Azaya 8:14 - Ika

¹⁴ o k'a wụ ebe rị nsọ w'a gbaban; kanị, ọmụma ịhịan a kpọgburu lẹ nkumẹ e mẹ wẹ a dan k'o k'a wụrụnị azụụn ẹbụbụọ rị Izrẹlụ. Nke ndị bi imẹ Jerusalẹm, ọnyan lẹ ihiẹn w'e gi kwọndọn wẹ k'o k'a wụrụnị wẹ.

Azaya 8:14 ပူးပေါင်းရင်းမြစ်များ

Ẹbụ-ọma 11:6

O k'e hu ikeke-ọkụn lẹ nsịn ẹnyanwụn rị e rẹn ọkụn kpu ndị-njọ; ufere rị e bi ọkụn wụ nke wẹ.

Ẹbụ-ọma 140:5

Ndị mpache e shigụọnị m ọnyan zuemẹ; a gbamagụọ wẹ ọga wẹ ụzọ kẹni wẹ gi ẹ nwụn m; e shitọsọnmẹgụọnị wẹ m ọnyan. Sẹla

Ẹbụ-ọma 69:22

Ihiẹn-oriri wẹ ya wụrụnị wẹ ọnyan; ihiẹn ọma wẹ ya wụrụzịnị wẹ ọnyan!

Itẹn 18:10

Ẹfan Osolobuẹ wụ okẹn ụlọ zeni; ndị ezi-omumẹ gbaban a, a hụn wẹ isi.

Azaya 25:4

Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 26:20

Ndị nke m, jẹnmẹ ni; d'a banye ni mmughẹ ụnụ, ụnụ a gụnma enwẹn ụnụ ye; warị nị ẹkẹrẹ — d'e ru mgbe ọnụma Osolobuẹ rọgụ.

Azaya 28:16

Osolobuẹ hụn nwọn ikẹn ile sị nwan, “Lee ni ẹnya, m rị e butọ ọmụma imẹ Zayọnụ, ọmụma wẹ lelegụ ọhụnma; ọmụma rị mkpa hụn wụ iyetọ; uhue ehuekọ onyẹ gi ẹ dọn ẹnya.

Azaya 4:6

O k'a wụrụnị wẹ okpukpu lẹ igungun anwụn gha a mụ, wụrụnị wẹ ebe w'a gbaban lẹ ebe w'a warị ogẹn ẹbi lẹ mirin-ozuzue.

Azaya 59:10

Ẹnyi e bisọnmẹ ẹka ẹhụ-ẹjan jẹnkọ lekẹ ẹnya-mpịn e bisọnmẹ ẹka nọkẹ ndị nwọnlẹni ẹnya; a kpọgburu ebe eki rị elu, lekẹ sị ọhịhị a gbamagụọ. Imẹ igunrun ndị ẹhụ rị ikẹn, ẹnyi nọhụ kẹ ozun ndụn rịlẹni.

Azaya 7:16

makẹni, nwata hụ gini d'a marịn ihiẹn ru ebe ọ nọ saẹka jụ ihiẹn rịlẹni mma, họrị ihiẹn rị mma, alị ndị-nze ẹbụbụọnị ị rị a tụ egun wẹ a lagụọ iwi.

Jerimaya 6:21

Lee nwan ihiẹn Osolobuẹ ku: “M k'e butọnị ndịnị uke; kẹ ndị nẹdi kẹ ụmụ k'a kpọgburusọnmẹ; kẹ ndị idumu ịhịan kẹ ndị ọwụ a k'a la iwi.”

Izikẹlụ 11:16

“Sị nwan, ‘Lee ni ihiẹn Osolobuẹ nwọn ihiẹn ile ku: Ọsụọn'a nị e te kpọnghọ m wẹ shi alị ndị ọzọ rị ebe teni, fe wẹ yesọnmẹ alị ichẹn-ichẹn, m hụ a nọyeni wẹ ẹkẹrẹ imẹ alị ndị wẹ shi.’

Izikẹlụ 3:20

“O mẹzikwọnị onyẹ ezi-omumẹ a latọ ezi-omumẹ ẹ, mẹmẹ eje-ihiẹn, nị e bu m uke tọn'a; o k'a nwụn. Ebe o mẹ ni y'a gban'a mkpịnsịn-ẹka ẹnya, o k'a nwụn makẹ njọ a. Anyanhankọ m ihiẹn rị mma o mẹ; ẹdeke ẹ jẹnkọ d'a rị ị ẹka.

Matiu 13:57

Ya wẹ nọlẹni kwerin'ẹ. Jizọsị nọ sị wẹ, “Onwọnni ebe wẹ ghalẹni a gbaye onyẹ-amụma wezụka imẹ alị a lẹ iwe ẹ.”

Matiu 21:44

Onyẹ danye elu ọmụmanị jẹnkọ d'e tigungwọn, kanị ọ dankwasị ịhịan, o gwerinrin ẹ!”

Luku 2:34

Simiọnụ nọ gọzi wẹ; ya k'ọ nọ sị nnẹ ẹ wụ Meri, “Gọn ntịn, wẹ tumẹ nwatanị n'ọ wụrụ onyẹ wẹ sikọ d'e gi budan ndị bu ọda imẹ Izrẹlụ, bushi ndị bu ọda elu, lẹzi n'ọ wụrụ ahịma wẹ k'a jụ;

Luku 21:35

Makẹni, ụhụọhịn hụ sikọ d'e kunrun ịhịan ile rị elu-ụwa.

Ndị Rom 11:35

Onyẹ yetu ẹ ihiẹn hụn o gi kụkin ẹ ya?”

Joshụa 10:7

Ya Joshụa nọ gha Gil'galụ buli, ịya lẹ ndị agha a ile, kẹ ndị odogun-agha ile.

Pita Ibuzọ 2:8

Ọ wụrụgụọzị “Ọmụma w'a kpọgburu; nkumẹ a han wẹ a dan.” Agbayeni wẹ oku hụ haịn wẹ gi kpọgburu kẹ wẹ dọn detọnị wẹ ya.