Azaya 9:3 - Ika

³ I k'e mẹ alị Izrẹlụ ba ụba, mẹ ịghọghọ wẹ waye; wẹ k'a rị a ghọghọ ihun i kẹ ịhịan a ghọghọ wẹ gha e we ihiẹn-ugbo, kẹ w'a ghọghọ wẹ gha e keri ihiẹn wẹ gbukwarị imẹ agha.

Azaya 9:3 ပူးပေါင်းရင်းမြစ်များ

Nehemiah 9:23

“Ị nọ mẹ ụmụ wẹ ba ụba, e bu wẹ ọda nọkẹ kokisẹ rị elu-igwere, wẹhẹ wẹ imẹ alị hụn ị gwa ndị mụnị wẹ banye d'e weri.

Jobu 12:23

O mẹ alị a wụrụ okẹn alị, e tikpọzịkwọ alị; o mẹ alị a ba ụba, a kpayịyazịkwọ wẹ.

Ẹbụ-ọma 107:38

Ọ gọzi wẹ, a mụba wẹ; ọ nịnị igwe efin wẹ belụa.

Ẹbụ-ọma 119:162

Ihiẹn i ku e mẹ m a ghọghọ nọkẹ onyẹ hụn okẹn akụ-lẹ-ụba o k'a kwarị.

Ẹbụ-ọma 4:7

Kanị y'e hugụọ ịghọghọ jun m obi karị ịghọghọ ọka lẹ manya wẹ bu ọda e ye wẹ.

Azaya 10:26

Osolobuẹ Hụn nwọn ikẹn ile jẹnkọ d'a fịan wẹ mkpịnsịn k'o dọn fịantu ndị Midianị ebẹhụ Ọmụma-Orẹbụ rị; o k'e bu ọkpọ a zinmẹ mirin rịsọnmẹ Asiria mẹ wẹ ihiẹn o mẹ mirin rị Ijiptu.

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 14:5

Osolobuẹ a kpagigụọ ẹgbe ndị eje-ịhịan, ọkpọ ndị-ọkịkị,

Azaya 25:9

Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 26:15

Euu Osolobuẹ, y'e mẹgụọ alị Juda ba ụba — y'e weshịagụọ alịnị. Y'e gigụọ a nwọnrin ọghọ — y'e wezụkagụọ okẹn ẹ ile.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 35:2

O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi.

Azaya 54:1

Ịyụ wụ agan, bụma ẹbụ — ịyụ hụn mụtulẹni nwa! Bụma ẹbụ, yimẹ oro ịghọghọ, ịyụ hụn imẹ mẹtulẹni! Makẹni, ụmụ okpoho nwẹn wẹ latọ jẹnkọ nwan d'e bu ọda karị nke okpoho ya lẹ di ẹ rịchanrịn. Ya kẹ Osolobuẹ ku.

Azaya 55:12

Ịghọghọ kẹ y'e gi pụ, udọn kẹ w'e gi dupụha ị; ugu lẹ òke hụn ị a bụma wẹ ẹbụ; osisi ile rị ọfịa k'a hụn ị kpọma ẹka.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 61:7

Ndị nke m e nwọnrin ọghọ nwọncheni ẹlẹzi ifẹnrẹn, ukuu wẹ e ye wẹ ịghọghọ; ẹlẹzi ịfa, ukuu ụnụ a ba ụba ọhụnma-ọhụnma, ịghọghọ itẹbitẹ a wụrụ nke wẹ.

Azaya 65:14

Lee n'ẹ, idibo m k'a bụ ẹbụ-ịghọghọ makẹni obi rị a sụọ wẹ ụsụọ, Kanị ụnụ k'a gha e yi oro makẹni elu rị a fụ ụnụ; ụnụ k'a rị e goo yeni obi rị a gbawanị ụnụ.

Azaya 65:18

Ka ghọghọma nị jẹnrin ejẹn, nwọnsọnmẹ anwịnrịn, makẹ ihiẹn m jẹnkọ d'e ke! Lee n'ẹ, m'e d'e ke Jerusalẹm n'ọ wụrụ ihiẹn ịghọghọ, ndị Jerusalẹm a wụrụ ndị wẹ gi a ghọghọ.

