Azaya 7:8 - Ika

⁸ Makẹni ikẹn Aram wụhụ Damaskọsụ isi-alị a; ikẹn Damaskọsụ nkẹ wụ Rẹzini eze wẹ. Ndị Ifrem nkẹ k'a lachanrịn iwi ahụa isẹn kwasị ọgụn-ẹtọ gini d'e zu, wụbehi alị.

Azaya 7:8 ပူးပေါင်းရင်းမြစ်များ

Jẹnẹsisi 14:15

Ọ nọ gi uhinhin kebe itu ẹ, ya lẹ idibo ẹ nọ ke ẹka maye wẹ; a gba wẹ ọsọ, ọ nọ chụrụ wẹ d'a pụha alị Hoba hụn rị ẹbamịn-ugu alị Damaskọsụ.

Samuẹlụ Nke Ẹbụọ 8:6

Ọ nọ bu ndị-agha tọ imẹ alị-eze ndị Aram alị Damaskọsụ nị w'e leban wẹ ẹnya, ndị Aram nọ ban okpuru Defidi, a tụhan'a ụtụ-isi. Osolobuẹ mẹsọnmẹ Defidi mẹri ebe ọwụlẹ o jẹn.

Ẹzra 4:2

wẹ nọ bịa d'e kunrun Zerubabẹlụ lẹ ndị-isi ebọn ichẹn-ichẹn, sị wẹ, “Nị ẹnyi sọn ụnụ tụn a, makẹni ẹnyi nwẹn e fezikwọ Chuku ụnụ. Ẹnyi hụ a chụnyen'ẹ ẹjan kete Ẹsahadọnụ eze Asiria wẹhẹlẹ ẹnyi ebeni.”

Azaya 8:4

Nwatanị gini d'a s'ẹka hịma ‘Baba!’ mọbụ ‘Nnẹ!’ eze Asiria e burugụọ akụ-lẹ-ụba Damaskọsụ lẹ ihiẹn hụn alị Sameria gbu ndị ọzọ kwarị.”

Azaya 9:11

Kanị Osolobuẹ e tumẹgụọnị wẹ ndị-iṅẹnrẹn Rẹzini, hụn k'a maye Rẹzini hụ wẹ gi e dọn ẹnya; ọ kpasugụọ ndị-iṅẹnrẹn wẹ nị wẹ hụn ụzọ d'a maye wẹ.

Azaya 9:9

Ịhịan ile a marịnghọ — kẹ ndị Ifrem kẹ ndị bi isi-obodo wẹ wụ Sameria — ndị rị e kukarị enwẹn wẹ makẹ mpache wẹ, a sị,

Jerimaya 49:23

Nke obodo Damaskọsụ, “Ndụn a gụgụọ alị Hamatị lẹ alị Apadị — makẹni wẹ nụ eje-ozi; obi e dẹnhingụọ wẹ yeni uhue, obi a nọ wẹ kẹ ohimin ẹbi rị a kpọ, obi eruzini wẹ alị.

Izikẹlụ 27:18

“ ‘Damaskọsụ te wụzịkwọ onyẹ-afịa ị, e ṅọnnarịn ị ihiẹn bugbu enwẹn ẹ ọda ụnụ e mẹmẹ, yeni okẹn akụ-lẹ-ụba ị, e gi manya ndị Hẹl'bọnụ lẹ oruru alị Zaha a kụ ị ụgwọ.

Hosia 13:1

Ogẹn mbụ, ndị Ifrem kumẹ oku, ẹhụ a mama ndị ọzọ ile nni; wẹ te a gbaye wẹ ọda-ọda imẹ alị Izrẹlụ. Kanị wẹ nọ gi ife Baalụ mẹ njọ, wẹ nọ nwụnhụn.