Azaya 8:22 - Ika

²² Wẹ lee ẹnya alị, a hụn wẹ nsọngbu lẹ ishi lẹ eje-ụya sụọ — a tụ wẹ wẹ ye imẹ ụya hụ.

Azaya 8:22 ပူးပေါင်းရင်းမြစ်များ

Jobu 18:18

W'a gha imẹ ukpẹ a chụ a e ye imẹ ishi, a chụpụchanrịnd'a elu ụwa.

Ọpụpụ 10:21

Osolobuẹ nọ sị Mozizi, “Tịnpụ ẹka zinmẹ igwere, kẹni ọkịkị gbakpuru alị Ijiptu, okẹn ishi hụn e mẹtụdẹ ịhịan.”

Ọpụpụ 10:22

Ya Mozizi nọ tịnpụ ẹka zinmẹ igwere, ishi nọ gbakpuru alị Ijiptu ile, ọrọgbọ akpọhịn ẹtọ.

Itẹn 14:32

Eje-ihiẹn eje-ịhịan mẹ e gbu ẹ; kanị ndị ezi-omumẹ nwọn ebe w'a gbaban wẹ nwụnhụndẹ.

Azaya 30:6

Lee ihiẹn Osolobuẹ ku banyeni anụmanụ ndị rị alị-ọkpọnkụn Nẹgẹvụ: Alị ọkpọ-nkụn hụ afụnfụn lẹ nsọngbu rị, alị okẹn-ẹwọrọ lẹ onyẹnnyẹ-ẹwọrọ rị, alị ẹjụ-alị lẹ eje-agwọ ichẹn-ichẹn jun — ịya kẹ ndị ụkọ wẹ zi fetuchanrịn — wẹ lẹ ihiẹn bugbu enwẹn ẹ ọda wẹ bu elu jaki lẹ ihiẹn ndị rị mkpa wẹ bu elu anyịnyan-mkpukpuke, hụn wẹ bujẹnkọnị ndị alị ahụn nwọnlẹni erere o k'a bannị wẹ,

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Azaya 50:11

Kanị, ụnụ ile hụn a mụyeni enwẹn ụnụ ọkụn, a mụyeni enwẹn ụnụ ukpẹ-ọwa, gi ni nwan ọkụn ndị ahụn ụnụ mụye ghama, ya lẹ ukpẹ-ọwa ndị hụ ụnụ mụye. Kanị, ihiẹn ụnụ jẹnkọ d'e nwọnhẹn ẹka m wụ ọnwan: ọnụ jẹnkọ d'e dinẹtọ imẹ eje-afụnfụn.

Azaya 50:3

Mmẹ e mẹ igwere e gitọ, ọ nọ kẹ ihiẹn wẹ gi ẹkwa-ogi kpumẹ.”

Azaya 59:9

Ya haịn Osolobuẹ gilẹni a tụnị ẹnyi ụya; ya haịn ihiẹn te furu n'o ru ẹnyi ẹka gilẹni e ru ẹnyi ẹka. Ẹnyi hụ a chọ ukpẹ, kanị ishi kẹ ẹnyi rị nwan a hụn; ẹnyi hụ e lee ẹnya nị eki fọnni ẹnyi, kanị imẹ ẹkpa-ishi kẹ ẹnyi rịkwọ nwan a gha.

Azaya 60:2

Lee ẹ, ụwa ile a gbagụọ ishi; ẹkpa-ishi e kpumẹgụọ alị ndị ọzọ ile — kanị, Osolobuẹ a pụhaọlẹ imẹ i, Jerusalẹm, ọghọ a a pụhagụọ d'e kpuru ụnụ ndị Jerusalẹm.

Azaya 8:20

Jẹn ni d'e kunrun Iwu Osolobuẹ lẹ ihiẹn ile ọ gwa ụnụ! Omẹni oku ịhịan gwa ụnụ lẹ Iwu Osolobuẹ a dangbamanị, ịya wụ nị ukpẹ arị imẹ wẹ.

Azaya 9:1

Kanị, ụya eriferikọ ndị ụya te rị e ri. Osolobuẹ e welụaghọ alị Zẹbulọnụ lẹ alị Naf'tali alị mbụ, kanị ihun, o sikọ d'e ye uwẹ wụ Galili ọghọ — Galili hụn ndị alị ọzọ jun, hụn rị ụzọ Ohimin, obodo hụ rị mkpẹnrẹn Iyi Jọdanị —

Azaya 9:20

E bu wẹ ihiẹn rị ibe ẹka-nni ri — ẹgụn hụkwọ a gụn wẹ; e ri wẹ hụn rị ibe ẹka-ekpẹn — ẹfọ ejunkwọnị wẹ. Onyẹ-onyẹ e ri anụ nwẹnẹ ẹ:

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Jerimaya 23:12

Ufiri ẹ, ụzọ wẹ k'a rị e kpo; wẹ sikọ d'a chụ wẹ ye imẹ ishi, a dantọ wẹ ebẹhụ. M k'e mẹ wẹ okẹn-ihiẹn o ru ogẹn m'e gi ye wẹ afụnfụn. Mmẹ wụ Osolobuẹ e kugụọ a!

Matiu 22:13

Eze nọ sị idibo ẹ, ‘Kẹnmẹ n'ẹ ụkụ lẹ ẹka, tụ a ye ishi ahụn rị ezi, ebe ịhịan jẹnkọ d'a nọ a kwan ẹkwan, a ta nkwẹnrẹn-eze.’

Matiu 24:29

“Hụn nsọngbu ogẹn hụ gihụ ghafegụ, ẹnyanwụn jẹnkọ d'a gba ishi, ifọn etikọzị; kokisẹ rị igwere k'a dantusọnmẹ, ikẹn ndị rị igwere k'e mẹhunmẹ.

Matiu 8:12

kanị ụmụ Alị-eze hụn nkẹ a banyen'ẹ k'a rị ẹkpa ishi rị ezi ebe wẹ k'a chụshi wẹ, ebe ịkwan-ẹkwan lẹ ịta nkwẹnrẹn-eze jẹnkọ d'a rị.”

Judu 1:13

Wẹ nọhụ kẹ mirin ohimin rị e mẹhunmẹni, ihiẹn ifẹnrẹn wẹ hụ a gbọshi elu kẹ ụfọfọ; wẹ wụ kokisẹ ụzọ ohu ghalẹni e ru, ndị Osolobuẹ kwademẹni ishi ka ishi a gba hụn k'a rị jẹnrin ejẹn!

Rẹvẹleshọnụ 16:10

Mmọn-ozi nke isẹn nọ hu ihiẹn rị imẹ afẹrẹ a ye ukpo-eze eje-anụ hụ, alị-eze eje-anụ hụ nọ gba ishi; wẹ hụ a tadẹ ire wẹ makẹ okẹn ụfụ wẹ rị imẹ ẹ;