Azaya 8:19 - Ika

¹⁹ Wẹ sị ụnụ d'e kunrun ndị a gba ẹfa lẹ ndị a ma ozun lẹ ndị wẹ lẹ ndị-mmọn gba e mẹkọ, ndị a ka nwịnrịn-nwịnrịn, o furuni nị ndị alị jẹn d'a jụ Chuku wẹ ọnụ? Kị wẹ rị a jụnị ndị nwụnnị oku ndị rị ndụn?

Azaya 8:19 ပူးပေါင်းရင်းမြစ်များ

Jẹnẹsisi 41:24

Ọhịọ ọka ndị nwẹn mẹ wiri-wiri nọ luepụ ọhịọ ẹsa ahụn rị mma. “E ziẹngụọnị m ndị ile a gba ẹfa ya, onwọnni onyẹ s'ẹka kọwanị m ihiẹn ọ wụ.”

Ndị-nze Nke Ẹbụọ 1:3

Kanị mmọn-ozi Osolobuẹ nọ bịa d'e kunrun Ẹlaịja onyẹ Tishibẹ, sị a, “Lihi ọtọ d'e kunrun ndị eze Sameria zi, nị ị jụ wẹ, ‘Chuku arịdẹ nwan Izrẹlụ haịn ọnụ gi jẹnkọ d'a jụ Baalụ-Zẹbubu mmọn ndị Ẹkrọnụ ọnụ?’

Ndị-nze Nke Ẹbụọ 21:6

O gi nwa okẹnnyẹ ẹfọ a chụn ẹjan w'a dụn ọkụn, o gizighọ ikẹn ọzọ e mẹ ihiẹn, a gba ẹfa, e buru ndị-ihẹnrẹn lẹ ndị wẹ lẹ ndị mmọn gba e ku. O mẹkẹnmẹ ihiẹn rịlẹni mma ẹnya Osolobuẹ, a kpasu ẹ iwe.

Ndị-nze Nke Ẹbụọ 23:24

Josaya e wepụzịghọ ndị a gba ẹfa lẹ ndị e du ndị-mmọn e ku lẹ mmọn ndị alị kọmasọnmẹ iwe wẹ lẹ mmọn-lẹ-iyi ichẹn-ichẹn lẹ ihiẹn ọzọ ile w'e fe, kẹ imẹ alị Juda ile kẹ imẹ obodo Jerusalẹm. Ihiẹn ndịnị ile k'o gi mẹzu Iwu Osolobuẹ wẹ de imẹ ẹkụkwọ hụ onyẹ-isi nchụn-ẹjan wụ Hil'kia hụn imẹ Ụlọ-nsọ Osolobuẹ.

Ihiẹn Mẹni Nke Ibuzọ 10:13

Sọlụ nwụnhụn makẹni o gi ẹka-ẹbụọ sọn Osolobuẹ; o mẹni ihiẹn Osolobuẹ ku — o jẹnghọdẹ d'a gba ẹfa,

Ihiẹn Mẹni Nke Ẹbụọ 33:6

O mẹ ụmụ a ikẹnnyẹ gha imẹ ọkụn imẹ Ọdanmgbugbu Bẹn-Hinọm, e buche ẹka ihiẹn eje-mmọn, a gba ẹfa, e gi ikẹn ọzọ a rụn, e jẹn ẹfa, e buru ndị wẹ lẹ mmọn wị e ku; o mẹkẹmẹkẹ ihiẹn bu ọda rịlẹni mma ẹnya Osolobuẹ. Iwe nọ we Osolobuẹ.

Ẹbụ-ọma 106:28

E wezighọ wẹ enwẹn wẹ kwanị mmọn wụ Baalụ alị Pioru, rimẹ anụ wẹ gi chụnyeni ndị-mmọn ẹjan.

Azaya 19:3

Ndụn k'a gụchanrịn ndị Ijiptu — makẹni m k'e wiwipụ ihiẹn wẹ rotọ; wẹ k'e buru mmọn ndị hụ wẹ kpụ lẹ ndị-mmọn d'a jụ wẹ ihiẹn wẹ k'e mẹ, kẹ ndị a gba ẹfa kẹ ndị wẹ lẹ ndị-mmọn gba e ku.

Azaya 26:14

A nwụnhụngụọ wẹ nwan, arịzị wẹ ndụn; mmọn wẹ lagụnị ekinhẹnkọ. Ịyụ ye wẹ afụnfụn, tikpọ wẹ; y'e finchanpụchanrịn ihiẹn ile w'e gi nyanhan wẹ.

Azaya 29:4

Ị k'a danbanchanrịn imẹ alị, nọ alị e ku; olu i a gha ebe ị rị imẹ alị a han kẹ onyẹ olu gwọ, olu i a gha alị a han kẹ olu ndị-mmọn, a han kẹ olu onyẹ rị a ka ụka.

Azaya 30:2

Wẹ rị e jẹn Ijiptu bụ ajụnị wẹ m uche m; a chọjẹn Fẹro wụ eze Ijiptu n'o chemẹ wẹ, e jẹn d'a rịọ alị Ijiptu n'o kpumẹ wẹ igungun.

Azaya 45:11

Lee ihiẹn Osolobuẹ ku, Osolobuẹ, Onyẹ-nsọ Izrẹlụ lẹ onyẹ hụn ken'ẹ, ọ sị: ‘N'i gidẹ nwan oku ihiẹn lalanị jụma m njụ banyeni ụmụ m, ra n'ị gwamadẹ m ihiẹn m k'e gi ihiẹn m ke mẹ?

