Azaya 66:3 - Ika

³ Onyẹ hụn gi okẹn-efin chụnyeni m ẹjan hụzị e gbu ọchụn; onyẹ hụn a chụnyeni m ẹjan nwa-atụnrụn, hụzị a kpagi nkitẹ olu e ye mmọn; onyẹ hụn e ye m oyiye-ọka hụzị a chụnyeni mmọn ẹdeke ezin; onyẹ hụn a mụyeni m nsẹnsi hụzị a ja mmọn-lẹ-iyi mma. Hụn sụọnị wẹ kẹ wẹ e mẹ, arụ ile wẹ e mẹ a sụọgbu wẹ.

Azaya 66:3 ပူးပေါင်းရင်းမြစ်များ

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Itẹn 21:27

Ẹjan ndị eje-omumẹ a chụn wụ arụ ẹnya Osolobuẹ — ọrịwụzị hụn wẹ bu eje-ihiẹn obi wẹhẹ!

Azaya 44:19

Onwọnni onyẹ e rokpọn'a; onwọnni onyẹ nwọn amamihiẹn mọbụ nghọta hụn o gi sị enwẹn ẹ, “Ịya kẹ m nọ warị nkụn, gi shi ihiẹn-oriri, gizikwọ a hụnma anụ, ri. Nanị m'a dọnzị nwan gi hụn họdụnị mẹmẹ mmọn, mẹmẹ ihiẹn rụnị, femẹ ẹ? Nị m'a kpọnị nwan ogwe-nkụn isi-alị?”

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Azaya 57:17

Iwe te we m makẹ njọ ẹnya-uku ẹ, e ye m'ẹ afụnfụn, gi olulu bupụ ihun, kanị ọ tọkwọ isi-ikẹn e bu.

Azaya 65:12

Okeri m k'e ye ụnụ wụnị wẹ k'e gi ọpịa gbu ụnụ, ụnụ ile k'e welụa isi, a mabepụ wẹ ụnụ olu — makẹni kẹ m kpọ ụnụ, ụnụ azanị; a gwa m ụnụ oku, ụnụ egini dọn. Ụnụ nọ mẹ ihiẹn rịlẹni mma ẹnya m, ụnụ a hanrịn ihiẹn ghalẹni a sụọ m.”

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Azaya 66:17

“O mẹ nke ndị hụn e fe ẹhụ hụ wẹ e fe, e jẹn ugbo-nta d'a rụa mmọn, e sọnhunmẹ onyẹ rị e duni wẹ, e ri anụ ezin lẹ ọgwọ lẹ anụ ndị ọzọ m sị wẹ erilẹ; wẹ ile kẹ wẹ k'e tikpọ.” Ya kẹ Osolobuẹ ku.

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Lẹvitikọsụ 2:2

bu ẹ jẹnni ụmụ Ẹrọnụ ikẹnnyẹ, ndị nchụn-ẹjan. Onyẹ nchụn-ẹjan k'a nọ ọka ahụn wẹ gwe lẹ ofugbọn-olivu rịn'a bụọrị ọb'ẹka ohu, o werizi nsẹnsi hụ ile, o gi hụn ọ bụọrị lẹ nsẹnsi nọkin ẹnya ẹjan hụ ile, nọ elu ukpo nchụn-ẹjan dụn wẹ ọkụn — oyiye wẹ gi ọkụn ye rọ, hụn ishin ẹ a sụọ Osolobuẹ.

Hagaị 2:14

Ya kẹ Hagaị nọ sị: Osolobuẹ sị, “Ẹrịra kẹ ndịnị lẹ alịnị rụ nwan ẹnya m; ẹrịra kẹ ọrụn-ẹka wẹ ile rụzị; oyiye ọwụlẹ wẹ e ye rụ arụ.

Ditrọnọmi 14:8

ezin rụzịkwọ arụ: ụkụ a a waghọ kanị ara rị ọnụ. Erikwọlẹ ni anụ wẹ mọbụ mẹtụ ozun wẹ ẹka.

Ditrọnọmi 23:18

Ewẹhẹkwọlẹ ni egho-ọrụn ịgbaraja okpoho mọbụ okẹnnyẹ d'e mẹzu nkwa ọwụlẹ imẹ ụlọ Osolobuẹ wụ Chuku ụnụ, makẹni wẹ ẹbụbụọ rụ arụ ẹnya Osolobuẹ wụ Chuku ụnụ.

Ndị Han Eṅẹn 10:14

D'a kwanghọsị nị mmọn-lẹ-iyi ndị ahụn ụnụ họrị; wẹ zụọpụha nwan ụnụ imẹ nsọngbu.”

Ndị Han Eṅẹn 21:25

Izrẹlụ enwọn eze ogẹn ahụn; onyẹ-onyẹ e mẹ ihiẹn rị mma ẹnya a.

Ndị Han Eṅẹn 5:8

Ogẹn ndị Izrẹlụ gi họrị ihiẹn ọzọ femẹ, agha nọ ru ọnụ-mgbọn obodo. Ahụnnị wẹ akpaịn imẹ Izrẹlụ, a hụnnị wẹ obo, kẹ imẹ ndị-agha Izrẹlụ nnụ-uku ọgụnnaị!