Azaya 9:19 - Ika

¹⁹ Ọnụma Osolobuẹ ihiẹn ile rị okpuru ẹ e mẹgụọ alịnị kpọpụ nkụn, ndị alịnị e họnrin nkụn; onwọnni onyẹ e dọnmẹ ibe ẹ ndụn.

Azaya 9:19 ပူးပေါင်းရင်းမြစ်များ

Azaya 1:31

Ndị wụ dikẹn k'a rị kẹ ẹfịfịa-ọkpọnkụn, ihiẹn wẹ mẹ e họnrin ihiẹn wẹ gi mụye ẹ ọkụn; ọkụn k'a dụn wẹ ẹbụbụọ, onwọnni onyẹ k'e tinyụnn'a.

Azaya 10:6

M zi ẹ d'e mẹshi alị rịlẹni e fe m ikẹn, m tumẹ ẹ d'e mẹ alị kpasu m iwe ihiẹn — ya d'a napụ wẹ ihiẹn wẹ, kwanarịn wẹ ya; zọgbu wẹ kẹ w'a zọgbu ẹjan rị ọkpụzọ.

Azaya 13:13

M sikọ nwan d'e mẹhunmẹ elu-igwere, ụwa nkẹ e zinzinru alị yeni ọnụma Osolobuẹ ihiẹn ile rị okpuru ẹ, ụhụọhịn ahụn olulu ẹ k'a dụn kẹ ọkụn.

Azaya 13:18

Ụta wẹ k'e gbu ikorọbịa; emẹkọ wẹ omikẹn mmụ-ẹka, emẹkọ wẹ omikẹn ụmụ-ndu.

Azaya 13:9

Lee ẹ, Ụhụọhịn Osolobuẹ lala — ụhụọkịn jọgbu enwẹn ẹ, ụhụọkịn hụn ọnụma lẹ olulu k'a kpọ — hụn k'e mẹ alịnị gba okpokoro, tikpọ ndị-njọ rịn'a.

Azaya 24:6

Ya kẹ abụmọnụ gi e ripụ elu-ụwa, ndị rịn'a k'e gi isi wẹ buru eje-ihiẹn wẹ mẹ. Ya haịn ọkụn gi dụnpụ ndị rị elu-ụwa, ndị họdụnị e hizini kaka.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 3:5

Ịhịan k'a rị e mẹja ibe wẹ: okẹnnyẹ hụ e mẹja okẹnnyẹ ibe ẹ, onyẹ ọwụlẹ hụ e mẹja ibe ẹ. Ikoro k'a kpari ndị ẹgẹdi, ndị mmaka a kpari ndị w'a gbaye.

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 4:4

Makẹni, ogẹn ahụn, Osolobuẹ k'a chanchanpụchanrịn ụrụ ikpoho Zayọnụ; o k'e ye wẹ afụnfụn, mẹ wẹ ihiẹn ọkụn e mẹ, gi ẹ finchanpụ Jerusalẹm ẹdeke rịn'a.

Azaya 42:25

Ya ọ nọ gi eje-olulu ẹ sọn wẹ, gi agha lẹ ogbugbu lẹ ntikpọ rịn'a sọn wẹ; agha nọ kpumẹ wẹ lekẹ ọkụn rị e nwunni — aghọtakwọnị wẹ; agha e bu wẹ ri kẹ ọkụn, egizikwọnị w'a dọn.

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Azaya 60:2

Lee ẹ, ụwa ile a gbagụọ ishi; ẹkpa-ishi e kpumẹgụọ alị ndị ọzọ ile — kanị, Osolobuẹ a pụhaọlẹ imẹ i, Jerusalẹm, ọghọ a a pụhagụọ d'e kpuru ụnụ ndị Jerusalẹm.

Azaya 8:22

Wẹ lee ẹnya alị, a hụn wẹ nsọngbu lẹ ishi lẹ eje-ụya sụọ — a tụ wẹ wẹ ye imẹ ụya hụ.

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Izikẹlụ 20:47

Sị ẹgboko rị Nẹgẹvụ, ‘Gọn ntịn ihiẹn Osolobuẹ ku! Osolobuẹ Nwọn Ihiẹn Ile sị, M'e d'e bi ọkụn ye i, o k'a dụnpụchanrịn osisi ile rị imẹ i, kẹ ndị rị ndụn kẹ ndị kpọ nkụn. Okẹn ọkụn ahụn anịkọ wẹ tinyụn. O k'a mara ihun ndị ile rị gha ẹbamịn ndịdan ebẹhụ d'e rukwọrị ẹbamịn-ugu.

