Azaya 8:17 - Ika

¹⁷ M jẹnkọ d'e cheri Osolobuẹ, hụn rị e zuemẹni ikpụnọ Jekọpụ ihun ẹ. M jẹnkọ d'e gi ẹ e dọn ẹnya.

Azaya 8:17 ပူးပေါင်းရင်းမြစ်များ

Jẹnẹsisi 49:18

Euu Osolobuẹ, ịyụ kẹ m rị e lekwọ n'ị zụọpụha m!

Jobu 13:24

K'ị bupunini m ihun, e mẹ m kẹ eṅẹnrẹn i?

Jobu 14:14

Ịhịan nwụnhụngụ, n'ọ rịzị ndụn? Omẹni n'ọ rịghọ ndụn, e din m afụnfụnnị m rị imẹ ẹ, e che mgbe wẹ tọpụ m.

Jobu 35:14

Ọrịwụzị ịyụ hụn rị e kin nị y'a marịn ẹfọ a, nị ẹka a k'ọ rị nwan, nị ị hụ e che ẹ!

Ẹbụ-ọma 130:5

M rị e che Osolobuẹ e gi obi m ile e che; m rị e gi ihiẹn o ku e dọn ẹnya.

Ẹbụ-ọma 27:14

Gi Osolobuẹ dọn ẹnya. Turu, y'e kwọndọn obi i, y'e gi Osolobuẹ dọn ẹnya.

Ẹbụ-ọma 33:20

Ẹnyi rị e che Osolobuẹ; ịya wụ onyẹ e yeni ẹnyi ẹka lẹ akpaịn e che ẹnyi nche.

Ẹbụ-ọma 37:34

Cheri Osolobuẹ, y'e sọnsọnmẹ ụzọ a. O k'e bushi i elu kẹni alị hụn ụzọ họnrin nke i; ị k'a hụn kẹ wẹ gbupụ ndị-njọ.

Ẹbụ-ọma 39:7

Kị m'e gi nwan dọn ẹnya, Osolobuẹ? Ịyụ kẹ m gi dọn ẹnya.

Ẹbụ-ọma 40:1

E din m ndidin cheri Osolobuẹ, ọ nọ gọn m ntịn, nụ ẹkwan m.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Azaya 25:9

Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 26:8

Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 33:2

Osolobuẹ dodo, mẹ ni ẹnyi omikẹn — nị ịyụ kẹ ẹnyi rị e lee ẹnya. Wụrụ ikẹn ẹnyi ụtụntụn ọwụlẹ; wụrụ nị ẹnyi onyẹ nzụọpụha ogẹn nsọngbu.

Azaya 45:15

Ezioku-ezioku, Chuku hụn e zuemẹ enwẹn ẹ k'ị wụ, Chuku Izrẹlụ, hụn a zụọpụhanị!

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Azaya 57:17

Iwe te we m makẹ njọ ẹnya-uku ẹ, e ye m'ẹ afụnfụn, gi olulu bupụ ihun, kanị ọ tọkwọ isi-ikẹn e bu.

Azaya 59:2

Njọ ụnụ e kebegụọ ụnụ lẹ Chuku ụnụ; njọ ụnụ haịn o gi bupụ ụnụ ẹnya, ya haịn o gilẹni e gọn ụnụ ntịn.

Azaya 64:4

Gha alị lala, anụtuni wẹ n'o nwọn Chuku ọzọ nọ kẹ yụ, onwọntudẹni onyẹ o feban ntịn; ahụntuni wẹ Chuku ọzọ nọ kẹ yụ, hụn e mẹni ndị e chen'ẹ ihiẹn y'e mẹ.

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Azaya 64:7

Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn.

Jerimaya 33:5

Ebe wẹ rị a lụsọn ndị Babilọnụ agha, ozun ndị alịnị k'e jun ụlọ ndịnị, ozun ndị m k'e gi iwe lẹ ọnụma m gbu, makẹni a gbakitọgụọ m alịnị azụụn yeni eje-ihiẹn wẹ rị e mẹ.

Hosia 12:6

Rogharị nị ni nwan d'e kunrun Chuku ụnụ! e kwọnkẹnmẹ ni ihiẹn-ọsụsụọ e mẹ ni ịhịan k'o furu, e che eyemẹka Chuku ụnụ ogẹn ile.

Maịka 3:4

O ru ogẹn hụ, ụnụ jẹnkọ d'a kwanghọsị Osolobuẹ, kanị ọ zakọ ụnụ; o k'e fepụ ụnụ ẹnya yeni eje-ihiẹn ụnụ rị e mẹ.

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Habakọkụ 2:3

Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Luku 2:38

Ogẹn ohu hụ kẹ ya nwẹn gi pụha ebẹhụ, kpanmịnma Osolobuẹ, e ku oku nwata hụ kẹni ndị ile rị e che ni Osolobuẹ gbapụha Jerusalẹm nụ.

Luku 24:27

Ya Jizọsị nọ gha ihiẹn Mozizi de imẹ Ẹkụkwọ-nsọ lẹ ihiẹn ndị-amụma ile de kọwachanrịn nị wẹ ihiẹn ile Ẹkụkwọ-nsọ ku banyeni enwẹn ẹ.

Ditrọnọmi 32:20

Ọ sị, “M k'e bupụ wẹ ihun, nị m hụn kẹ w'a dọn ban ihiẹn; makẹni agbọ isi-ikẹn kẹ wẹ wụ, ụmụ furulẹni w'e gi dọn ẹnya.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Ndị Tẹsalonika Nke Ẹbụọ 3:5

Di-nwọnni-ẹnyi ya dodo du obi ụnụ ile ye ihiẹn-ọsụsụọ Osolobuẹ lẹ okẹn-ndidin Kraịstị.

Hibru 2:13

Ọ sịzị, “M k'e gi ẹ dọn ẹnya.” Ọ sịzịkwọ, “E lee mmẹ lẹ ụmụ Osolobuẹ ye m.”

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.