Azaya 9:13 - Ika

¹³ Kanị ehutọnị wẹ nwan buru Osolobuẹ hụn fịan wẹ ihiẹn, arịọnị wẹ Osolobuẹ, Onyẹ-nwọn ikẹn ile.

Azaya 9:13 ပူးပေါင်းရင်းမြစ်များ

Ihiẹn Mẹni Nke Ẹbụọ 28:22

Kẹ Ahazị rị imẹ nsọngbu k'ọ kadẹ Osolobuẹ a latọ.

Jobu 36:13

Ndị ghalẹni a tụ egun Osolobuẹ e bu iwe obi; Chuku kẹnmẹdẹ wẹ, arịọkọ wẹ Chuku.

Azaya 1:5

Kị wẹ k'e gbumẹzini ụnụ ili? Kị ụnụ tọnị e nupụ isi? A rụgụọ wẹ ụnụ ẹhụ isi ile, onwọnzini akpụ obi ohu ndụn rị.

Azaya 19:15

Onwọnni ihiẹn Ijiptu k'a saẹka mẹ — kẹ isi kẹ ọdụndụn, kẹ iguru kẹ ẹfịfịa ridi.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 57:17

Iwe te we m makẹ njọ ẹnya-uku ẹ, e ye m'ẹ afụnfụn, gi olulu bupụ ihun, kanị ọ tọkwọ isi-ikẹn e bu.

Azaya 7:20

Ogẹn ahụn, Osolobuẹ jẹnkọ d'a gha alị rị nfetu Iyi Yufretisi wẹhẹ ẹbeke-isi, hụn wụ eze Asiria, gi ẹ kọpụchanrịn ịhịan ntutu lẹ ẹṅẹnrẹn-ụkụ, gizi ẹ kpụnpụ ịhịan ẹtu.

Jerimaya 15:7

M k'a fụchan ndịnị kẹ ọka, imẹ obodo ile rị alịnị. M k'e gbunarịnsọnmẹ ndị nke m ịhịan, tikpọ wẹ, makẹni alatọnị wẹ eje-omumẹ wẹ.

Jerimaya 29:11

Makẹni, a marịnghọ m ihiẹn m bu obi banyeni ụnụ: ihiẹn rị mma rọ, ẹlẹ eje-ihiẹn, k'o dọn rịnị ụnụ mma ihun, kẹ ụnụ a dọn nwọn olilẹnya. Ya kẹ Osolobuẹ ku.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Izikẹlụ 22:24

“Nwa-ịhịan, sị alị hụ, ‘Alị rụnị wẹ dọnzilẹni k'ị wụ, alị mirin rịlẹni e zueye, makẹni ọnụma m e kunrungụọ a.’

Izikẹlụ 24:13

“ ‘Ẹnwụnrụn ị tụ wụ eje-obibi i. Ebe o mẹni a chanchangụọ m'ị, kanị unyin i apụnị, y'e nwunchankọzị d'e ru n'e mẹgụ m'ị ihiẹn kẹ olulu m han.

Daniẹlụ 9:13

Kẹ wẹ dọnhụ de ẹ imẹ Iwu Mozizi, ẹrịra kẹ okẹn ihiẹnni ile dọn nwan mẹ ẹnyi, bụ ẹnyi eke mẹkwọ ihiẹn yụ wụ Osolobuẹ Chuku ẹnyi e gi mẹyeni ẹnyi — hụn wụ ịlatọ njọ ẹnyi lẹ igọn ezioku i ntịn.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Hosia 7:10

Mpache Izrẹlụ rị ihun wẹ a shịagbu wẹ ẹri, kanị ekinhẹnkwọnị wẹ nwan buru Osolobuẹ, Chuku wẹ; egikwọnị w'a chọma ihun ẹ.

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Emọsụ 4:10

“E mẹ m ụnụ ihiẹn kẹ m dọn mẹ ndị Ijiptu; e gi m agha lẹ ọpịa-agha gbu ikorọbịa ụnụ; a napụ m ụnụ ẹshin ndị ahụn m napụ ụnụ; e mẹ m ishin ozun jun ebe ụnụ bi. Kanị, ụnụ egikwọn'a rogharị d'e kunrun m; Ya kẹ Osolobuẹ ku.

Emọsụ 4:6

“Mmẹ haịn ụnụ gilẹni a hụn e ri imẹ obodo ụnụ ile, lẹ ebe ile rị alị ụnụ, kanị ụnụ e gin'ẹ rogharị d'e kunrun m.” Ya kẹ Osolobuẹ ku.

Zẹfanaya 1:6

uwẹ lẹ ndị hụ ghazịlẹni e sọn Osolobuẹ — ndị ghazịlẹni a nọkunmẹ ẹ mọbụ a jụ a uche ẹ.”

Ditrọnọmi 4:29

Kanị, ụnụ nọ ebẹhụ chọ Osolobuẹ wụ Chuku ụnụ, ụnụ sikọ d'a hụn a, omẹni ụnụ e gighọ obi ụnụ ile lẹ umẹ-ndụn ụnụ ile chọ a.