Izikẹlụ 9:5

A nụ m kẹ Osolobuẹ sị ikẹnnyẹ ndị hụ họdụnị, “Sọnrinn'ẹ ghasọnmẹ obodoni ile kẹni ụnụ gbu. Gbu ni onyẹ ọwụlẹ o yelẹni ahịma ezimezi ihun. Elekwọlẹ ni wẹ ẹnya ihun; emẹlẹ ni omikẹn wẹ;

Juwẹlụ 2:2

Ọhịhị k'a gba ụhụọhịn ahụn, eki e fọnpụkọ; okẹn mirin k'e ru, igwere e gitọ ụhụọhịn ahụn Igunrun ndị-agha bugbu enwẹn ẹ ọda k'a pụha elu ugu ndịnị, ụdị hụn rịtulẹni; ụdị hụn jẹnkọlẹni d'a rịzị.

Juwẹlụ 2:3

Ihun wẹ, ọkụn hụ e bu e ri, azụụn wẹ, ọkụn hụzị e nwun. Nị wẹ d'a bịa, alị mẹ wokowoko nọkẹ ugbo ahụn rị alị Idẹni, wẹ ghafegụ, o họnrin atụ, ugbo wẹ yi ọkụn; onwọnni akpụ ihiẹn ohu w'a latọ.

Lẹvitikọsụ 26:26

Ogẹn m'e gi gbukin ụzọ ụnụ gha e nwọnhẹn ihiẹn-oriri, ikpoho iri sikọ d'e gi ite ohu sụọ shi ihiẹn-oriri ụnụ ile k'e ri. Wẹ k'a ghadẹ e keye ịhịan ya ẹkẹrẹ-ẹkẹrẹ; ụnụ k'e ri, ẹfọ ejunkọ ụnụ.

Emọsụ 5:18

Nsọngbu rị e che ụnụ ndị rị a sị ụhụọhịn Osolobuẹ ya bịakẹnrin! Kị ụnụ rịdẹ a chọnị n'ọ bịakẹnrin? Ọbịbịa a k'e wẹhẹkwọ ishi, ẹlẹkwọ ukpẹ!

Obadaya 1:18

Ikpụlọ Jekọpụ jẹnkọ wụ ọkụn; ẹghẹẹ, Ikpụlọ Josẹfụ k'a wụ ọkụn rị enwunni, ikpụlọ Isọ wụ Ẹdọm a wụrụ ẹfịfịa ọkpọ-nkụn; wẹ k'a dụnpụ ụmụ Isọ, onwọnni onyẹ k'a họdụ ikpụlọ Isọ.” Osolobuẹ e kuọl'a.

Maịka 7:2

Ndị e mẹ uche Osolobuẹ arịzị alịnị; onwọnzini onyẹ kụrụ ọtọ. Onyẹ ọwụlẹ hụ e che n'o gbu ibe ẹ; onyẹ-onyẹ hụ e shitọnị ibe ẹ ọnyan.

Maịka 7:6

Makẹni, okẹnnyẹ rị nwan e legberi nẹdi ẹ; okpoho rị e bu a nụmanị nnẹ mụn'a; nwunyẹ-nwa rị e bu a nụmanị nnẹ-di ẹ; ndị rị ikpụlọ ịhịan wụ nwan ndị iṅẹnrẹn ẹ.

Zẹkaraya 11:6

“M gi ẹ e ku ni emẹkọzị m omikẹn ndị alịnị! M k'e mẹ onyẹ-onyẹ kpaban ibe ẹ ẹka, mẹ onyẹ ọwụlẹ kpaban eze ẹ ẹka. Wẹ k'e wiwi alịnị, agbapụhakọ m'a ẹka wẹ. Ya kẹ Osolobuẹ ku.”

Zẹkaraya 11:9

M nọ sị atụnrụn ndị ahụn, “Edukọzị m ụnụ. Hụn chọ n'ọ nwụn y'a nwụn; hụn wẹ k'e gbu, wẹ gbu; ndị họdụnị wẹ bu ibe wẹ ri!”

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Matiu 27:45

Efinnaị hụ, ọkịkị nọ gba alị hụ ile gha ọkụrọkụ mmẹbụọ ẹnya anwụn gi a rị isi d'e ru ọkụrọkụ ẹtọ.

Ọrụn Ndị-ozi 2:20

Ẹnyanwụn jẹnkọ d'a gba ishi, ifọn e nwunmẹ ẹdeke-ẹdeke, Ụhụọhịn Di-nwọnni-ẹnyi kebe ru, okẹn ụhụọhịn ahụn pụ ichẹn.

Pita Nke Ẹbụọ 2:4

Ebe o mẹ ni Osolobuẹ ahatuni ndị mmọn-ozi ahụn ogẹn wẹ gi mẹ njọ, kama, ọ tụ wẹ ye ọkụn-mmọn, kpọma wẹ tọ mgbugbu rịsọnmẹ imẹ ishi ka ishi d'e ru Ụhụọhịn okinkin-ikpe;