Azaya 8:7 - Ika

⁷ mmẹ wụ Osolobuẹ e d'e zihẹni wẹ okẹn mirin Iyi Yufretisi eze Asiria lẹ ihiẹn ile o gi nwọn ọghọ. ‘Mirin’ hụ k'e jun, pụ ọnụ ebe ile, hughafe mkpẹnrẹn ẹ ile,

Azaya 8:7 ပူးပေါင်းရင်းမြစ်များ

Jẹnẹsisi 6:17

“Lee ẹ, m shikọ d'e zihẹ okẹn mirin imẹ ụwa, gi ẹ tikpọ ihiẹn ile e kwọnni rị okpuru igwere; ihiẹn ile rị imẹ ụwa sikọ d'a nwụnhụn.

Ndị-nze Nke Ẹbụọ 19:32

“Lee nwan ihiẹn Osolobuẹ ku banyeni eze Asiria: Ọ banhankọ imẹ obodoni mọbụ gba akpụ ọbara-ụta ohu ebeni. Ndị-agha a lẹ akpaịn wẹ anọchimẹkọ obodoni mọbụ rụn ihiẹn wẹ gi a lụsọn obodo wẹ kehunmẹ ye ẹ.

Ẹzra 4:10

lẹ ndị ọzọ hụn eze uku nwọn ọghọ wụ Ashọbanipalụ (Osinapa) chụpụsọnmẹ alị wẹ, kpụnhan wẹ ebeni d'e biri obodo Sameria lẹ ụzọ ọzọ rị nfetu Iyi-Yufretisi.

Ẹbụ-ọma 46:4

O nwọn iyi hụn mirin ẹ e mẹ wẹ a ghọghọ imẹ obodo Chuku, imẹ Ebẹhụ rị nsọ Onyẹ Kachanrịnnị bi.

Ẹbụ-ọma 72:8

Eze ya kịma ụwa ile, gha Ohimin d'e ru Ohimin, gha Iyi Yufretisi d'e ru ebe ụwa ru.

Azaya 10:16

Ufiri ẹ, Onyẹ-nwọnni-ẹnyi, hụn wụ Osolobuẹ Nwọn Ikẹn ile jẹnkọ d'e zi eje-emu e fie ịhịan ẹhụ ye imẹ igunrun ndị ahụn ile kin akwanran wẹ lẹ eze Asiria wị; ọghọ a jẹnkọ d'e nwunrun ọkụn nọkẹ ebe ọfịa rị e nwun ọkụn.

Azaya 10:5

Osolobuẹ sị, “Nsọngbu rị e che alị Asiria — hụn wụ nwan mkpịnsịn m gi rị a ghọsị olulu m, hụn bu ẹgbe m gi a ghọsị ọnụma m!

Azaya 11:15

Osolobuẹ k'e mẹ Ohimin Ufie hụn rị ẹhụ Ijiptu kọrọhị; o k'e fezikwọ ẹka a, fe ufere rị a nụ ọkụn ye elu Iyi Yufretisi, kebe ẹ ụzọ ẹsa hụn w'e gi gidẹ akpụkụ mmaka fetu ẹ.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 28:17

Ezigbo eṅẹn kẹ m k'a chọ ẹka ụnụ, ezi-omumẹ kẹ m k'a jụ ụnụ ukwere ẹ; ẹkwan-igwere k'e tikpọpụ ntụ hụ ụnụ gbaburu, mirin k'e huru ebahụn ụnụ warị.

Azaya 28:2

Lee ẹ, Di-nwọnni-ẹnyi zila dikẹn hụn ze ọda-ọda, dikẹn hụn k'a maye obodo hụ — nọkẹ ẹkwan-igwere lẹ eje-ufere e tikpọ ihiẹn, lekẹ okẹn-mirin rị e zueni, e hu ikẹn-ikẹn; o zila dikẹn hụn k'e gi ikẹn ma obodo hụ ye alị.

Azaya 43:2

Ị ghakọnị imẹ mirin, m k'a nọyeni i; ị ghakọnị imẹ iyi, erukpumekọ wẹ i; ị ghakọnị imẹ ọkụn, ọkụn erẹnkọ ị — y'a dụnkọ ọkụn,

Azaya 59:19

Ịhịan ile a gbaye Osolobuẹ — kẹ ndị rị ẹbamịn ọdịdan-ẹnyanwụn ịhịan ile e ye ẹ ọghọ — kẹ ndị rị ẹbamịn ọwụwa-ẹnyanwụn, makẹni Osolobuẹ k'a bịa nọkẹ okẹn iyi rị e huni, okẹn iyi hụn ufere Osolobuẹ buhẹ.

Azaya 7:17

“Osolobuẹ jẹnkọ d'e wẹhẹni yụ lẹ ndị nke i lẹ ikpụnọ nẹdi i ogẹn jọgbu enwẹn ẹ — ụdị wẹ hụntulẹni kete Ifrem wụ Izrẹlụ Ẹbamịn-ugu ghalẹ okpuru Juda pụ: o k'e wẹhẹ eze Asiria d'a maye ụnụ.”

