Azaya 9:2 - Ika

² ndị hụn rị a gha imẹ ishi k'a hụn okẹn ukpẹ; ukpẹ k'e nwunkpu ndị bi alị onyinyọn ọnwụn.

Azaya 9:2 ပူးပေါင်းရင်းမြစ်များ

Jobu 10:21

m gini d'a lashi ebe wẹ ghalẹni e jẹn a lụa, alị ẹkpa-ishi, gbagbu enwẹn ẹ ishi,

Ẹbụ-ọma 107:10

O nwọnghọ ndị te rị imẹ ishi lẹ ụya, ndị rị imẹ afụnfụn lẹ ẹgan,

Ẹbụ-ọma 107:14

ọ wepụha wẹ imẹ ishi lẹ ụya ahụn wẹ rị, tibepụchanrịn ẹgan wẹ.

Ẹbụ-ọma 23:4

Ọsụọn'a nị m ghakọ imẹ ọdanmgbugbu ẹkpa-ishi lẹ ụya, egun eje-ihiẹn atụkọ m, makẹni mmẹ lẹ yụ wị; mkpịnsịn ị lẹ ọkpọ ị a rọkọ m obi.

Ẹbụ-ọma 4:8

M k'e dinẹ, ranhịn, onwọnni ihiẹn k'e mẹni m, makẹni ịyụ wụ Osolobuẹ sụọ e dọnmẹ m.

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 60:19

Ụnụ egikọzị ẹnyanwụn legha ụzọ ogẹn efinaị; mọbụ gi ifọn legha ụzọ imẹ uhinhin. Mba. Osolobuẹ lẹ enwẹn ẹ k'a wụrụnị ụnụ ukpẹ jẹnrin-ejẹn; Chuku ụnụ k'a wụ ọghọ ụnụ.

Azaya 9:1

Kanị, ụya eriferikọ ndị ụya te rị e ri. Osolobuẹ e welụaghọ alị Zẹbulọnụ lẹ alị Naf'tali alị mbụ, kanị ihun, o sikọ d'e ye uwẹ wụ Galili ọghọ — Galili hụn ndị alị ọzọ jun, hụn rị ụzọ Ohimin, obodo hụ rị mkpẹnrẹn Iyi Jọdanị —

Emọsụ 5:8

Onyẹ hụn ke kokisẹ rị igwere, hụn wụ Pleyadẹsi lẹ Oriọnụ; ịya e gi mkpọkịkị e họnrin ụtụntụn, e gi efinnaị e họnrin abalị. Ịya a hị mirin rị ohimin oku, we ẹ hukpu akpak'alị!! Osolobuẹ wụ ẹfan a!!

Matiu 4:16

Ndị bi imẹ ishi a hụnọlẹ okẹn ukpẹ; ukpẹ e nwunmẹgụọnị ndị bi ebe ọnwụn nọ a kpọ wẹ ihun.”

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Jọnụ 12:35

Jesu nọ sị wẹ, “Ukpẹ jẹnkọ d'e sọnzi ụnụ nọdị ẹkẹrẹ sụọ. A ghahunmẹ ni nwan hụnnị ụnụ nwọn ukpẹ, amamgbe ọhịhị a gbakunrun ụnụ idẹnmuzi, makẹni onyẹ ghakọ imẹ ishi amarịn ebe o jẹnkọ.

Jọnụ 12:46

M bịa imẹ ụwa d'a wụ ukpẹ kẹni, onyẹ kwerinini m, ọ rịkọ imẹ ishi.

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Ndị Han Eṅẹn 5:30

‘E mẹrigụọnị wẹ kwarị ihiẹn keri?! Ikẹnkwọ wẹ rị e keri ihiẹn wẹ kwarị — onyẹ-agha ọwụlẹ ịgbagba ohu-ohu mọbụ ẹbụọ-ẹbụọ; nke Sisẹra k'a wụrịrị ẹkwa ọma nụ, ẹkwa ndị wẹ kpayesọnmẹ ihiẹn-mma — ẹkwa ndị wẹ kpayesọnmẹ ihiẹn-mma ọda-ọda hụn m k'a tụ ye olu m! Ẹlẹẹ hụnnị ile kẹ wẹ jẹnkọ d'e kpọnlụa agha?’