Azaya 47:12

Busọnmẹ ni nwan nshi ụnụ, gwọsọnmẹ ọgụn ile ụnụ a gwọ — wẹ ile kẹ ụnụ e mẹ gha ẹhụ nwa-ndu lala. Ikẹnkwọ n'ọ ghaghọnị ụnụ, ikẹnkwọ nị wẹ gighọ wẹ tụ egun ụnụ.

Azaya 47:13

Okẹn ndụnmọdụn hụ ile nwọnlẹni isi wẹ ye ụnụ a gụgụọ ụnụ ndụn! Ndị gi kokisẹ a gbanị ụnụ ẹfa wẹ pụha nwan d'e yeni ụnụ ẹka — ndị ahụn e lee okokisẹ wẹ bumẹni ụnụ amụma ifọn-ifọn, wẹ zụọpụha nwan ụnụ imẹ eje-ihiẹn lalanị nị ụnụ!

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Jerimaya 27:9

Ya wụ, egikwọlẹ ni oku ndị-amụma ụnụ dọn — wẹ lẹ ndị a gbanị ụnụ ẹfa lẹ ndị a rọ nrọ imẹ igunrun ụnụ lẹ ndị a hụnnị ụnụ ụzọ lẹ ndị-ihẹnrẹn ụnụ — ebe o mẹ ni wẹ rị a sị ụnụ nị “Eze Babilọnụ emẹrikọ ụnụ.”

Lẹvitikọsụ 19:31

Eburukwọlẹ ni ndị a gba ẹfa, a ma ozun mọbụ chọburu ndị a gwọ ọgụn, gi ẹ mẹrụ enwẹn ọnụ. Mmẹ wụ Osolobuẹ, Chuku ụnụ.

Lẹvitikọsụ 20:6

“M k'e mẹshi onyẹ k'a chọjẹn ndị a gba ẹfa lẹ ndị a gwọ ọgụn ikẹn, o gi gbasọnmẹ wẹ nọkẹ ịgbaraja — m k'e bepụ a imẹ ndị nke ẹ.

Maịka 5:12

M k'a zapụchanrịn ihiẹn ile wẹ gi ikẹn mmọn a rụn; ndị a gba ẹfa arịkọzị imẹ ụnụ.

Ọrụn Ndị-ozi 16:16

Ụhụọhịn ohu, ebe ẹnyi jẹnkọ ebe wẹ a nọ e mẹ ekpere, ẹnyi nọ hụn nwagbọọ ohu wụ igbọn, eje-mmọn o gi a hụn ọhụn rị imẹ ẹ. O gi ihiẹnni a kpahanị ndị nwọnn'ẹ egho ọda-ọda.

Ditrọnọmi 18:10

y'e enwọnkwọlẹ onyẹ ọwụlẹ imẹ igunrun ụnụ gi nwa a okẹnnyẹ mọbụ okpoho chụn ẹjan w'a dụn ọkụn mọbụ onyẹ a gba ẹfa mọbụ onyẹ a kọwa oro ihiẹn kẹ wẹ e mẹ mọbụ onyẹ nwọn mmọn o gi a hụn ụzọ mọbụ onyẹ a gwọ ọgụn;

Ditrọnọmi 18:11

mọbụ onyẹ gi ọgụn a rẹrẹrị ihiẹn mọbụ ohẹnrẹn mọbụ onyẹ e sọn ndị-mmọn e ku mọbụ onyẹ a ma ozun.

Ndị Tẹsalonika Ibuzọ 1:9

Makẹni, wẹ hụ e ku oku ẹnyi — kẹ ụnụ dọn nabanhan ẹnyi ọhụnma-ọhụnma lẹzi kẹ ụnụ dọn febehi mmọn, femẹ ezigbo Osolobuẹ rị ndụn,

Pita Nke Ẹbụọ 2:1

Kanị o nwọnzighọ ndị amụma-ntụ rị imẹ igunrun ndị Izrẹlụ ogẹn mbụ hụ. Ẹrịra kẹ ndị nkuzi-ntụ jẹnkọ d'a rịzị imẹ ụnụ. Wẹ k'e gi nzuzue webanhansọnmẹ nkuzi-ntụ e buhẹ ntikpọ, jụdẹ Di-nwọnni-ẹnyi hụn ṅọnni wẹ, gi ẹ buhẹkẹnrinni enwẹn wẹ ntikpọ.

Samuẹlụ Nke Ibuzọ 28:11

Okpoho ahụn nọ sị, “Onyẹ m'a kpọpụhanị ị?” Sọlụ nọ sị a, “Kpọpụhanị m Samuẹlụ.”

Samuẹlụ Nke Ibuzọ 28:16

Samuẹlụ nọ sị a, “K'ị rị nwan a jụnị m, ebe o mẹ ni Osolobuẹ a gbakitọgụọ ị azụụn, họnrin eṅẹnrẹn i?

Samuẹlụ Nke Ibuzọ 28:7

Sọlụ nọ gwarị sị idibo ẹ, “D'a chọnị nị m okpoho a gba ẹfa, nị m jụ a ihiẹn m k'e mẹ.” Wẹ nọ sị a, “Ohu hụ Ẹndọ.”

Samuẹlụ Nke Ibuzọ 28:8

Sọlụ nọ kẹnhutọ makẹ wẹ gha a marịn a, yiri ẹkwa ọzọ. Ịya lẹ ikẹnnyẹ ẹbụọ nọ gi imẹ abalị chọburu okpoho hụ. Sọlụ nọ sị okpoho hụ, “Jụnị m onyẹ-mmọn ajụjụ; kpọpụhanị m onyẹ m jẹnkọ d'a kpọ ẹfan.”