Azaya 7:20

Ogẹn ahụn, Osolobuẹ jẹnkọ d'a gha alị rị nfetu Iyi Yufretisi wẹhẹ ẹbeke-isi, hụn wụ eze Asiria, gi ẹ kọpụchanrịn ịhịan ntutu lẹ ẹṅẹnrẹn-ụkụ, gizi ẹ kpụnpụ ịhịan ẹtu.

Jerimaya 47:2

Osolobuẹ sị: “Lee kẹ iyi rị alị rị ẹbamịn-ugu dọn rị e ru — Wẹ jẹnkọ d'e jun pụ ọnụ, huru — huru alị lẹ ihiẹn ile rịn'a huru obodo ndị rị alị hụ lẹ ndị bi imẹ wẹ. Ịhịan ile k'a rị e yi oro; ndị bi alị hụ k'a rị e goo,

Jerimaya 51:42

Ohimin k'e rukpumẹ Babilọnụ; okẹn ẹbiri mirin ohimin k'e rukpumẹ ẹ.

Izikẹlụ 26:19

“Osolobuẹ Nwọn Ikẹn Ile sị: ogẹn m'e gi mẹ i gba okpokoro rịkẹ alị ndị hụ ịhịan bilẹni, m k'e mẹ ohimin kpumẹ i, mẹ okẹn mirin rukpumẹchanrịn ị.

Daniẹlụ 11:10

Mmụ a k'a kwademẹ agha, wegbama igunrun hi ogbe ndị jẹnkọ d'a lụ agha, e huru wẹ kẹ okẹn mirin wẹ ghalẹni a sa ẹka e gbọndọn lụ ọgụn ahụn d'e rukwọrị obi-eze eze alị rị ẹbamịn-ndịdan.

Daniẹlụ 11:22

O k'e gbu igunrun ndị-agha bugbu enwẹn wẹ ọda, uwẹ lẹ onyẹ hụn wụ ezigbo eze wẹ hụn wẹ gi iwu tumẹ.

Daniẹlụ 9:26

‘Ẹsa ụzọ ẹbụọ-kwasị-ọgụn-ẹtọ hụ’ ghafegụ, e gbu wẹ Onyẹ hụ Osolobuẹ tumẹ bụ onwọnni ihiẹn ọ latọ. Ndị-agha hụn wẹ lẹ onyẹ ọkịkị ohu k'a wị bịa k'e tikpọ obodo nsọ lẹ Ụlọ-nsọ hụ. Isi njẹndemẹ k'a bịa idẹnmizi kẹ okẹn mirin rị e huni: Agha k'a lụsọnmẹ d'e ru njẹndemẹ, Osolobuẹ e kugụọ a nị okẹn ntikpọ jẹnkọ d'a rị.

Emọsụ 8:8

Ẹlẹ ọnwan haịn alịnị k'e gi mẹhunmẹ onyẹ ọwụlẹ rịn'a a kwan ụya? Alị k'e buli kẹ Iyi Naịlị, o k'e buli kẹ Iyi Naịlị, ziẹnban.”

Emọsụ 9:5

Di-nwọnni-ẹnyi Osolobuẹ ihiẹn ile rị okpuru ẹ, onyẹ hụn e mẹtụ ụwa ẹka, ọ rịnranpụ, ndị ile rị imẹ ẹ a kwanma, alị lẹ enwẹn ẹ e buli kẹ Iyi Naịlị, buli, ziẹnban, nọkẹ Iyi Naịlị Ijiptu;

Maịka 1:9

Makẹni alị Sameria a rụgụọ eje ẹhụ nwọnlẹni ọgụn! Ihiẹn ohu ahụn e kunrungụọ Juda! O rugụọdẹ nwan ọnụ-mgbọn ndị nke m, o rugụọdẹ Jerusalẹm.

Maịka 5:4

O k'a pụha nwan, gi ikẹn Osolobuẹ, ọghọ rị ẹfan Osolobuẹ wụ Chuku ẹ zụn atụnrụn a. Onwọnzini ihiẹn k'e mẹ wẹ, makẹni o k'a wụ okẹn ịhịan elu ụwa ile;

Maịka 5:5

O k'e mẹ udọn rị. Ndị Asiria a banhan alị ẹnyi; ụkụ wẹ ru ụlọ-uku ndị rị alị ẹnyi, ẹnyi e wepụhanị wẹ ndị-ndu ẹsa zu ọnụ, madụ ẹsatọ-dẹ hụn ru ogo.

Nahum 1:8

O gi okẹn mirin rị e huni e bupụchanrịn ndị-iṅẹnrẹn ẹ; ọ chụ ndị-iṅẹnrẹn ẹ ye imẹ ishi.

Luku 6:48

ọ nọ kẹ onyẹ rị a tụn ụlọ, hụn gumi mgbugbu, gbe iyetọ a ye elu ọmụma; ogẹn okẹn mirin gi huru, ide ẹ nọ hukunrun ụlọ hụ, ọ sanị ẹka mẹhunmẹ ẹ, makẹni wẹ tụn a ọhụnma.

Rẹvẹleshọnụ 17:15

Mmọn-ozi hụ nọzị sị m, “Mirin ndị ahụn ị hụn ịgbaraja ahụn nọdị alị elu wẹ wụ ndị rị ichẹn-ichẹn, igunrun ichẹn-ichẹn, alị ichẹn-ichẹn lẹ asụsụ ichẹn-ichẹn.