Azaya 8:21 - Ika

²¹ Wẹ k'a rị imẹ afụnfụn lẹ ẹgụn, a wahunmẹ imẹ alịnị; ẹgụn gụnbe wẹ, e weshi wẹ ẹnya elu, kpọ eze wẹ lẹ Chuku wẹ iyi.

Azaya 8:21 ပူးပေါင်းရင်းမြစ်များ

Ndị-nze Nke Ẹbụọ 25:3

Nke akpọhịn itenẹi imẹ ọnwan nke ẹnọ ahụa hụ, ihiẹn-oriri rị a kọ imẹ obodo hụ a karịgụọ ẹka, ndị obodo hụ enwọnzi ihiẹn wẹ k'e ri.

Ndị-nze Nke Ẹbụọ 6:33

Ẹlaịsha rịhụ e ku ihiẹnni, onyẹ eze zi nọ chọha a. Eze sị, “Osolobuẹ buhẹni ẹnyi nsọngbuni. Kị m'e chemẹzini Osolobuẹ?”

Jobu 1:11

Tịnpụ nwan ẹka mẹtụ ihiẹnni ile o nwọn — omẹni ọ kpọkọ ị iyi ihun i.”

Jobu 18:12

Nsọngbu a chọd'a a chọ; ntikpọ nkẹ hụ e che ẹ n'ọ dan.

Jobu 2:5

Tịnpụlele nwan ẹka mẹ ẹhụ a ihiẹn hụn o k'a nụ ukwere ẹ, omẹni ọ kpọkọ ị iyi ihun i.”

Jobu 2:9

Nwunyẹ Jobu nọ sị Jobu, “Echẹn k'i kwọnkẹnmẹkwọ ebe i kwọndọn? Kpọ Chuku iyi n'ị nwụn!”

Ọpụpụ 22:28

“Ekujakwọlẹ oku Osolobuẹ mọbụ kpọ onyẹ-ndu ndị nke ụnụ iyi.

Itẹn 19:3

Nzuzu ịhịan hụ e wiwi ẹ ihiẹn, kanị obi ẹ hụ a kpọnị Osolobuẹ ọnụma.

Azaya 14:30

Ogbẹnnyẹ kachanrịn ogbẹnnyẹ e mẹ k'a hụn ihiẹn-oriri rijun ẹfọ, ndị elu rịdẹ a fụ k'e dinẹ, ihiẹn emẹkọ wẹ. Kanị ụnwụn k'e gbupụ mkpọgụn ị, gi ẹ gbupụ ụmụ ị họdụnị.

Azaya 51:19

Eje-ihiẹn ẹbụbụọnị e kunrungụọ ị nwan; onyẹ k'a sa nwan ẹka mẹn'i ihiẹn ọwụlẹ? Owiwi lẹ ntikpọ, ụnwụn lẹ ọpịa-agha — onyẹ k'a sa nwan ẹka hụhụ ị ẹkwan?

Azaya 59:9

Ya haịn Osolobuẹ gilẹni a tụnị ẹnyi ụya; ya haịn ihiẹn te furu n'o ru ẹnyi ẹka gilẹni e ru ẹnyi ẹka. Ẹnyi hụ a chọ ukpẹ, kanị ishi kẹ ẹnyi rị nwan a hụn; ẹnyi hụ e lee ẹnya nị eki fọnni ẹnyi, kanị imẹ ẹkpa-ishi kẹ ẹnyi rịkwọ nwan a gha.

Azaya 65:13

Di-nwọnni-ẹnyi wụ Osolobuẹ sị nwan, “Lee n'ẹ, idibo m k'e rijun ẹfọ, kanị ụnụ k'a nọ ẹgụn! Lee n'ẹ, idibo m k'a rajun ẹfọ, kanị ẹkpịrị k'a kpọ ụnụ nkụn! Lee n'ẹ, idibo m k'a ghọghọ, kanị ifẹnrẹn k'e mẹgbu ụnụ!

Azaya 9:20

E bu wẹ ihiẹn rị ibe ẹka-nni ri — ẹgụn hụkwọ a gụn wẹ; e ri wẹ hụn rị ibe ẹka-ekpẹn — ẹfọ ejunkwọnị wẹ. Onyẹ-onyẹ e ri anụ nwẹnẹ ẹ:

Azaya 9:21

Manasẹ e ri Ifrem, Ifrem e ri Manasẹ; wẹ ẹbụọ e bunụmanị Juda. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 14:18

M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 52:6

Ogẹn o gi ru nke akpọhịn itenẹi imẹ ifọn nke ẹnọ imẹ ahụa hụ, ụkọ ihiẹn-oriri rị obodo ahụn a karịgụọ ẹka, nke wụnị ndị rị imẹ ẹ ahụnzịnị ihiẹn w'e ri.

Lẹvitikọsụ 24:11

Hụn nnẹ ẹ wụ onyẹ Izrẹlụ nọ kpọlịa Ẹfan hụ rị nsọ, kpọ iyi. Wẹ nọ wẹhẹni Mozizi ya. (Ẹfan nnẹ ẹ wụ Shẹlomiti nwa Dibiri onyẹ ebọn Danị.)

Samuẹlụ Nke Ibuzọ 8:18

Ogẹn hụ, ụnụ jẹnkọ d'a kwanma ẹkwan, rịọma nị wẹ d'a zụọpụha ụnụ ẹka eze hụ ọnụ hanrịn, kanị ụhụọhịn hụ, Osolobuẹ azakọ ụnụ.”