Azaya 66:4 - Ika

⁴ Mmẹ nwẹn sikọ d'e mẹshi wẹ ikẹn; m k'e mẹ ihiẹn w'a tụ egun ẹ kunrun wẹ. Makẹni, kẹ m kpọ oku, onwọnni onyẹ zanị; kẹ m ku oku, onwọnni onyẹ gi ẹ dọn. Ihiẹn rịlẹni mma ẹnya m kẹ wẹ e mẹ, ihiẹn e ze m ize kẹ wẹ a họrịsọnmẹ.

Azaya 66:4 ပူးပေါင်းရင်းမြစ်များ

Ndị-nze Nke Ẹbụọ 21:2

Manasẹ mẹ ihiẹn rịlẹni mma ẹnya Osolobuẹ, mẹsọnmẹ eje-ihiẹn alị ndị hụ Osolobuẹ chụpụ buche ndị Izrẹlụ mẹ.

Ndị-nze Nke Ẹbụọ 21:6

O gi nwa okẹnnyẹ ẹfọ a chụn ẹjan w'a dụn ọkụn, o gizighọ ikẹn ọzọ e mẹ ihiẹn, a gba ẹfa, e buru ndị-ihẹnrẹn lẹ ndị wẹ lẹ ndị mmọn gba e ku. O mẹkẹnmẹ ihiẹn rịlẹni mma ẹnya Osolobuẹ, a kpasu ẹ iwe.

Ẹbụ-ọma 81:12

M nọ la wẹ tọ nị wẹ gbasọnmẹ isi-akwanran wẹ, wẹ nọ mẹsọnmẹ ihiẹn obi wẹ ye wẹ.

Itẹn 1:24

Kanị, makẹni ụnụ azanị kẹ m kpọ oku, makẹni onwọnni onyẹ gọn ntịn kẹ m tịnpụ ẹka ẹbụọ nị m nabanhan ụnụ,

Itẹn 10:24

Ihiẹn a tụ onyẹ eje-omumẹ egun jẹnkọ d'e kunrun ẹ; ihiẹn rị a gụn onyẹ ezi-omumẹ jẹnkọ d'e ru ẹ ẹka.

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Azaya 59:15

Ezioku arịzị; onyẹ jụ eje-ihiẹn, a chọma wẹ isi ẹ. Osolobuẹ e lee ẹnya, ọ fụ a — nị ezigbo eṅẹn arịa.

Azaya 59:7

Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Azaya 65:12

Okeri m k'e ye ụnụ wụnị wẹ k'e gi ọpịa gbu ụnụ, ụnụ ile k'e welụa isi, a mabepụ wẹ ụnụ olu — makẹni kẹ m kpọ ụnụ, ụnụ azanị; a gwa m ụnụ oku, ụnụ egini dọn. Ụnụ nọ mẹ ihiẹn rịlẹni mma ẹnya m, ụnụ a hanrịn ihiẹn ghalẹni a sụọ m.”

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Azaya 65:3

ndịnị hụn a kpasu m iwe elee-m, elee-i, ghahanị ese w'a kwasọnmẹ imẹ ugbo-nta wẹ, a mụ nsẹnsi elu ukpo ụrụa ndị hụ;

Azaya 65:7

Njọ ụnụ lẹ njọ ndị nẹdi ụnụ haịn m k'e gi mẹ ẹ.” Ya kẹ Osolobuẹ ku. “Makẹni ndị nẹdi ụnụ nkẹ a mụzịghọ nsẹnsi elu ugu, e fezighọ nị wẹ m isi elu òke; m k'a kụzu wẹ ụgwọ ihiẹn wẹ mẹ mbụ, kụ a ye wẹ ngadan.”

Jerimaya 35:17

“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.

Jerimaya 7:30

“Osolobuẹ: Ndị Juda e mẹgụọ ihiẹn rịlẹni mma ẹnya m. A kọmagụọ wẹ mmọn ndị ahụn rụnị ye imẹ ụlọ hụn a za ẹfan m, mẹrụ a.

Izikẹlụ 11:8

Egun agha kẹ ụnụ rị a tụ: agha hụ kẹ m welanị ụnụ. Ya kẹ Osolobuẹ nwọn ihiẹn ile ku.

Izikẹlụ 14:4

“Ị k'a sị wẹ nwan, ‘Osolobuẹ nwọn ihiẹn ile sị: Onyẹ Izrẹlụ ọwụlẹ hụn k'e bu obi ẹ che mmọn, gi njọ a gbọnkin enwẹn ẹ ụzọ, bịa d'e kunrun onyẹ-amụma, mmẹ lẹ enwẹn m wụ Osolobuẹ k'a zazịkwọ hụnyẹ nọkẹ onyẹ rị e fe mmọn ndị hụ ile ọ rị e fe.

Izikẹlụ 20:25

E ye m wẹ iwu ndị rịlẹni mma hụn ghalẹni e ye ndụn;

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Samuẹlụ Nke Ibuzọ 8:19

Kanị ndị Izrẹlụ egọnni Samuẹlụ ntịn. Wẹ sị, “Mba! Ẹnyi chọ eze k'a kịnị ẹnyi,