyeni Ụlọ Chuku rị Jerusalẹm, sị: Wẹ tụndọnzi Ụlọ-nsọ hụ n'ọ wụrụ ebe wẹ nọ a chụn ẹjan; wẹ gbe iyetọ a ebe ọ rị mbụ. Ojijẹn-elu ẹ k'a wụ ụbụkụ iri kwasị ọgụn-ẹnọ (90), ụshịa a ụbụkụ iri kwasị ọgụn-ẹnọ (90).

Azaya 44:28

Mmẹ ku oku Saịrọsị, sị, ‘Ịya wụ onyẹ e duni m anụ. O k'e mẹkwama uche m’; o k'a sị wẹ, ‘Tụndọnzi ni Jerusalẹm’, sị wẹ, ‘Gbedọnzi ni iyetọ Ụlọ-NSỌ Osolobuẹ.’ ”

Daniẹlụ 1:17

Chuku ye ikorọbịa ẹnọnị ikẹn wẹ gi a mụ ihiẹn lẹ hụn wẹ gi a ghọta ẹkụkwọ ile lẹ ihiẹn ile w'a mụ a mụ. Daniẹlụ nkẹ a ghọta ọhụn ile lẹ nrọ ile.

Daniẹlụ 1:21

Daniẹlụ nọdị ebẹhụ fe eze Babilọnụ ndị kịnị d'e ru ahụa ibuzọ eze wụ Saịrọsị kịma.

Daniẹlụ 1:7

Onyẹ-isi ndị ọrụn Nebukadineza hụ nọ gụn onyẹ-onyẹ imẹ wẹ ẹfan ọzọ: ẹfan ọ gụn Daniẹlụ wụ “Bẹlụtẹshaza”, gụn Hanania “Shẹdrakị”, gụn Mishẹlụ “Mishakị”, gụn Azaria “Abẹdnego”.

Daniẹlụ 10:14

M bịa nwan d'a gwa ị ihiẹn k'e mẹ ndị nke i ihun, makẹni ogẹn ihiẹn ị hụn imẹ ọhụnnị e gi mẹ eke ru.”

Daniẹlụ 11:2

“Nị m mẹ i nwan marịn ezioku: “Eze ẹtọ k'a pụhazị imẹ alị-eze Pẹshịa, nke ẹnọ hụn k'a pụhanị k'a kachanrịn ọdanfịn e hi. O gigụ akụ-lẹ-ụba a werichanrịn ọkịkị, o mẹ ịhịan ile d'e bunụmanị alị-eze ndị Griki.

Daniẹlụ 12:4

“Kanị, ịyụ nwẹn wụ Daniẹlụ, kpumẹgụ oku ndị rị imẹ ẹkụkwọ hụ d'e ru ogẹn njẹndemẹ. Ndị bu ọda k'a gha e jẹnhunmẹ kẹni wẹ marịnwaye ihiẹn.”

Daniẹlụ 12:9

Ọ nọ sị m, “E jẹn nke i, Daniẹlụ, ni ihiẹn wẹ kpumẹ ekpumẹ kẹ oku ndị ahụn k'a wụsọnmẹ d'e ru ogẹn ikpanzụụn.

Daniẹlụ 2:21

Ịya e hutọ ogẹn lẹ mgbe ihiẹn gi e mẹ; ịya e tumẹ ndị-nze, a chụpụzịkwọ ndị-nze. Ịya e ye onyẹ nwọn uche amamihiẹn, e ye onyẹ marịn ihiẹn nghọta.

Daniẹlụ 4:8

O mẹgụ, Daniẹlụ nọ bịa ihun m — Daniẹlụ hụn ẹnyi gụn Bẹlụtẹshaza, ẹfan mmọn m; Daniẹlụ hụn mmọn rị nsọ rị imẹ ẹ. Ya kẹ m nọ ziẹnn'ẹ nrọ hụ.

Daniẹlụ 5:12

Wẹ hụn a nị okẹnnyẹni wụ Daniẹlụ, hụn eze kpọ Bẹlụtẹshaza, e nwọnkẹ uche, amamihiẹn lẹ nghọta; ọ sazị ẹka a kọwa nrọ lẹ ilu, a marịn ihiẹn a fụ ọrụn ọmarịn. Kpọ a nwan, o k'a kọwan'ị ihiẹn ahụn wẹ de.”

Daniẹlụ 5:17

Ya Daniẹlụ nọ sị eze, “Dọnmẹrin ihiẹn ị chọ n'i ye m; we ihiẹn ị chọ n'i gi kụ m ụgwọ ye onyẹ ọzọ. K'osilẹrị, m k'a gụnnị eze ihiẹn hụ, kọwan'a ya.

Daniẹlụ 6:28

Ẹrịra kẹ ihiẹn dọn ghanị Daniẹlụ ogẹn Dariọsụ lẹ Saịrọsị gisọnmẹ kị alị-eze Pẹshịa.

Daniẹlụ 8:16

M nọ nụ olu okẹnnyẹ rị a gha Ote-mirin Ulaị a hị, “Gebrẹlụ, gwa okẹnnyẹ hụ ihiẹn ọhụn ahụn wụ.”

Daniẹlụ 8:26

“Ọhụn gbashịarịnị ẹjan w'a chụn ẹnyasị lẹ ụtụntụn wụ ezioku, ka zuemẹgụ ọhụn ahụn, makẹni ihiẹn jẹnkọ d'e mẹ ihun-ihun rọ.”

Luku 1:20

Gọn ntịn: ị jẹnkọ nwan d'e họnrin odin. Y'a sakọzị ẹka ku oku d'e ru ụhụọhịn ihiẹn m ku e gi bụn, makẹni y'e gini oku m dọn, oku hụn k'e mẹzurịrị ogẹn ẹ ru.”

Rẹvẹleshọnụ 19:9

Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”