Azaya 66:10

Du ni nwan Jerusalẹm ghọghọ; gi ni ufiri ẹ nwọnmẹ anwịnrịn — ụnụ ile ihiẹn ẹ a sụọ! Du n'ẹ ghọghọ ọhụnma-ọhụnma ụnụ ndị rị a kwann'a ẹkwan.

Jerimaya 31:7

Osolobuẹ sịzị, “Bụnị nị Jekọpụ ẹbụ ịghọghọ; yini ni alịnị ka alị ndị-ọzọ ile oro ịghọghọ. Weshi ni olu elu ye ekele, a sị, ‘Euu, Osolobuẹ, dodo zụọpụha ndị nke i, ndị Izrẹlụ họdụnị.’

Hosia 4:7

Kẹ ndị nchụn-ẹjan dọn rị a bawaye kẹ wẹ dọn rị e mẹwaye ihiẹn rịlẹni mma ẹnya m; e gigụọ wẹ ihiẹn-ifẹnrẹn nọkin ẹnya ọghọ wẹ.

Lẹvitikọsụ 26:13

Mmẹ wụ Osolobuẹ, Chuku ụnụ, hụn gha Ijiptu wepụha ụnụ makẹ ụnụ ghazị e wụ igbọn ndị Ijiptu; mmẹ tigipụ ẹgan wẹ kpọma ụnụ olu kẹni ụnụ hụn ụzọ gha imẹ ụya pụ.

Zẹkaraya 10:8

M k'e gi ọfịfị welụa wẹ, makẹni a gbarịgụọ m wẹ; wẹ k'e buzi ọda kẹ wẹ bu mbụ.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Zẹkaraya 8:23

Osolobuẹ ihiẹn ile rị okpuru ẹ sị: “O ru ogẹn hụ, ikẹnnyẹ iri ndị alị ọzọ, ndị a sụ asụsụ ọzọ, k'a dọdọn akpụ onyẹ Ju ohu ẹwuru, a rịọ a, ‘Dodo, nị ẹnyi sọn i la, nị ẹnyi a nụọlẹ nị Chuku rị azụụn nke ụnụ!’ ”

Luku 11:22

Kanị, onyẹ ka a ikẹn maye ẹ ọgụn, mẹri ẹ, ọ napụchanrịn a ihiẹn ọgụn ile o gi dọn ẹnya, buru ihiẹn ẹ ile keyịya.

Ọrụn Ndị-ozi 8:8

okẹn ịghọghọ e jun obodo hụ.

Ndị Filipi 4:4

A ghọghọ nị imẹ Di-nwọnni-ẹnyi ogẹn ile! E kuzi m'ẹ: a ghọghọ nị!

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Ndị Han Eṅẹn 5:3

Ụnụ ndị-nze, nụ nị ọnwan! Ụnụ ndị-ọkịkị, gọn ni ntịn! M k'a bụnị Osolobuẹ ẹbụ; ẹghẹẹ, m k'a bụ ẹbụ; m k'a kụnị Osolobuẹ egu, Osolobuẹ, Chuku Izrẹlụ.

Ndị Han Eṅẹn 7:22

Ogẹn opi ọgụn mmisẹn hụ gi han, Osolobuẹ nọ nu ndị-agha Midianị ile, wẹ nọ gi ọpịa-agha gbumẹ ibe wẹ. Ndị họdụ imẹ wẹ nọ gbashi Bẹt-Shita, ibẹka Zẹrera d'e rukwọrị ebe Ebẹlụ-Mehola ru, ẹhụ Tabatị.

Ndị Han Eṅẹn 8:12

Zẹba lẹ Zal'muna, ndị-nze Midianị, e te gbamaọlẹ ọsọ, kanị ọ nọ chụ wẹ, nwụndọn wẹ, chụzịza ndị agha hụ ile.

Samuẹlụ Nke Ibuzọ 30:16

Ya ọ nọ wejẹn Defidi ebe wẹ rị: e lee wẹ kẹ wẹ rujun ụzọ ile azụụn wẹ nọ a rụn ugbo, e ri, a ra, ẹhụ hụ a tụ wẹ makẹ okẹn-ihiẹn wẹ kwarị imẹ alị ndị Filistia lẹ imẹ Juda.