Azaya 8:18 - Ika

¹⁸ Lee m ebeni, mmẹ lẹ mmụ Osolobuẹ ye m. Ẹnyi wụ ahịma lẹ ihiẹn Osolobuẹ Nwọn ikẹn ile gi a gwa Izrẹlụ oku, Osolobuẹ hụn bi Ugu Zayọnụ.

Azaya 8:18 ပူးပေါင်းရင်းမြစ်များ

Jẹnẹsisi 33:5

Isọ e lee ẹnya, ọ nị legha ikpoho ndị hụ lẹ ụmụ wẹ, ọ nọ sị Jekọpụ, “Elee ndị wụ ndịnị yụ lẹ wẹ wị?” Jekọpụ nọ sị a, “Ụmụ Osolobuẹ mẹ ọhụnma ye odibo i rọ.”

Ihiẹn Mẹni Nke Ibuzọ 23:25

makẹni Defidi e kuọlẹ sị, “Ebe omẹni Osolobuẹ wụ Chuku Izrẹlụ e yegụọ ndị nke ẹ ezumikẹn, ebe o mẹni ọ bịagụọ d'e biri imẹ Jerusalẹm jẹnrin ejẹn,

Ẹbụ-ọma 22:30

Agbọ ndị rị ihun k'e fe Osolobuẹ; agbọ ndị rị ihun k'a nụ banyeni Osolobuẹ.

Ẹbụ-ọma 71:7

Ndị bu ọda hụ a gba m ilee, kanị, ịyụ wụ ebe zeni m'a gbaban.

Ẹbụ-ọma 9:11

Bụnị nị Osolobuẹ ẹbụ ịja mma, Osolobuẹ hụn nọ Zayọnụ rị Jerusalẹm a kị! D'a gwasọnmẹ ni alị ichẹn-ichẹn ihiẹn o mẹ!

Ẹbụ-ọma 9:12

Makẹni Onyẹ hụn e gbugwarị ndị e gbu ọchụn k'ọ wụ; ọ nyanhan anyanhan — a ra zọ ẹkwan ndị wẹ rị a bịangbu.

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 14:32

Kịnị kẹ wẹ jẹnkọ d'a shịarị ndị ụkọ alị hụ zila? “Osolobuẹ e tumẹgụọ Zayọnụ; imẹ Zayọnụ kẹ ẹhụ a nọ fu ndị nke ẹ wẹ rị e mẹkpa ẹhụ.”

Azaya 20:3

Ya kẹ Osolobuẹ nọ sị, “Kẹ odibo m wụ Azaya dọn gi ụkụ mmaka e jẹnhunmẹ, ya lẹ ọtọ — ọrọgbọ ahụa ẹtọ, gi ghọsị ihiẹn k'e mẹ Ijiptu lẹ Ẹtiopịa,

Azaya 24:23

Ifẹnrẹn anịkọ ifọn ti, ụya anịkọ anwụn mụ; makẹni Osolobuẹ nwọn ikẹn ile k'a rị a kị; Ugu-Zayọnụ, imẹ Jerusalẹm, k'o k'a nọ kị ọkịkị hụn k'a ghọsị ọghọ a idẹnya ndị-isi Jerusalẹm.

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Azaya 7:16

makẹni, nwata hụ gini d'a marịn ihiẹn ru ebe ọ nọ saẹka jụ ihiẹn rịlẹni mma, họrị ihiẹn rị mma, alị ndị-nze ẹbụbụọnị ị rị a tụ egun wẹ a lagụọ iwi.

Azaya 7:3

Ya Osolobuẹ nọ sị Azaya, “Jẹnmẹ, yụ lẹ Shịa-Jashubu nwa ị, d'a hụn eze wụ Ahazị. Ụnụ k'a hụn a isi uroro-amị hụ mirin gha e huye Ọgọdọ-mirin ahụn rị Ibe-elu, hụn rị ụzọ wẹ gha e jẹn Ogige Ọsụ-ẹkwa.

Azaya 8:3

Mmẹ lẹ nwunyẹ m wụ onyẹ-amụma nọ ranhịn, ọ nọ tụrụ imẹ, mụ okẹnnyẹ. Osolobuẹ nọ sị m, “Gụn a: ‘Gbukpọkẹnrin; Gbukwarị-ozigbo’.

Jerimaya 44:29

Osolobuẹ sịzị, ‘M jẹnkọ d'e mẹ ihiẹn ụnụ e gi marịn nị m k'e ye ụnụ afụnfụn ebeni, kẹni ụnụ marịn nị ẹlẹ m rị e ku ẹ mmaka nị m k'e mẹ ụnụ ihiẹn.

Izikẹlụ 12:6

Ọhịhị gbama y'a nọ idẹnya wẹ bu ibu hụ che uvun, pụ. Ị pụkọnị y'e kpumẹ ihun i, makẹ ị gha e legha alị ị. M rị e gi i a ghọsị ndị Izrẹlụ ihiẹn.”

Izikẹlụ 14:8

“M k'e bu ẹnya zinmẹ onyẹ hụ, gi ẹ họnrin ihiẹn-nghọsị lẹ ihiẹn w'e kuja oku ẹ. M k'e bepụ a imẹ ndị nke m, ụnụ e gi ẹ marịn nị mmẹ wụ Osolobuẹ.

Izikẹlụ 4:3

Y'e bu ugbugbẹ wẹ gi e ghe ihiẹn che, n'ọ wụrụ mgbọn ẹgbata yụ lẹ obodo Jerusalẹm hụ i se; y'e bu ihun zinmẹ ẹ, ọ wụrụ obodo ndị iṅẹnrẹn kehunmẹ. M sikọ d'e gi ihiẹnni gwa ikpụlọ-Izrẹlụ oku.

Zẹkaraya 3:8

Gọn nwan ntịn Joshụa, onyẹ-isi ndị nchụn-ẹjan, ịyụ lẹ ndị nchụn-ẹjan ibe i hụn a rụn okpuru i, makẹni ụnụ wụ ihiẹn-ahịma m gi a ghọsị ihiẹn jẹnkọ d'e mẹni: M sikọ d'e wẹhẹ odibo m wụ Agalaba.

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Luku 2:18

Ihiẹn ndị ahụn e du anụ ku tụ ndị ile nụn'a ẹnya.

Luku 2:34

Simiọnụ nọ gọzi wẹ; ya k'ọ nọ sị nnẹ ẹ wụ Meri, “Gọn ntịn, wẹ tumẹ nwatanị n'ọ wụrụ onyẹ wẹ sikọ d'e gi budan ndị bu ọda imẹ Izrẹlụ, bushi ndị bu ọda elu, lẹzi n'ọ wụrụ ahịma wẹ k'a jụ;

Ditrọnọmi 28:46

Ihiẹn ndịnị ile k'a wụrụ ihiẹn-ahịma lẹ ihiẹn a tụ ẹnya wẹ gi a gwa ụnụ lẹ ụmụ ụnụ oku jẹnrin-ejẹn.

Hibru 10:33

ụya wẹ ye ụnụ ri, ukpokpo wẹ kpokpo ụnụ lẹ kẹ ụnụ dọn kweri sọndẹ ndị ọzọ wẹ rị e mẹ ẹrịra ta afụnfụn.

Hibru 12:22

Kanị, Ugu Zayọnụ kẹ ụnụ bịa, obodo uku Osolobuẹ rị ndụn, Jerusalẹm hụn rị elu-igwee; ụnụ bịa d'e kunrun ndị mmọn-ozi oripiti-oripiti rị e mẹ mmẹmmẹ.