Azaya 9:12 - Ika

¹² Ndị Aram gha ibe ọwụwa-ẹnyanwụn bịa lẹ ndị Filistia gha ndịdan-ẹnyanwụn bịa a shịapụchanrịngụọ ọnụ ripụ Izrẹlụ. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:12 ပူးပေါင်းရင်းမြစ်များ

Ndị-nze Nke Ẹbụọ 16:6

Ogẹn ahụn kẹ Rẹzini wụ eze ndị Aram gi chụpụ ndị Juda gi obodo Ẹlatị alị Ẹdọm, ọ banzị ẹka ndị Aram, ndị Ẹdọm nọ kwaban Ẹlatị, biri ebẹhụ d'e ru tannị.

Ihiẹn Mẹni Nke Ẹbụọ 28:18

Ndị Filistia nkẹ a lụsọngụọ ndị Juda bisọnmẹ ukun ugu lẹ ibe alị-ọkpọnkụn Nẹgẹvụ rị Juda agha. E werigụọ wẹ obodo Bẹt-Shẹmẹshi, Aịjalọnụ lẹ Gẹdẹrọtụ biri, werizikwọ Sọkọ lẹ Timna lẹ Gimzo lẹ mmụ alị fihunmẹni wẹ biri.

Ẹbụ-ọma 79:7

makẹni, e gbugụọ wẹ ndị nke i, ndị Izrẹlụ, ebọn Jekọpụ; e tikpọgụọ wẹ ebe wẹ bi la iwi!

Azaya 10:4

Onwọnzini ihiẹn k'a họdụnị ụnụ wezụka ịma-piripiri imẹ ndị wẹ kpụnshikọ alị ọzọ, mọbụ ịrị imẹ ndị wẹ gbu. Kanị, ihiẹnni ile arọkwọnị Osolobuẹ olulu, o wetukwọnị ẹka o gi rị e mẹshi ndị nke ẹ ikẹn.

Azaya 11:14

Wẹ ẹbụbụọ k'a wị maye ndị Filistia ndị bi mkpọtu òke ẹbamịn Ọdịdan-ẹnyanwụn, wịzị d'a maye ndị rị nkọ ọwụwa-ẹnyanwụn, kwarị ihiẹn wẹ. Wẹ k'e mẹ Ẹdọm lẹ Mụabụ ihiẹn; ndị Amọnụ k'a rị okpuru wẹ.

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:21

Manasẹ e ri Ifrem, Ifrem e ri Manasẹ; wẹ ẹbụọ e bunụmanị Juda. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 10:25

Gi ọnụma ị sọn alị ndị ahụn ghalẹni e fe i, ndị ahụn ghalẹni a kpọku ẹfan ị. Makẹni e gbuchanrịngụọ wẹ ebọn Jekọpụ; e gbuchanrịngụọ wẹ wẹ, tikpọchanrịn alị a.

Jerimaya 15:7

M k'a fụchan ndịnị kẹ ọka, imẹ obodo ile rị alịnị. M k'e gbunarịnsọnmẹ ndị nke m ịhịan, tikpọ wẹ, makẹni alatọnị wẹ eje-omumẹ wẹ.

Jerimaya 35:11

Kanị, hụnnị eze Babilọnụ wụ Nebukadineza bịa nwan d'a lụsọn alị Juda agha, ẹnyi nọ sị, ‘Nị ẹnyi gwẹrụ (gwarị) kwashi Jerusalẹm d'a nọdị, kẹni ẹnyi hụn isi wanahịn ndị Babilọnụ lẹ ndị-agha alị Aram.’ Ya haịn ẹnyi gi nwan rị Jerusalẹm.”

Jerimaya 4:8

Yiri ni nwan ẹkwa-achọ kwanma ụya, a kwan nị, e goo ni, makẹni okẹn olulu Osolobuẹ gi e sọn ẹnyi eke rọ.

Izikẹlụ 16:27

Ya haịn m gi nwan setịnpụ ẹka mẹ i ihiẹn, tikpọ alị ị, belụa ihiẹn i, we i che ẹka ndị iwe i e we, ndị alị Filistia hụn eje-obibi ịgbaraja ị e mẹdẹ ifẹnrẹn.

Izikẹlụ 6:14

M k'a tịnpụ ẹka, mẹshi wẹ ikẹn; e mẹ m alị wẹ gba okpokoro, la iwi, ghakwọrị atụ rị ẹbamịn ndịdan d'e ru alị Dibụla rị ẹbamịn-ugu. Ogẹn ahụn kẹ w'e gi marịn nị mmẹ wụ Osolobuẹ.’ ”

Hosia 7:10

Mpache Izrẹlụ rị ihun wẹ a shịagbu wẹ ẹri, kanị ekinhẹnkwọnị wẹ nwan buru Osolobuẹ, Chuku wẹ; egikwọnị w'a chọma ihun ẹ.

Emọsụ 4:10

“E mẹ m ụnụ ihiẹn kẹ m dọn mẹ ndị Ijiptu; e gi m agha lẹ ọpịa-agha gbu ikorọbịa ụnụ; a napụ m ụnụ ẹshin ndị ahụn m napụ ụnụ; e mẹ m ishin ozun jun ebe ụnụ bi. Kanị, ụnụ egikwọn'a rogharị d'e kunrun m; Ya kẹ Osolobuẹ ku.

Emọsụ 4:11

M nọ gi ntikpọ sọn ụnụ kẹ m dọn tikpọ Sodọm lẹ Gomora, ndị họdụnị nọ nwan rị kẹ ihiẹn wẹ lọpụha imẹ ọkụn, kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Emọsụ 4:6

“Mmẹ haịn ụnụ gilẹni a hụn e ri imẹ obodo ụnụ ile, lẹ ebe ile rị alị ụnụ, kanị ụnụ e gin'ẹ rogharị d'e kunrun m.” Ya kẹ Osolobuẹ ku.

Emọsụ 4:8

Obodo ẹbụọ mọbụ ẹtọ hụ a chọjẹn mirin obodo ohu, arị w'a hụn hụn e zuni wẹ; kanị, ụnụ egin'ẹ rogharị d'e kunrun m.” Ya kẹ Osolobuẹ ku.

Emọsụ 4:9

“E zi okẹn anwụn lẹ ndundu gi wẹ wiwipụ ugbo-nta lẹ alị vaịnị ụnụ bu ọda; e zi m igurube d'e ripụ osisi figi lẹ osisi olivu ụnụ; kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Zẹfanaya 1:6

uwẹ lẹ ndị hụ ghazịlẹni e sọn Osolobuẹ — ndị ghazịlẹni a nọkunmẹ ẹ mọbụ a jụ a uche ẹ.”

Zẹfanaya 3:2

Ara nụ ihiẹn kaka; “eze-agwalẹm” k'ọ wụ! Ara gi Osolobuẹ dọn ẹnya; ara nọkunmẹ Osolobuẹ!

Ditrọnọmi 31:17

Wẹ mẹ ẹ, m k'e gi olulu sọn wẹ, la wẹ tọ; m k'e bupụ wẹ ihun, e tikpọ wẹ wẹ. Ihiẹn-ikẹn lẹ nsọngbu ichẹn-ichẹn jẹnkọ d'a bịanị wẹ. O ru ogẹn ahụn, a jụma wẹ, ‘Osolobuẹ a lagụọnị ẹnyi tọ haịn ihiẹn-ikẹn ndịnị gi bịanị ẹnyi ra?’