Azaya 66:5 - Ika

⁵ Nụ nị nwan oku Osolobuẹ, ụnụ ndị a nụ oku ẹ, e mẹhunmẹ! Umunẹ ụnụ hụn rị e ze ize ụnụ, e nu ụnụ e ye ụsụọ makẹ ufiri ẹfan m, a sịgụọ, “Osolobuẹ ya ghọsịkwọ ikẹn ẹ, kẹni ẹnyi hụn ịghọghọ ụnụ!” Kanị, uwẹ kẹ ifẹnrẹn jẹnkọ d'e mẹ.

Azaya 66:5 ပူးပေါင်းရင်းမြစ်များ

Ndị-nze Nke Ibuzọ 21:29

“Y'a hụnghọ kẹ Ehabụ welụa enwẹn ẹ alị ihun m? Makẹni o welụa enwẹn ẹ alị, emẹkọ m'a ihiẹn m ku ogẹn nke ẹ, kama, ogẹn nwa a kẹ m'e gi mẹ ẹ.”

Ndị-nze Nke Ẹbụọ 22:10

Ya kẹ Shafanị wụ akanwe nọzị sị eze, “O nwọn ẹhụhụọ Hil'kia onyẹ isi nchụn-ẹjan ye m.” Shafanị nọ nọ idẹnya eze gụn a.

Ihiẹn Mẹni Nke Ẹbụọ 34:27

Makẹni ị nị ihiẹn ị nụ mẹtụ ị, welụa enwẹn i alị ihun Chuku ogẹn i gi nụ ihiẹn o ku n'o ke mẹ ebeni lẹ ndị rịn'a lẹzi makẹni i welụa enwẹn i alị ebe m rị, dọka ẹwuru i, kwan ẹkwan idẹnya m, mmẹ wụ Osolobuẹ sị n'a nụgụọ m olu i.

Ẹzra 9:4

Ya kẹ ndị ile oku Chuku Izrẹlụ mẹtụ nọ nọhunmẹ m, makẹ ọlatọnị ndịnị lụaha ebe wẹ kpụnjẹn wẹ latọ iwu Osolobuẹ. M nọdịhụkwọ ebẹhụ m nọdị d'e ru ogẹn wẹ gi a chụn ẹjan ẹnyasị makẹni ụya ru m olu.

Ẹbụ-ọma 119:120

Ẹhụ hụ a ma m nni yeni egun i; uhi i hụ a tụ m egun.

Ẹbụ-ọma 38:20

Ndị gi njọ a kụ m mma, hụ e kuja oku m ebe m rị a chọ nị m mẹ ihiẹn rị mma.

Itẹn 13:13

Onyẹ wẹ gwa oku o lelịa a k'e gi isi ẹ buru; kanị onyẹ gbaye iwu wẹ ye ẹ, ọ narịn ụgwọ-ọrụn.

Ẹbụ Solomọnụ 1:6

Agbazilẹ ni m ile makẹni m'e gi ngi, anwụn gikpo m. Makẹni umunẹ m ikẹnnyẹ rị e weni m iwe, wẹ nọ mẹ m rụnma alị vaịnị — ebuzini m ẹnya che alị vaịnị m.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 5:19

ndị hụn a sị, “Chuku ya mẹmẹ ozigbo, ya rụnkẹnrin ihiẹn nwẹn o k'a rụn, nị ẹnyi hụn a; ihiẹn ahụn Onyẹ-nsọ Izrẹlụ romẹ ya mẹmẹ nwan; ya mẹmẹ kẹni ẹnyi marịn ihiẹn hụ.”

Azaya 60:15

Ọsụọn'a n'a jụgụọ wẹ i nwan, e ze ize i — hụn wụnị onwọnzini onyẹ a gha imẹ i, m k'e mẹ ụnụ wụrụ ihiẹn-ọghọ k'a rị jẹnrin-ejẹn lẹ ihiẹn-ịghọghọ ebe agbọ ọwụlẹ pụhanị rị.

Azaya 65:13

Di-nwọnni-ẹnyi wụ Osolobuẹ sị nwan, “Lee n'ẹ, idibo m k'e rijun ẹfọ, kanị ụnụ k'a nọ ẹgụn! Lee n'ẹ, idibo m k'a rajun ẹfọ, kanị ẹkpịrị k'a kpọ ụnụ nkụn! Lee n'ẹ, idibo m k'a ghọghọ, kanị ifẹnrẹn k'e mẹgbu ụnụ!

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Jerimaya 36:16

A nụgụ wẹ ihiẹn ile ọ gụn, egun nọ tụma wẹ — onyẹ-onyẹ e bu ẹnya tụma ibe ẹ, ya wẹ nọ sị Baruku, “Ẹnyi jẹnkọ d'a gwakwọ eze ihiẹnni ile.”

Hosia 11:10

Omẹgụ, wẹ k'e kinhẹn: wẹ k'a gbasọn Osolobuẹ, ogẹn m'e gi dẹn kẹ ẹwọrọ. M dẹnhụ kẹ ẹwọrọ, ụmụ m rị ẹbamịn ọdịdan-ẹnyanwụn e gi ẹhụ ọmụma-nni buruhẹ m.

Matiu 10:22

Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.

Luku 13:17

Ogẹn o gi ku ihiẹnni, ifẹnrẹn nọ mẹ ndị iṅẹnrẹn ẹ. Kanị igunrun ahụn rị ebẹhụ hụ a ghọghọ makẹ ihiẹn atụmẹnya ile ọ rị e mẹ.

Jọnụ 16:2

Wẹ jẹnkọ d'a chụpụ ụnụ imẹ ụlọ-ofufe. Ogẹn lala hụn w'e gi gbudẹ ụnụ e ro nị Osolobuẹ kẹ wẹ rị e mẹn'ẹ.

Jọnụ 9:34

Wẹ nọ sị a, “Imẹ njọ kẹ wẹ nọchanrịn mụ ị; yụ k'a kuzimẹzi ẹnyi?!” Ya wẹ nọ chụpụ a imẹ ụlọ-ofufe.

Ndị Tẹsalonika Nke Ẹbụọ 1:12

kẹni wẹ gi ihiẹn wẹ rị a hụn ebe ụnụ rị ye ẹfan Di-nwọnni-ẹnyi Jesu mgbaye, gizi ufiri Jesu ye ụnụ ọghọ, nị Osolobuẹ lẹ Di-nwọnni-ẹnyi Jesu Kristi e yekẹni ụnụ ẹka.

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Jọnụ Ibuzọ 3:13

Umunẹ m, y'a tụlẹ ụnụ ẹnya nị ize ụnụ rị e ze ụwa.